Hêbrơ 4:15 - Sơ̆p Hlabơar Nơ̆r 'Bok Kei-Dei

¹⁵ Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Hêbrơ 4:15 Iomraidhean Croise

Le 23:9

Ih 'nĕ kơ pơjuă pơđep lu bơngai tơmoi, yua kơ lu iĕm đêl tơmoi tơ dêh Êyiptơ, lu iĕm băt lăm jơhngơ̆m iĕm bơngai tơmoi thoi yơ boih.

Êsai 53:9

Đe 'măn bơih bơsat sư hơdai hăm lu bơngai kơnê̆. Mă khan sư ưh kơ đei layơ pơm tơdrong kơnê̆ păng 'bơ̆r sư ưh kơ đei hơlĕnh. Mă-lei kơplah sư lôch, đe 'bŭ sư hơdai hăm bơngai mơdrŏng;

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Mathiơ 12:20

Sư bơngai dim khôn dêh. Mă đe lui rơdu dang hla 'long wă jê̆ hơlŭng, Sư ưh kơ phĕ tŭk ôh; Mă đe lui rơdu dang ŭnh kơđeng wă jê̆ păt, Sư kư̆m ưh kơ pĭt tŭk ôh; Sư kư̆ kơ jang truh tơ kon bơngai pơm 'lơ̆ng tơpăt dih băl.

Mathiơ 4:1

Đơ̆ng noh na Yang Bơhngol 'Lơ̆ng anhăk ba Yêsu tơ char glă kơdrô̆ Sư, wă kơ yŏng pơgơ̆r yang kơnê̆ anăn sư Satan pơlong lăng Sư.

Luka 22:28

“Đơ̆ng sơ̆ khơ̆ dang ei Inh đei lơ tơdrong đe chă pơm kơ Inh, mă-lei iĕm ưh kơ achăng lê̆ Inh ôh.

Luka 4:2

truh tơ char glă chơngue. Sư oei tơ ei puăn-jĭt năr. Na kơplah puăn-jĭt năr ei đei yang Satan năm pơhlŭ Sư. Kơplah noh Yêsu ưh kơ đei sŏng sa ôh. Lăp truh kơ puăn-jĭt năr ei boih na Sư pơngot.

Yo 8:46

“Lăm lu iĕm ưh kơ đei bu 'bôh Inh pơm yoch kiơ. Dah Inh pơma tơpăt lơliơ iĕm ưh kơ wă lui kơ Inh?

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

Hêbrơ 5:2

Lu sư băt mơnat kơ lu bơngai mă kơhlôh kơwao, lu bơngai yoch, yua kơ lu sư kư̆m hơdai tơrăn lei-lăi thoi lu bôl buăl.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Pet 2:22

“Sư ưh kơ đei pơm minh tơdrong yoch kiơ, păng Sư ưh kơ đei layơ hơlĕnh kơ đe.”

I Yo 3:5

Iĕm băt mơ̆n Yêsu Krist jur tơ ala teh âu sơ̆ wă pơklaih bơ̆n đơ̆ng tơdrong yoch. Păng Sư ưh kơ lah pơm yoch ôh.