Hêbrơ 4:12 - Sơ̆p Hlabơar Nơ̆r 'Bok Kei-Dei

¹² Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

Hêbrơ 4:12 Iomraidhean Croise

Horiso 110:2

Kră Yang đơ̆ng Siôn gô wơh 'long jra pơtao tơdrong kơtang Sư. Ăn kơ ih pơgơ̆r bĕ lu ayăt kơ Ih.

Horiso 119:130

Tơdrong bơtho tơblang nơ̆r Ih pơchrang ăn hơdah. Sư ăn tơdrong hlôh wao kơ lu bơngai tơpăt.

Horiso 139:2

Ih băt 'bơ̆t inh hơ-oei, kơplah inh iung. Mă đơ̆ng ataih Ih băt đĭ tơdrong inh tơchĕng.

Horiso 149:6

Ăn nơ̆r hơri ư-ang kơ Kră Yang 'Bok Kei-Dei oei lăm 'bơ̆r lu sư. Chĕp đao 'bar pah măt lăm ti lu sư.

Horiso 45:3

Ơ Kră Yang nuih pran, tơ̆n bĕ đao tơ kơiĕng Ihd Noh jơ̆ tơdrong ư-ang păng tơdrong tih rŏ Ih.

Tơdrông Pơđơk 5:4

Mă-lei tuch-luch jing đak tăng hloh kơmăt. Han hloh kơ đao gưm 'bar pah măt;

Bôk Bơthô 12:11

Nơ̆r bơngai hơgei đei tơdrong pơdrŭt pơm kơ đe 'maih đŏk; sư rơih pơrĕng lu nơ̆r pơđơ̆k 'lơ̆ng kơjăp thoi pơ̆ng kơđĭnh tơ jrăng nơ̆r noh đơ̆ng Tơ'ngla wei triu ră roi.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 49:2

Kră Yang pơm kơ 'bơ̆r inh thoi lĕ kơ đao han; klơ̆p ôn inh hăm yơ̆p kơkŏng ti sư pơm kơ inh thoi 'brơ̆m hră suĕng. Păng ôn lê̆ inh lăm jŏ 'brơ̆m hră Sư.

Êsai 55:11

Na kư̆m lei-lăi thoi noh, nơ̆r Inh pơma, lĕch đơ̆ng 'bơ̆r inh bơih, ưh kơ đei tôch đĕch ôh; sĭt gô pơm tơdrong Inh wă. Păng pơkeh tơdrong jang Inh wơh sư.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 23:29

Nơ̆r Inh hăm trŏ thoi ŭnh? Thoi mut teh tơmo pơchah? Noh Kră Yang khan.

Luka 8:11

Yêsu khan: “Tơdrong rei 'ba noh hei wă khan thoi âu: 'Ba noh wă pơtih gia kơ nơ̆r 'Bok Kei-Dei.

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Jang 5:33

Lu kră sek tơlang kơtơ̆ng thoi noh, sư hil mơmĭl tơpă wă pơlôch lu jơ̆ng 'bang Yêsu.

Jang 7:38

Lăp lu đe Isơrael oei akŭm kơkuh kơ 'Bok Kei-Dei tơ char glă ei sơ̆ đei linh jang 'lơ̆ng 'Bok Kei-Dei pơma kơ Môis tơ kông Sinai, na Môis pơtruh nơ̆r ei kơ lu kơdră bơ̆n. Môis sư iŏk nơ̆r đơ̆ng 'Bok Kei-Dei wă ăn kơ bơ̆n arih ling-lang, pơtruh nơ̆r ei ăn kơ bơ̆n ră.

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

I Kor 1:24

Mă-lei gah bơ̆n mă 'Bok Kei-Dei rơih iŏk boih, mă bơngai Juđê mă bơngai nai, tơdrong Yêsu Krist lôch tơ 'long pơglang 'noh, bơ̆n băt tơdrong Yêsu Krist tơgŭm bơ̆n tôch bơneh tơpă păng 'Bok Kei-Dei mơsêh mơyang tơpă, hơgei tôm tơdrong, na Sư mah ăn Yêsu lôch tang bơ̆n.

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

Êphêsô 5:13

Mă-lei bơ̆n athei tơbăt ăn tơdrong yoch lu sư pơm noh, wă kơ lu sư mơn kơdih, thoi bơ̆n tơ̆k ŭnh tơ'bôh kơ lu sư tơdrong yoch noh. Na lu sư gô lê̆ dôm tơdrong yoch noh, na oei kiơ̆ hloi lăm hơdah ŭnh noh.

Êphêsô 5:26

wă kơ bơ̆n rơgoh đĭ kơ dôm tơdrong yoch, na pơyơ̆r bơ̆n ăn kơ 'Bok Kei-Dei wei-lăng, yua kơ bơ̆n lui kơ nơ̆r Sư bơtho, truh kơ bơ̆n iŏk 'batem tơmôch akâu bơ̆n tơ lăm đak, dang wă khan tơhoch tŭk tơdrong mơgrĭ boih iŏk tơdrong rơgoh.

Êphêsô 6:17

Bơ̆n athei yơ̆l môk kơlăm; 'noh wă pơtih gia kơ bơ̆n gơnang kơ 'Bok Kei-Dei pơklaih bơ̆n đơ̆ng tơdrong yoch. Athei iŏk chĕp đao han đơ̆ng Yang Bơhngol 'Lơ̆ng ăn; 'noh wă pơtih gia kơ bơ̆n, athei bơ̆n iŏk nơ̆r 'Bok Kei-Dei tơbăt ăn kơ đe.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

Hêbrơ 13:7

Iĕm athei lăng tơdrong arih bơngai mă bơtho iĕm tơdrong 'Bok Kei-Dei sơ̆, tơdrong arih sư thoi yơ, sư lôch thoi yơ, iĕm athei rok kiơ̆ tơdrong lui sư noh.

Hêbrơ 6:5

sư băt kơ tơdrong 'Bok Kei-Dei 'lơ̆ng tơpă boih, sư 'bôh nhên boih tơdrong mơsêh Yêsu kư̆m lei-lăi thoi Sư wă pơgơ̆r ning-mônh,

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

I Pet 1:23

Tơdrong bơ̆n tơpŭ ming 'nao ưh kơ sĭ đơ̆ng kon bơngai pơjing ôh, yua kơ kon bơngai nŏng kơ lôch; tơdrong tơpŭ ming 'nao đơ̆ng 'Bok Kei-Dei pơjing, 'Bok Kei-Dei ưh kơ layơ lôch. Sư pơjing bơ̆n jing bơngai 'nao yua kơ bơ̆n lui kơ nơ̆r Sư pơma, nơ̆r Sư ưh kơ layơ tơplih. Yua kơ nơ̆r Sư, na bơ̆n gơh arih ling-lang.

Tơdrông Tơ'bôh 1:16

Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Tơdrông Tơ'bôh 19:21

Na lu linh bre sư lôch đĭ kơ 'Bok mă hao aseh koh chong drong tơ'lĕnh păng đao 'bar pah măt mă lĕch đơ̆ng 'bơ̆r Sư. Klaih kơ noh na ăn kơ lu sem păr jur sa sĕch ôm lu atâu bơngai noh hrăp hreng.

Tơdrông Tơ'bôh 2:16

Na dang ei iĕm athei tơbral kơdih tơdrong yoch. Tơ̆ng iĕm ưh kơ tơbral, lei Inh ưh kơ anat ôh, Inh năm blah hloi dôm lu iĕm mă lui kơ tơdrong Nikôlat noh. Inh blah păng đao mă lĕch đơ̆ng 'bơ̆r Inh noh.’

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.

Lu 3:16

Êhut pơm kơdih sư minh hlak đao gưm 'bar pah măt, kơjung minh (hơgăt) păng tơ̆n đao gưm tơ kơiĕng gah 'ma, tah tơ lăm kơ ao sư.