Hêbrơ 4:11 - Sơ̆p Hlabơar Nơ̆r 'Bok Kei-Dei

¹¹ Kơlih kơ thoi noh na bơ̆n athei adrin lui mă tơpă wă kơ gơh mơ̆t pơdơh tơ 'Bok Kei-Dei păng wă kơ bơ̆n huay kơ đei bu hiong kơ tơdrong 'noh thoi lu bơngai arăng kơ̆l kuă kơ lui sơ̆.

Hêbrơ 4:11 Iomraidhean Croise

Mathiơ 11:12

Đơ̆ng Yôhan bơtho sơ̆ truh dang ei đei lơ bơngai adrin tơpă wă kơ 'Bok Kei-Dei pơgơ̆r lu sư.

Mathiơ 7:13

“Iĕm athei adrin mơ̆t trong 'măng iĕ mă năm tơ anih arih ling-lang. Trong 'măng tih mơ̆t 'bônh ră, mă-lei năm tơ dơnâu ŭnh 'Bok Kei-Dei phak, kư̆m lơ bơngai năm trong noh.

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

Luka 16:16

“'Bok Kei-Dei pơkă ăn kơ bơ̆n tơdrong juăt Sư sơ̆ păng wơh lu bơngai pơtruh nơ̆r Sư lăp truh tơ Yôhan đĕch. Na đơ̆ng Yôhan pơtơm bơtho sơ̆ truh dang ei nhôn bơtho tơdrong 'nao 'lơ̆ng 'Bok Kei-Dei wă pơklaih kon bơngai đơ̆ng tơdrong yoch na pơgơ̆r lu sư, na đĭ-đăng bơngai wă tơpă kơ 'Bok Kei-Dei pơgơ̆r lu sư thoi noh.

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

Jang 26:19

“Ơ pơtao Agripa, inh pơm kiơ̆ kơ Kră Yang Yêsu athei inh ei.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

Êphêsô 5:6

Iĕm 'nĕ kơ lui kơ đe pơhlŭ iĕm kiơ̆ dôm tơdrong kơnê̆ noh mă sư khan tơdrong 'lơ̆ng. Lu bơngai thoi noh ưh kơ chu 'Bok Kei-Dei. 'Bok Kei-Dei hil tơpă kơ lu sư, gô phak lu sư.

Philip 2:12

Ơ lu 'nhŏng oh mă inh 'mêm kơeng, iĕm băt boih Yêsu Krist iŏk đon ala thoi noh na iĕm athei adrin pơm kiơ̆ khŏm khŏm păng adrin pơm mă 'blep thoi 'Bok Kei-Dei wă, hli kơ Sư ưh kơ iŏk iĕm kơplah Yêsu Krist jur ning-mônh. Sơ̆ kơplah inh oei hăm iĕm, inh 'bôh iĕm pơm kiơ̆ 'blep tơpă, mă đơ̆ng kơdrô̆ iĕm dang ei inh ưh kơ băt, na iĕm athei kiơ̆ mă tơpă hloh kơ noh dơ̆ng.

Kôlôsê 3:6

Lu bơngai thoi noh ưh kơ chu 'Bok Kei-Dei, 'Bok Kei-Dei hil tơpă wă phak lu sư.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Hêbrơ 3:18

Bĭ Sư khan: Iĕm ưh kơ gơh layơ wă mơ̆t pơdơh tơ dêh char Inh, noh Sư hil kơ đe bu? Sư hil kơ lu bơngai mă ưh kơ chu Sư.

Hêbrơ 4:6

Lu bơngai noh sơ̆ kơtơ̆ng boih đe bơtho tơdrong 'nao 'lơ̆ng, mă lu sư ưh kơ chu kuă kơ lui, noh na lu sư ưh kơ gơh mơ̆t pơdơh hăm Sư. Lu sư kuă lê̆, 'Bok Kei-Dei ăn kơ bơngai nai mơ̆t.

Hêbrơ 6:11

Nhôn wă đĭ-đăng kơ iĕm adrin pơm kiơ̆ thoi noh ling-lang truh kơ tôch, na iĕm gô đei tơpă tơdrong mă iĕm oei chang sơmĕng dang ei noh.

Jôsuê 7:3

Lu sư wih brŏk tơ Jôsuê păng khan: Ưh kơ kăl kơ chông ba đĭ kon pơlei năm tơ noh ôh, tơdrong kơ đei, ih athei ăn dang 'bar dah pêng-rơbâu 'nu bơngai đĕch, năm tơblah pơlei Ahi, 'nĕ kơ ăn đĭ kon pơlei năm gleh lap tơ noh, yua kơ bơngai pơlei Ahi lăp tŏ sĕt đĕch.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.