Hêbrơ 3:9 - Sơ̆p Hlabơar Nơ̆r 'Bok Kei-Dei

⁹ Tơ anih âu boih lu yă 'bok iĕm pơlong Inh păng kơchu kơ Inh sơ̆. Lu sư 'bôh ră mơ̆n tơdrong Inh pơm 'lơ̆ng kơ lu sư kơplah lơ̆m puăn-jĭt sơnăm sơ̆.

Hêbrơ 3:9 Iomraidhean Croise

Horiso 95:9

Kơplah noh lu 'bok yă iĕm pơlong lăng Inh, lu sư pơlong Inh, Mă 'bôh boih tơdrong jang Inh pơm.

Le 19:4

Lu iĕm 'bôh boih dôm tơdrong Inh pơm kơ bơngai Êyiptơ, Inh pôk glơng lu iĕm thoi kơpal pơnăr sem klang, wă chông lu iĕm tơ Inh.

Le 20:22

Kră Yang khan Môis: Ih athei khan kơ kon pơlei Isơrael thoi âu: Lu iĕm 'bôh boih Inh đơ̆ng kơpal plĕnh pơma hăm lu iĕm;

Am 2:10

Inh kư̆m chông iĕm lĕch đơ̆ng dêh Êyiptơ păng chông ba lu iĕm kơplah puăn-jĭt sơnăm lăm char glă wă ăn kơ lu iĕm đei teh jang sa đơ̆ng bơngai Amôrit.

Jo 14:33

Lu kon sâu iĕm gô wei triu lăm char glă 'nâu lăm puăn-jĭt sơnăm lu sư gô pŭ iŏk tơdrong phak đơ̆ng lu iĕm ngôi kư̆ kă ưh kơ wă lui dĭng truh tơ lu iĕm pơ̆k lôch đĭ lăm char glă 'nâu.

Luka 7:22

Na đơ̆ng noh Yêsu khan kơ bre sư: “Biĕm wih roi kơ Yôhan tơdrong mă biĕm kơtơ̆ng đơ̆ng Inh bơtho, hăm biĕm 'bôh noh bĕ: Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk jing hơbăng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Jang 13:8

Mă-lei bơngai pơjâu ei, Êlimas, Êlimas anăn sư lăm nơ̆r Grĕk, sư tang găn bre Sôl păng 'Barna'ba wă kơ 'bok kuan tih ưh kơ lui kơ Kră Yang.

Jang 7:36

“Môis anhăk lu đe Isơrael đơ̆ng dêh Êyiptơ. 'Bok Kei-Dei ăn kơ Môis pơm tơdrong mơsêh mơyang tơ dêh Êyiptơ, tơ đak dơsĭ 'brê păng tơ char glă kơplah puăn-jĭt sơnăm.

Both 11:7

Mă-lei lu iĕm 'bôh păng măt dôm tơdrong tih mă Kră Yang hlôi pơm boih.

Both 29:2

Môis krao đĭ bơngai Isơrael khan kơ lu sư: Lu iĕm hlôi 'bôh boih dôm tơdrong Kră Yang pơm lăm dêh Êyiptơ 'bơ̆t tơm măt iĕm kơ Pharaôn kơ đĭ bơngai jang kơ sư păng lăm dêh sư.

Both 4:3

Măt lu iĕm hlôi 'bôh boih dôm tơdrong Kră Yang pơm tơ Baal Pêôr. Kră Yang 'Bok Kei-Dei lu iĕm đei pơlôch pơrăm đĭ lu bơngai lui kiơ̆ Baal Pêôr đơ̆ng lăm lu iĕm.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

Both 8:4

Lăm puăn-jĭt sơnăm hơbĕn iĕm ao ưh kơ hiah jơ̆ng iĕm kư̆m huay kơ pơ'ngeh.

Jôsuê 23:3

Lu iĕm 'bôh boih tôm tơdrong Kră Yang 'Bok Kei-Dei lu iĕm hlôi pơm kơ adrĕch adrung âu yua kơ lu iĕm; kơdih akâu Kră Yang 'Bok Kei-Dei lu iĕm hlôi tơblah ăn kơ lu iĕm.

Jôsuê 24:7

Mă-lei, 'bok yă lu iĕm krao apinh Kră Yang dŏng, Kră Yang ăn đei măng mu lăm lu kon pơlei Êyiptơ hăm lu iĕm, Kră Yang ăn đak dơsĭ lơ̆p bơngai Êyiptơ păng măt lu iĕm 'bôh boih Inh pơm kơ lu bơngai Êyiptơ. Păng lu iĕm mă oei arih đunh tơ lăm char glă.

Jôsuê 5:6

Kon pơlei Isơrael hlôi yak năm wih wơ̆t lăm char glă puăn-jĭt sơnăm, dĭng mah truh tơ kon drŏ-nglo lôch đĭ noh lu bơngai trŏ kơ pơm linh kơplah lu sư 'nao lĕch đơ̆ng char Êyiptơ, yua kơ ưh kơ chu kiơ̆ kơ nơ̆r Kră Yang. Yua kơ Kră Yang đei pơkă khan lu sư ưh kơ gơh 'bôh dêh char mă Kră Yang đei pơkă wă ăn kơ lu 'bok sư păng wă ăn kơ lu sư teh, đak sut đak toh.