Hêbrơ 3:2 - Sơ̆p Hlabơar Nơ̆r 'Bok Kei-Dei

² Na Yêsu jang 'lơ̆ng tơpă dôm tơdrong 'Bok Kei-Dei pơkă kơ Sư, kư̆m thoi Môis jang tơgŭm hnam dơnŏ 'Bok Kei-Dei sơ̆, sư jang kiơ̆ thoi 'Bok Kei-Dei pơkă tơpă.

Hêbrơ 3:2 Iomraidhean Croise

Le 40:16

Na Môis pơm kiơ̆ đĭ thoi dôm tơdrong Kră Yang đei tơtă ăn.

Jo 12:7

Đĭch đam Inh Môis ưh kơ trŏ thoi noh ôh, sư bơngai tơpăt tơnăp dêh lăm hnam Inh.

Yo 15:10

Dah iĕm răk dôm tơdrong Inh bơtho, lei inh 'mêm kơ iĕm tơpă, wei-lăng iĕm khŏm khŏm, kư̆m thoi Inh răk dôm tơdrong 'Bă Inh bơtho na Sư 'mêm kơ Inh tơpă păng wei-lăng Inh khŏm khŏm mơ̆n.

Yo 17:4

Inh pơư pơang anăn Ih kơ lu bơngai oei tơ ala teh âu; Inh pơm keh boih dôm tơdrong jang mă Ih pơkă ăn kơ Inh.

Yo 7:18

Bơngai bu bơtho kiơ̆ kơ đon sư tơchĕng kơdih, bơngai 'noh sư wă pơang akâu sư kơdih đĕch. Mă-lei dah bơngai bu bơtho wă pơư pơang nơ̆r 'Bok mă wơh sư, bơngai 'noh bơtho tơpăt, ưh kơ đei layơ hơlĕnh.

Yo 8:29

'Bă Inh mă wơh Inh, Sư oei hơdai păng Inh ling-lang. Sư ưh kơ achăng lê̆ kơdrô̆ Inh ôh, yua kơ Inh ling-lang pơm trŏ thoi Sư wă.”

Êphêsô 2:22

Lu iĕm kư̆m dang 'long hnam pơ̆ng pơlăp tơ jrăng mum noh mơ̆n. Đĭ-đăng kơ iĕm hăm lu 'nhŏng oh lu bơngai lui nai dang pơm keh minh pôm hnam 'Bok Kei-Dei ăn kơ Yang Bơhngol 'Lơ̆ng oei.

Both 4:5

Inh đei bơtho lu iĕm lu nơ̆r tơtă păng khôi juăt Kră Yang 'Bok Kei-Dei inh tơtă boih kơ inh, wă kơ lu iĕm pơm kiơ̆ mưh iĕm mơ̆t oei boih tơ lăm dêh char noh.

I Tim 1:12

Inh bơnê kơ Kră Yang bơ̆n Yêsu Krist yua kơ Sư ăn kơ jơhngơ̆m inh pran kơtang jang tơdrong Sư. Păng inh bơnê kơ Sư tơchĕng đon Sư khan inh trŏ bơngai gơh jang tơdrong Sư, na Sư rơih iŏk inh jang kơ Sư hloi.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

I Sam 12:6

Samuel khan kơ kon pơlei pơla: Kră Yang jơ̆ Tơ'ngla rơih Môis păng Arôn, chông ba yă 'bok lu iĕm lĕch đơ̆ng dêh Êyiptơ.