Hêbrơ 3:1 - Sơ̆p Hlabơar Nơ̆r 'Bok Kei-Dei

¹ Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Hêbrơ 3:1 Iomraidhean Croise

Horiso 110:4

Kră Yang đei pơkă pơkăm kơdih; Sư ưh kơ đei tơplih đon: “Ih jing 'bok soi ling-lang, kiơ̆ thoi Mêlkisêdek.”

Êsai 1:3

Rơmo băt kơ tơ'ngla, aseh băt kơ bơng 'nhĕt tơ'ngla sư, mă-lei bơngai Isơrael ưh kơ băt, kon pơlei Inh ưh kơ hlôh ôh.”

Êsai 41:20

Wă kơ đĭ-đăng bơngai 'bôh păng băt, wă kơ tơchĕng hơdai hlôh khan, noh đơ̆ng ti Kră Yang pơm tơdrong 'nâu, păng Tơ'ngla 'Lơ̆ng Rơgoh Isơrael pơjing tơdrong noh.

Êsai 5:12

Lăm năr et sa lu sư reh brŏ, hlôm lillul teh hơgơ̆r hăm et tơdrô, mă-lei lu sư ưh kơ tơchĕng tơdrong Kră Yang pơm; lu sư kư̆m ưh kơ 'bôh đêl dôm tơdrong đơ̆ng ti Kră Yang pơjing.

Êsêkiên 12:3

Thoi noh, ơ kon bơngai, ih athei hơmet tơmam chă jăk păng jăk weh yak kơ'năr 'bơ̆t anăp lu sư, ih athei jăk weh đơ̆ng anih ih oei na jăk tơ nai 'bơ̆t anăp lu sư. Lu sư gô 'bôh bưh. Rŏ lăng lu sư hlôh mă khan lu sư kon pơlei juăt kơ iung blah plơ̆.

Êsêkiên 18:28

Yua kơ sư 'bôh păng tơbral dôm tơdrong yoch kơnê̆ mă sư hlôi pơm, tơpă sư gô đei tơdrong arih păng ưh kơ đei lôch hiong.

Hagai 1:5

Thoi noh dang ei Kră Yang Tih Hloh khan thoi âu: ‘Lăng bĕ trong iĕm năm.

Hagai 2:15

Thoi noh dang ei Inh apinh lu iĕm athei tơchĕng bĕ, đơ̆ng âu tơ rŏng. Tơdrong đei truh boih, kơplah tam mă dan tơmo 'nâu kơpal tơmo to pơjing hnam akŭm 'Bok Kei-Dei.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 20:21

Thoi noh Yêsu khan kơ lu sư dơ̆ng: “Oei hiôk bĕ lu iĕm. Thoi lĕ kơ đêl 'Bă Inh wơh Inh, 'noh Inh kư̆m wơh iĕm mơ̆n.”

Yo 20:27

Păng Sư khan kơ Thôm: “Pel ti ih 'bơ̆t âu, lăng ti Inh păng chro ti ih tŏt 'bơ̆t rơhiĕo Inh. Ih 'nĕ pă sơngah, athei ih lui bĕ.”

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Rom 11:17

Lu bơngai Isơrael mă ưh kơ lui, lu sư dang kơ tơm 'long đei dơng đe wă chre hŭt. Na lu iĕm thoi tơm 'long mă chăt tơ bri brah, na đe wă chre iŏk dơng 'long tơ bri brah noh wă klop tơ dơng 'long mă đêl đe chre hŭt noh, wă kơ sư bluh 'lơ̆ng đei plei trem.

Rom 15:27

Lu bơngai mă tơgŭm jên noh lu sư lăp đon kơ tơgŭm tơpă, yua kơ lu sư dang hre kơ lu bơngai Juđê, đơ̆ng lu bơngai Juđê bơtho lu sư tơdrong 'Bok Kei-Dei sơ̆, noh na lu sư tơgŭm lu bơngai Juđê jên.

Rom 15:8

Yêsu Krist iŏk tơdrong pơmat-tat wă tơgŭm lu bơngai Juđê, wă kơ lu bơngai Juđê băt tơdrong 'Bok Kei-Dei pơma tơpăt pơkă kơ lu yă 'bok sư sơ̆ khan wă tơgŭm lu bơngai Juđê.

Rom 9:24

Lu bơngai noh wă khan lu bơ̆n âu boih Sư rơih iŏk. Ưh kơ sĭ Sư rơih iŏk pôm lu bơngai Isơrael đĕch ôh, Sư rơih iŏk lu bơngai nai hai.

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

I Kor 10:17

Lăp minh pôm 'bĕng mi noh đĕch, mă-lei đei lơ bơngai sa, 'noh pơtih gia kơ lu bơ̆n bơngai lơlap lơlang pơgơ̆p jing dang minh 'nu bơngai minh jơhngơ̆m minh đon hăm Yêsu Krist.

I Kor 9:23

Inh adrin druh rim đon kon bơngai thoi noh, yua kơ wă bơtho tơdrong 'nao 'lơ̆ng Yêsu Krist kơ lu sư na bơ̆n gơh oei hơdai hăm 'Bok Kei-Dei ling-lang ning-mônh.

II Kor 1:7

Tơdrong lui kơjăp, nhôn băt kơ iĕm lui kơjăp tơpă. Yua kơ iĕm chu iŏk tơdrong pơmat-tat thoi nhôn, na 'Bok Kei-Dei kư̆m pơlung iĕm hiôk lei-lăi thoi nhôn mơ̆n.

II Kor 9:13

Lu sư gô 'bôh tơdrong iĕm tơgŭm lu sư, na lu sư gô bơnê kơ 'Bok Kei-Dei ăn kơ iĕm lui kơ Yêsu Krist kơjăp băt chu kơ Sư. Lu sư gô ư-ang 'Bok Kei-Dei tơdrong iĕm hơlăng kơ lu sư hăm đe nai tơmam.

Êphêsô 3:6

Tơdrong 'noh lĕch đơ̆ng tơdrong 'nao 'lơ̆ng Yêsu Krist, na lu iĕm bơngai khŭl nai dang ei kư̆m hơdai đei tơdrong hiôk jơnap noh. Tơdrong hiôk jơnap noh sơ̆ Sư khan wă ăn kơ lu bơngai Juđê nhôn mă dang ei đei truh tơ iĕm boih; bơ̆n dang 'nhŏng oh minh sĕch minh akar. Iĕm klaih đơ̆ng tơdrong yoch oei hiôk jơnap hăm 'Bok Kei-Dei kư̆m thoi 'Bok Kei-Dei ăn kơ lu nhôn mơ̆n.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

Êphêsô 4:4

Đĭ-đăng kơ bơ̆n jing minh jơhngơ̆m minh đon yua kơ bơ̆n đei minh 'nu Yang Bơhngol 'Lơ̆ng oei lăm jơhngơ̆m lu bơ̆n. Na 'Bok Kei-Dei ăn kơ bơ̆n minh tơdrong chang gô kư̆m lei-lăi mơ̆n.

Philip 3:14

Ning-mônh 'Bok Kei-Dei gô krao inh iŏk dôm tơdrong Sư apah inh tơ plĕnh ti yua kơ Yêsu Krist lôch tang inh. Thoi noh na inh adrin kơdâu truh tơ anih đêl Sư pơkă, wă kơ inh gơh iŏk dôm tơdrong Sư apah ei.

Kôlôsê 1:12

Na iĕm gô bơnê kơ 'Bă tơm bơ̆n 'Bok Kei-Dei ăn kơ bơ̆n dôm tơdrong hiôk 'lơ̆ng hăm ăn kơ bơ̆n oei tơ anih hơdah, thoi Sư ăn kơ đĭ-đăng lu kon Sư nai.

Kôlôsê 1:22

Mă dang ei đei Yêsu Krist ăn akâu Sư kơdih lôch tang bơ̆n na iĕm jing hiôk hơiă hăm 'Bok Kei-Dei boih. Sư pơm thoi noh Sư dang pơjao lu iĕm kơ 'Bok Kei-Dei khan iĕm bơngai 'lơ̆ng tơpăt ưh pă đei tơdrong yoch boih.

Kôlôsê 3:12

Lu bơ̆n âu boih 'Bok Kei-Dei 'mêm mơnat, na rơih iŏk bơ̆n, wă kơ bơ̆n jing kon Sư; na bơ̆n athei băt 'mêm mơnat kơ đe lei-lăi, pơm 'lơ̆ng kơ đe thoi lu bơngai gơh găt.

I Tes 2:12

Thoi noh na nhôn pơlung iĕm wă kơ iĕm pơm kiơ̆ kơ 'Bok Kei-Dei wă. 'Bok Kei-Dei iŏk iĕm wă ăn kơ iĕm mơ̆t tơ dêh char 'lơ̆ng rŏ Sư ning-mônh.

I Tes 5:27

Păng inh athei iĕm đŏk kơthơ âu kơ đĭ-đăng 'nhŏng oh bơngai lui hŏ. Iĕm athei đŏk ăn tơpă. Mă iĕm ưh kơ đŏk ăn mă iĕm khan đŏk ăn boih, kư̆m ưh kơ hlơp kơ Kră Yang ning-mônh.

II Tes 1:11

Kơlih kơ thoi noh nhôn krao khan kơ Kră Yang 'Bok Kei-Dei apinh Sư ăn kơ iĕm lui kơjăp khŏm khŏm trŏ thoi Sư wă. Sư boih krao iŏk lu iĕm wă kơ iĕm jing kon Sư. Nhôn apinh Sư ăn kơ iĕm jơhngơ̆m pran wă kơ iĕm gơh răk đon 'lơ̆ng tơpăt, kư̆m thoi iĕm tơchĕng wă mơ̆n. Nhôn apinh Sư ăn kơ iĕm lui kơjăp wă kơ iĕm jang tơdrong Sư pran kơtang.

II Tes 2:14

'Bok Kei-Dei ăn kơ nhôn bơtho kơ iĕm tơdrong 'nao 'lơ̆ng wă krao iŏk lu iĕm. Sư wă kơ iĕm oei hơdai hăm Kră Yang bơ̆n Yêsu Krist ning-mônh hiôk hơiă tơpă.

I Tim 6:12

Pơtih gia lu bơngai kơdâu pơjei, bơngai bu mă kơdâu adrin tơpă jei sư, bơngai 'noh sư gô đei apah. Mă ih kư̆m lei-lăi athei adrin mă tơpă, lui mă kơjăp na jei ih, na ih gô đei iŏk tơdrong arih tơ plĕnh ling-lang. Hơtai ih lui tơm hmơm sơ̆, đe krao khan kơ ih đang boih, na ih pơma 'bơ̆t anăp đe tơpôl lơ khan ih wă tơpă lui kơ Yêsu Krist. Đơ̆ng noh sơ̆ boih 'Bok Kei-Dei ăn kơ ih arih ling-lang.

I Tim 6:2

Đei bơngai đĭch păng yŏng, bre sư jing 'nhŏng oh yua kơ bre sư lui kơ Kră Yang boih, na bơngai đĭch ei athei lui yom kơ yŏng sư, sư jang kơ yŏng sư 'lơ̆ng hloh kơ sư tam mă lui sơ̆. 'Noh yua kơ sư đei đon 'mêm tơpă kơ yŏng sư, yua kơ yŏng sư bôl bơngai lui. Ih athei bơtho kơ đe dôm tơdrong inh ată wă kơ đe pơm kiơ̆.

II Tim 1:9

'Bok Kei-Dei pơklaih bơ̆n đơ̆ng tơdrong yoch. Sư krao iŏk bơ̆n wă kơ bơ̆n jing kon 'lơ̆ng tơpăt Sư. Sư krao bơ̆n ưh kơ sĭ bơ̆n pơm tơdrong 'lơ̆ng na Sư krao ôh, Sư krao bơ̆n yua kơ Sư 'mêm mơnat kơ bơ̆n. Đơ̆ng blŭng-a sơ̆ Sư tam mă pơjing plĕnh păng teh, đơ̆ng noh boih Sư 'mêm mơnat kơ bơ̆n wă ăn Yêsu Krist pơklaih bơ̆n.

II Tim 2:7

Ơ Timôthê, ih tơchĕng lăng bĕ dôm nơ̆r inh pơma kơ ih yua kơ 'Bok Kei-Dei gô ăn kơ ih hlôh lăm tôm tơdrong lăm đon ih.

Hêbrơ 10:19

Ơ 'nhŏng oh, bơ̆n gơnang kơ pham Yêsu, bơ̆n huay kơ hli ôh mơ̆t tơ anih giĕng tih, yua kơ Yêsu soi kơ bơ̆n boih.

Hêbrơ 10:21

Sư pơm 'bok soi tih tơgŭm kon pơlei pơla 'Bok Kei-Dei.

Hêbrơ 10:23

Bơ̆n athei wei mă kơjăp tơdrong mă bơ̆n chang sơmĕng ei, 'nĕ kơ lui pơngiĕl Sư. Yua kơ dôm nơ̆r Sư pơkă ưh kơ lah tŭk minh nơ̆r.

Hêbrơ 13:22

Ơ 'nhŏng oh, apinh iĕm mơ̆ng 'biơ̆ dôm tơdrong inh chih bơtho iĕm lăm kơthơ âu hŏ, inh chih kư̆m ưh kơ lơ ôh tŏ sĕt đĕch.

Hêbrơ 2:11

Yêsu pơklaih bơ̆n đơ̆ng tơdrong yoch păng pơyơ̆r bơ̆n kơ 'Bok Kei-Dei yua kơ Sư lăng bơ̆n thoi 'nhŏng oh pôm mĕ 'bă tơpă, 'Bă tơm bơ̆n lăp minh 'nu đĕch, Sư mă oei tơ plĕnh ti. Mă bơngai thoi bơ̆n, Sư kư̆m lăp đon kơ anăn bơ̆n 'nhŏng oh Sư.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Hêbrơ 3:14

Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

Hêbrơ 6:20

Yêsu tŏk tơ noh hơdrol kơ bơ̆n, Sư oei 'bơ̆t anăp 'Bok Kei-Dei, thoi 'bok soi tih juăt kơ mơ̆t tơ lăm hnam akŭm anih giĕng soi tih mă 'Bok Kei-Dei oei. Sư tŏk tơ noh wă hơmet trong kơ bơ̆n, wă kơ bơ̆n gơh tŏk kiơ̆ Sư, yua kơ Sư pơm 'bok soi tih ling-lang kiơ̆ kơ Sư adrĕch tih Mêlkisêdek sơ̆.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Hêbrơ 7:28

Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.

Hêbrơ 9:11

Na dang ei Yêsu Krist truh boih, Sư pơm 'bok soi ăn dôm tơdrong hiôk 'lơ̆ng kơ bơ̆n. Sư jang awih awăn tơ lăm hnam 'Bok Kei-Dei rŏ hloh kơ hnam akŭm lu bơngai noh sơ̆. Hnam Sư ei ưh kơ pơm păng ti kon bơngai ôh păng hnam ei ưh kơ trŏ kơ tơ teh âu ôh, hnam ei tơ plĕnh ti.

Hêbrơ 9:15

Thoi noh bơ̆n băt lăp pôm Yêsu đĕch boih gơh pơm 'long sơlam kơ bơ̆n kiơ̆ tơdrong pơgơ̆p 'nao, wă kơ đĭ-đăng lu bơ̆n bơngai mă 'Bok Kei-Dei krao iŏk, gô đei tơdrong Sư pơkă wă ăn kơ bơ̆n ning-mônh ei. Dôm lu bơngai noh gơh klaih đơ̆ng tơdrong yoch đêl kiơ̆ tơdrong pơgơ̆p so, yua kơ Yêsu lôch huai iŏk sư.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Pet 3:5

Lu bơngai drŏ-kăn kră sơ̆, lu sư pơguăng akâu thoi noh, lui gơnang kơ 'Bok Kei-Dei đĭ jơhngơ̆m, chu yom kơ klo sư, dôm noh đĕch mă-lei đe băt kơ sư bơngai 'lơ̆ng boih.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

I Yo 1:3

Dôm tơdrong nhôn 'bôh păng kơtơ̆ng nhôn wă roi ăn kơ iĕm, wă kơ iĕm juăt păng nhôn, na 'Bok Kei-Dei păng Kon Sư Yêsu Krist juăt đĭ-đăng rim 'nu kơ bơ̆n.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”