Hêbrơ 2:6 - Sơ̆p Hlabơar Nơ̆r 'Bok Kei-Dei

⁶ Đe chih roi tơ lăm sơ̆p hla bơar 'Bok Kei-Dei khan: “Ơ Kră Yang, kon bơngai nhôn dang yơ na Ih mah tơchĕng dêh; kon bơngai nhôn yua kiơ kơ Ih na Ih mah 'mêm 'măi kơ nhôn?

Hêbrơ 2:6 Iomraidhean Croise

Bl 50:24

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

Jop 15:14

Kon bơngai kiơ, mă gơh 'lơ̆ng rơgoh? Kon bơngai đơ̆ng drŏ-kăn rơneh liơ gơh 'lơ̆ng tơpăt?

Jop 25:6

Pơma kiơ kơ kon bơngai nhen thoi kơnu hơdrông, Păng kon sâu kon bơngai jơ̆ kơnu hơdrông.

Horiso 144:3

Ơ Kră Yang, kon bơngai âu kiơ, mă Ih hiơ̆k kơ sư? Kon bơngai mah liơ na Ih mah tơchĕng 'blŏk kơ sư?

Êsai 40:17

Đĭ-đăng dêh char 'bơ̆t anăp Kră Yang dang lĕ hoh-hoy, Sư lăng lu noh dang lĕ tam mă đei, păng ưh kơ đei kiơ.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Luka 1:68

“Bĕ bơ̆n ư-ang kơ 'Bok Kei-Dei, Kră Yang wei-lăng bơngai Isơrael bơ̆n, yua kơ Sư tơgŭm bơ̆n tơpă na Sư huai iŏk bơ̆n.

Luka 1:78

Yua kơ Kră Yang mơnat kơ bơ̆n tơpă, na Sư ăn 'Bok Dŏng Pơklaih ei jur tơ bơ̆n. Sư thoi măt 'năr pơchrang tơ'bôh tơdrong hơdah kơ bơ̆n mă bơngai oei lăm măng mu, wă lôch hiong ră, mă-lei Sư gô tơ'bôh ăn kơ bơ̆n tôm tơdrong hiôk-hian.”

Luka 7:16

Đĭ-đăng lu bơngai kiơ̆ ei hli ngăl, na lu sư ư-ang kơ 'Bok Kei-Dei khan: “Bơngai pơtruh nơ̆r 'Bok Kei-Dei mơsêh tơpă năm tơ bơ̆n boih.” Lu sư kư̆m khan dơ̆ng: “Dang ei 'Bok Kei-Dei wă tơgŭm lu bơngai Isơrael tơpă.”

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

Hêbrơ 4:4

Yua kơ lăm hla bơar Sư kư̆m đei khan gah năr tơpơh noh sơ̆ thoi âu: “Truh năr tơpơh, 'Bok Kei-Dei pơdơh tôm kơ tơdrong jang Sư.”

Hêbrơ 5:6

Tơ anih nai Sư kư̆m đei khan thoi âu: “Ih pơm 'bok soi ling-lang ưh kơ tôch, kiơ̆ kơ Ih adrĕch pơm tih thoi Mêlkisêdek.”

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.