Hêbrơ 2:3 - Sơ̆p Hlabơar Nơ̆r 'Bok Kei-Dei

³ Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Hêbrơ 2:3 Iomraidhean Croise

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 20:6

Lăm năr noh lu bơngai oei jê̆ đak dơsĭ gô khan to, lu adrĕch adrung mă bơ̆n gơnang păng kơdâu tơkan wă kơ gơh dŏng pơklaih đơ̆ng pơtao dêh Asiri, na lu sư đĭ jing thoi noh bơih! Lei liơ bơ̆n gơh klaih?

Êsai 51:5

Tơdrong 'lơ̆ng tơpăt Inh wă jê̆ truh; tơdrong dŏng pơklaih Inh truh bơih. Tơpang ti Inh gô wei pơgơ̆r đĭ-đăng kon pơlei. Lu bơngai oei lăm bŏl dơsĭ chang gô Inh păng lu sư hơmĕng gơnang kơ tơpang ti Inh.

Êsai 51:8

Yua kơ mua gô reh kăp sa lu sư nhen reh ao, păng mua gô sa sư thoi sa brai sŏk triu. Mă-lei tơdrong 'lơ̆ng tơpăt Inh gô oei oei ling-lang, tơdrong dŏng pơklaih inh oei truh ning-mônh.

Êsai 62:11

'Nâu, Kră Yang roi tơbăt bơih. Truh tơ jơ̆p-jang lăm teh đak. “Roi tơbăt bĕ kơ kon adruh pơlei Siôn. “Âu Tơ'ngla dŏng pơklaih ih truh bơih. To lu bơngai mă Kră Yang dŏng pơklaih gô năm hơdai Sư.”

Êsêkiên 17:15

Mă-lei pơtao dêh âu blah plơ̆ pơtao, wơh athei bơngai năm tơ char Êyiptơ wă apinh aseh, linh tơblah tơgŭm. Lu bơngai pơm thoi noh hăm kĕ jei ưh? Hăm gơh klaih hlôi ưh? Pơm thoi noh, lu bơngai mă pơrăm nơ̆r pơgơ̆p hăm gơh klaih ưh?

Êsêkiên 17:18

Ih hŭt lê̆ nơ̆r pơkă, pơrăm lê̆ tơdrong pơgơ̆p âu, ih đei pơm dôm tơdrong 'nâu lei na sư ưh kơ gơh klaih.

Mathiơ 23:33

Iĕm pơm thoi lĕ kơ klăn tih 'bih tur makkang, ning-mônh 'Bok Kei-Dei phak iĕm lăm dơnâu ŭnh tơpă.

Mathiơ 4:17

Đơ̆ng năr noh boih Yêsu pơtơm jang tơdrong Sư, Sư bơtho đe thoi âu: “Iĕm athei tơbral kơdih tôm tơdrong yoch, yua kơ 'Bok Kei-Dei wă pơgơ̆r iĕm boih.”

Markôs 1:14

Lăp đơ̆ng rŏng kơ đe phak Yôhan, Yêsu năm tơ dêh Galilê chă bơtho đe tơdrong 'nao 'lơ̆ng 'Bok Kei-Dei.

Luka 1:2

Lu sư chih dôm tơdrong bơ̆n kơtơ̆ng đơ̆ng lu bơngai mă 'bôh tôm tơdrong Yêsu đơ̆ng tơm hmơm sơ̆, khơ̆ Sư tŏk tơ plĕnh. Lu bơngai 'bôh tơdrong Yêsu sơ̆ sư ră roi tơdrong noh kơ bơ̆n.

Luka 1:69

Sư ăn kơ bơ̆n minh 'nu 'Bok Dŏng Pơklaih mă đei tôm tơdrong mơsêh mơyang. 'Bok 'noh Kon Sâu Đawit mă đĭch đam 'Bok Kei-Dei.

Luka 24:19

Na Yêsu jet dơ̆ng: “Tơdrong kiơ kih?” Na bre sư khan: “Tơdrong Yêsu đơ̆ng Pơlei Nasaret, Sư bơngai pơtruh nơ̆r 'Bok Kei-Dei. 'Bok Kei-Dei ăn kơ Sư hơgei tơpă bơtho tơdrong 'Bok Kei-Dei păng ăn kơ Sư gơh pơm lơ tơdrong mơsêh mơyang mơ̆n. Na đĭ-đăng lu kon tơring tơrang wang ư-ang kơ Sư.

Yo 15:27

Mă lu iĕm kư̆m bơtho tơdrong Inh mơ̆n, kơlih kơ iĕm oei hơdai hăm Inh đơ̆ng tơm hmơm sơ̆ boih.

Jang 2:22

Pêtrôs oei pơma: “Ơ lu đe Isơrael, mơ̆ng inh bĕ. Yêsu Pơlei Nasaret, bơngai mă 'Bok Kei-Dei wơh Sư pơm tơdrong mơsêh mơyang, pơm tơdrong hlĭch hlăch, tơ'bôh kơ iĕm tơdrong chrơp, 'Bok Kei-Dei yua Sư pơm lu tơdrong 'noh tơ lăm lu iĕm, thoi lu iĕm đei băt boih.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Rom 11:14

wă kơ lu bôl inh bơngai Isơrael 'nhĕng iĕm, na lui kiơ̆ iĕm, klaih kơ tơdrong yoch thoi iĕm.

Rom 2:3

Iĕm jô̆ kơ đe pơm yoch, iĕm kư̆m pơm yoch mơ̆n, iĕm tơchĕng iĕm pơm yoch 'Bok Kei-Dei ưh kơ phak ôh hă, na iĕm jô̆ kơ đe pơm yoch?

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.

Tit 2:11

'Bok Kei-Dei khan tơbăt ăn kơ bơ̆n băt kơ Sư 'mêm mơnat kơ bơ̆n tơpă wă pơklaih đĭ-đăng bơngai đơ̆ng tơdrong yoch.

Hêbrơ 1:1

Chăl arih lu yă 'bok bơ̆n sơ̆, 'Bok Kei-Dei wơh lu 'bok khan lê̆ hơdrol năm pơtruh kơ lu yă 'bok bơ̆n gah tơdrong Sư lơ 'măng phara pha.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Hêbrơ 4:1

'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.

Hêbrơ 4:11

Kơlih kơ thoi noh na bơ̆n athei adrin lui mă tơpă wă kơ gơh mơ̆t pơdơh tơ 'Bok Kei-Dei păng wă kơ bơ̆n huay kơ đei bu hiong kơ tơdrong 'noh thoi lu bơngai arăng kơ̆l kuă kơ lui sơ̆.

Hêbrơ 5:9

Sư pơm dôm tơdrong tơnen 'blep thoi 'Bok Kei-Dei, na 'Bok Kei-Dei ăn kơ Sư pơm tơm gah tơdrong dŏng pơklaih dôm lu bơngai mă băt chu kơ Kon Sư, đơ̆ng tơdrong phak ăn arih ling-lang,

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Yo 1:1

Nhôn chih roi kơ iĕm gah tơdrong Yêsu Krist. Sư dang nơ̆r 'Bok Kei-Dei yua kơ Sư tơbăt ăn kơ bơ̆n tơdrong 'Bok Kei-Dei wă kơ bơ̆n arih ling-lang. Sư arih adrol kơ 'Bok Kei-Dei pơjing plĕnh teh sơ̆. Nhôn kơtơ̆ng Sư pơma. Nhôn 'bôh Sư păng măt nhôn kơdih păng ti nhôn mơn pel akâu Sư tơpă.

Ju 1:17

Ơ 'nhŏng oh mă inh 'mêm kơeng, iĕm athei 'blŏk hơdơ̆r kơ tơdrong lu jơ̆ng 'bang Kră Yang bơ̆n Yêsu Krist pơma lê̆ hơdrol sơ̆ hŏ.

Tơdrông Tơ'bôh 7:10

Lu sư pơma hơdai đĭ kơ minh tơpôl khan: “Ư-ang Kră Yang bơ̆n mă oei tơ tang-dŏ hăm ư-ang Kon Triu. Sư boih pơklaih bơ̆n ăn kơ bơ̆n hiôk-hian.”