Hêbrơ 2:12 - Sơ̆p Hlabơar Nơ̆r 'Bok Kei-Dei

¹² Tơdrong noh kư̆m thoi Sư khan kơ 'Bă Sư sơ̆ thoi âu: “Inh gô pơư pơang anăn Ih kơ lu 'nhŏng oh Inh tơ anăp lu sư mă oei akŭm bôl lơ; păng inh hơri bơnê kơ Ih.”

Hêbrơ 2:12 Iomraidhean Croise

Horiso 111:1

Halêluya! Inh hơri bơnê kơ Kră Yang hăm đĭ jơhngơ̆m. Lăm năr lu bơngai 'lơ̆ng tơpăt akŭm tih.

Horiso 22:22

Inh gô ră roi anăn Ih kơ lu 'nhŏng oh inh, Păng bơnê kơ Ih lăm kon pơlei inh.

Horiso 22:25

Tơdrong inh hơri bơnê tơ anih akŭm tih lĕch đơ̆ng Ih, Inh gô pơm keh dôm nơ̆r đêl inh pơkă 'bơ̆t anăp lu bơngai hli yom kơ Kră Yang.

Horiso 40:10

Inh ưh kơ đei ôn tơdrong tơpăt Ih lăm jơhngơ̆m inh, Inh roi tơbăt boih 'lơ̆ng tơpăt păng tơdrong Ih dŏng pơklaih, Inh ưh kơ đei ôn lăm năr akŭm tih gah tơdrong Ih 'mêm păng tơdrong Ih mơnat sĭt tơpă.

Yo 18:20

Na Yêsu khan: “Inh ling-lang bơtho tơ bơngai tơpôl, tơ rim hnam akŭm. Inh bơtho tơ hnam akŭm 'Bok Kei-Dei tơm. Tơ yơ yơ lu Juđê akŭm, Inh bơtho kơ lu sư mơ̆n. Inh ưh kơ đei bơtho ôn ôh.

Hêbrơ 12:23

Bơ̆n gô tŏk kiơ̆ truh tơ lu kon kơdră 'Bok Kei-Dei mă đe đei chih anăn lu sư tơ Pơlei 'Bok Kei-Dei. Păng bơ̆n gô mơ̆t truh tơ anih 'Bok Kei-Dei tơ'ngla mă sek tơlang đĭ rim 'nu bơngai. Păng bơ̆n gô năm truh tơ bơhngol lu bơngai 'lơ̆ng tơpăt mă 'Bok Kei-Dei ăn hiôk oei hơdai hăm Sư.