Hêbrơ 13:3 - Sơ̆p Hlabơar Nơ̆r 'Bok Kei-Dei

³ Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.

Hêbrơ 13:3 Iomraidhean Croise

Bl 40:23

Đơ̆ng noh bơngai mă lăng pôk đak nhă kư̆m đĭ hiơt kơ Jôsep boih, pă 'blŏk kơ Jôsep dơ̆ng.

Mathiơ 25:36

Inh ưh kơ đei hơbĕn ao, iĕm tơgŭm; Inh jĭ jăn, iĕm ngôi hơpong; đe tah Inh tơ hnam phak, iĕm kư̆m năm ngôi.’

Mathiơ 25:43

Inh bơngai tơmoi, iĕm kuă kơ sơng iŏk; Inh kơ'bah kơ hơbĕn ao, iĕm kuă kơ tơgŭm; Inh jĭ jăn păng đe tah Inh tơ hnam phak, iĕm kư̆m kuă kơ năm ngôi.’

Jang 24:23

Phêlik athei linh sư gak Pôl, mă-lei ăn kơ Pôl rơhơi 'biơ̆ mơ̆n păng ăn lu bôl buăl sư năm tơdŏng mơnat dôm tơdrong Pôl wă.

Jang 27:3

Na năr dơning nhôn truh tơ Pơlei Siđôn. 'Bok yŏng linh, anăn sư Julus, mơnat kơ Pôl, na ăn kơ sư jur đơ̆ng thŏng-nan năm ngôi tơ lu buăl sư tơ pơlei ei. Julus kư̆m ăn kơ buăl Pôl tơgŭm Pôl lu tơdrong sư wă kăl.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

I Kor 12:26

Dah akâu bơ̆n minh chăl sư jĭ, lei jơ̆p kơ akâu bơ̆n kư̆m jĭ mơ̆n. Dah đe ư-ang kơ minh chăl akâu bơ̆n 'lơ̆ng rŏ, lei jơ̆p kơ trôm akâu bơ̆n kư̆m lăp đon mơ̆n.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

Kôlôsê 4:18

Kơthơ âu nơ̆r inh Pôl pơma, buăl inh chih; lăp wă jê̆ tôch na ti inh chih kơdih. Iĕm 'nĕ hiơt kơ inh, đe oei chô̆ hăm tơlei glang mam ling-lang. Inh apinh 'Bok Kei-Dei wei-lăng iĕm tôm tơdrong.

Hêbrơ 10:34

Iĕm băt mơnat kơ lu bôl iĕm đe tah lăm hnam phak, iĕm băt kơ năm ngôi hơpong tơ lu sư. Đe tơpleh iŏk mŭk tơmam iĕm, iĕm mơ̆ng đĕch huay kơ sơ'ngon tơdrong kiơ, yua kơ iĕm băt kơ iĕm gô đei mŭk tơmam tơ kơpal plĕnh ti 'lơ̆ng hloh păng ưh kơ băt hiong tăm.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.

I Pet 3:8

Đơ̆ng âu tơ anăp đĭ-đăng kơ bơ̆n athei pơgơ̆p băl minh jơhngơ̆m minh đon, băt 'mêm mơnat dih băl, iŏk jơhngơ̆m đon dim hơlăng băl, 'nĕ pơang băl.