Hêbrơ 13:2 - Sơ̆p Hlabơar Nơ̆r 'Bok Kei-Dei

² Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.

Hêbrơ 13:2 Iomraidhean Croise

Bl 18:1

Kră Yang pơdah akâu sư kơ Abraham lăm kơdrơ̆ng 'long kôih Mamrê, kơplah sư oei ngôi 'bơ̆t 'măng bơsŭn sư kơ'năr drang tŏ.

Bl 19:1

Lăp hiưp kơ'năr kơsơ̆, 'bar 'nu linh jang 'lơ̆ng noh truh tơ pơlei Sôđôm, kơplah noh Lot sư oei ngôi 'bơ̆t 'măng jang pơlei. Lăp Lot 'bôh 'bar 'nu linh jang 'lơ̆ng, sư iung tơkan sơng na drap tơ teh kơkuh.

II Pot 4:8

Minh năr ei, Êlisê Năm brih rok Pơlei Sunem, tơ ei đei minh 'nu yă mơdrŏng gơ̆t hĭ sư sŏng sa. Đơ̆ng noh rim wơ̆t sư brih năm rok trong 'nei, sư drong tơ hnam yă ei sŏng sa.

Jop 31:19

Tơdah inh 'bôh bơngai wă jê̆ lôch yua ưh kơ đei hơbĕn ao, Dah bơngai dơnuh kơ'bah ưh kơ đei khăn su,

Jop 31:32

Bơngai tơmoi ưh kơ đei tep kơmăng tơ 'nguaih tơ trong; Inh pơih 'măng sơng bơngai tơmoi đơ̆ng ataih;

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Lêwi 19:34

Bơngai tơmoi mă chă oei pơdơh hơdai lu iĕm, athei lăng sư thoi kon pơlei iĕm kơdih. Athei 'mêm kơ lu sư thoi iĕm 'mêm akâu kơdih; yua kơ lu iĕm kư̆m đêl jing bơngai tơmoi oei tơ char Êyiptơ sơ̆. Inh boih Kră Yang 'Bok Kei-Dei lu iĕm.

Mathiơ 25:35

Sơ̆ Inh pơngot, iĕm 'me Inh; sơ̆ Inh ol kơ đak, iĕm asong nhă; Inh bơngai tơmoi, iĕm sơng iŏk oei tơ hnam iĕm.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Mathiơ 25:43

Inh bơngai tơmoi, iĕm kuă kơ sơng iŏk; Inh kơ'bah kơ hơbĕn ao, iĕm kuă kơ tơgŭm; Inh jĭ jăn păng đe tah Inh tơ hnam phak, iĕm kư̆m kuă kơ năm ngôi.’

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Rom 12:13

Tơduă bơ̆n bơngai lui 'nĕ kơ kret băl tơmam, tơmoi truh athei băt kơ sơng iŏk tơ hnam.

Rom 16:23

Na âu akâu inh kơdih Pôl pơma dơ̆ng. Inh oei tơ hnam Guơs păng đĭ kơ nhôn juăt akŭm tơ hnam sư, sư kư̆m đei nơ̆r jet gia pơma dơnuh hăm iĕm mơ̆n.

Tit 1:8

Bơngai bu pơm kră bơngai lui, năr tơmoi truh tơ sư, sư tơkan sơng iŏk atŏk tơ hnam sư. Păng sư lăp đon kơ tơdrong 'lơ̆ng tơdrong kiơ̆ trŏ. Sư pơm đon chơ̆n. Sư đei đon 'lơ̆ng tơpăt păng 'Bok Kei-Dei hăm bôl buăl mơ̆n,

I Pet 4:9

Bơngai lui đơ̆ng tơmoi truh, bơ̆n athei sơng iŏk sư tơ hnam bơ̆n mă 'lơ̆ng.

III Yo 1:5

Ơ oh, lu 'nhŏng oh bơngai lui năm tơ ih, lu sư bơngai tơmoi mă-lei ih tơgŭm mơnat kơ lu sư.