Hêbrơ 13:15 - Sơ̆p Hlabơar Nơ̆r 'Bok Kei-Dei

¹⁵ Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

Hêbrơ 13:15 Iomraidhean Croise

II Ho 29:31

Hesekia khan: “Dang ei lu iĕm đei hơmet akâu kơdih rơgoh ăn kơ Kră Yang boih; lei na năm tơ âu, chĕp ba tơmam soi pơyơ̆r bơnê mơ̆t tơ lăm Hnam Kră Yang. Kon pơlei khŭl akŭm chĕp ba tơmam soi 'buh păng tơmam soi pơyơ̆r bơnê; lu bơngai đei jơhngơ̆m hiôk na chĕp ba năm pơyơ̆r lu tơmam soi 'buh noh.

II Ho 33:16

Na sư hơmet pơm ming chơnang soi kơ Kră Yang, pơyơ̆r tơmam soi kơ tơdrong rơnŭk rơnua păng tơmam soi 'blŏk bơnê tơ noh; sư bơtho athei lu kon pơlei Juđa lui gơnang kơ Kră Yang 'Bok Kei-Dei Isơrael.

II Ho 7:6

Lu 'bok soi dơ̆ng kơtă 'bơ̆t anih kơdih; lu bơngai Lêwi chĕp brŏ hơri bơnê kơ Kră Yang, mă đơ̆ng Đawit pơm sơ̆ wă kơkuh bơnê kơ Kră Yang păng hơri ư-ang kơ Sư: “Tơpă tơdrong Sư 'mêm mơnat oei oei ling-lang.” Lu 'bok soi hlôm keng dơ̆ng 'bơ̆t anăp bơngai Lêwi păng đĭ-đăng kon pơlei bơngai Isơrael iung dang dơ̆ng.

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Ne 12:40

Thoi noh 'bar khŭl bơnê ư-ang noh pơdơh mơ̆t lăm hnam akŭm Kră Yang 'Bok Kei-Dei, inh păng minh puăt lu kră pơgơ̆r kiơ̆ hơdai inh.

Ne 12:43

Lăm năr noh, lu sư pơyơ̆r tơmam soi gĭt tih păng hiôk chơt; yua kơ Kră Yang 'Bok Kei-Dei ăn kơ lu sư đei hiôk chơt tih; lu bơngai drŏ-kăn păng lu kon hơ'lơ̆p kư̆m hiôk chơt mơ̆n, đe kơtơ̆ng jơwa re tơdrong hiôk chơt kơ pơlei Jêrusalem truh tơ ataih.

Horiso 118:19

Pơih ăn bĕ kơ inh 'măng jang tơdrong tơpăt, Inh gô mơ̆t bơnê ư-ang kơ Kră Yang.

Horiso 119:108

Ơ Kră Yang! Apinh Ih iŏk tơdrong bơnê pơyơ̆r kơ Ih đơ̆ng 'bơ̆r inh. Păng bơtho inh tơdrong juăt Ih.

Horiso 18:49

Thoi noh, Ơ Kră Yang, inh gô ư-ang kơ Ih lăm kon pơlei pơla, Păng hơri bơnê kơ Ih.

Horiso 50:14

Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Êsai 57:19

wă khan: Ăn nơ̆r hơri bơnê tơ 'bơ̆r lu bơngai nhơ̆m hmoi lăm lu bơngai Isơrael. Kră Yang khan: Hiôk-hian, hiôk-hian bĕ kơ bơngai oei ataih păng lu bơngai oei jê̆, Inh gô pơklaih lu sư.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Je 33:18

Lu 'bok soi bơngai Lêwi kư̆m ưh kơ khăi ôh wă dơ̆ng soh pơyơ̆r tơmam soi 'buh, păng tơmam soh pơyơ̆r phe 'ba păng tơmam soi pơyơ̆r nai 'bơ̆t anăp Inh.

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Lêwi 7:12

Tơdah bu pơyơ̆r tơmam noh wă bơnê, sư athei pơyơ̆r tơmam soi lu 'bĕng ưh kơ đei hrâu hăm 'buih, dah jrâu hăm đak ôliwơ ôh. 'Bĕng klang ưh kơ hrâu hăm 'buih, jrâu hăm đak rơmă ôliwơ păng 'bĕng tơpŭng wă pơm 'bĕng hrâu hăm đak rơmă ôliwơ.

Jo 7:62

minh hlak pơnhan maih trăp mơjĭt seikơl, 'bĕnh kơ pơgang 'bâu phu,

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Luka 10:21

Kơplah noh Yang Bơhngol 'Lơ̆ng ăn kơ Yêsu hiôk na Sư krao khan: “Ơ 'Bă, Ih boih Kră Yang plĕnh teh. Inh bơnê kơ Ih yua kơ dôm tơdrong Inh bơtho, Ih tơbăt kơ lu bơngai âu mă băt gơnang kơ Ih thoi lu hơ'lơ̆p băt gơnang kơ mĕ 'bă păng Ih ưh kơ tơhlôh kơ lu bơngai mă gơnang kơ akâu sư kơdih hŏk hơgei. Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Yo 10:9

Inh thoi 'măng hơdrong, bơngai bu mơ̆t trong Inh, lui kơ Inh, sư gô klaih đơ̆ng tơdrong yoch. Sư gơh mơ̆t păng gơh lĕch chă sa ưh kơ hli tơdrong kiơ.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

Êphêsô 2:18

Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

Kôlôsê 1:12

Na iĕm gô bơnê kơ 'Bă tơm bơ̆n 'Bok Kei-Dei ăn kơ bơ̆n dôm tơdrong hiôk 'lơ̆ng hăm ăn kơ bơ̆n oei tơ anih hơdah, thoi Sư ăn kơ đĭ-đăng lu kon Sư nai.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.