Hêbrơ 13:11 - Sơ̆p Hlabơar Nơ̆r 'Bok Kei-Dei

¹¹ Kon sem mă đe wă soi tơ anih giĕng tih, đe 'bet iŏk pôm pham sư đĕch, na đe soi kơ 'Bok Kei-Dei tơ anih giĕng tih, wă kơ klaih kơ tơdrong yoch kon bơngai. Gah akâu kon sem noh đe 'buh pơkhoy pơđĭ tơ jih pơlei.

Hêbrơ 13:11 Iomraidhean Croise

Le 29:14

Mă-lei akar, sĕch păng ĭch rơmo dăm noh athei chĕp 'buh tơ 'nguaih anih pơlei 'noh boih jing tơmam soi huai tơdrong yoch.

Êsêkiên 43:21

Ih iŏk rơmo dăm pơyơ̆r pơm tơmam soi huai đơ̆ng yoch, chĕp 'buh pơkhôi tơ anih mă đei hơmet lê̆ boih kơ cham hnam akŭm tơ 'nguaih kơ anih 'lơ̆ng rơgoh.

Lêwi 16:27

Đe gô anhăk ba rơmo tơno păng bơbe tơno tơ 'nguaih kơ gơđông, tơmam mă hlôi pơyơ̆r bơih pơm tơmam soi huai iŏk đơ̆ng yoch, pham sư đe anhăk ba tơ anih 'lơ̆ng rơgoh wă soi sơmah huai tơdrong yoch; đơ̆ng noh sư gô iŏk soh lê̆ lăm ŭnh, akar, sĕch păng ĭch, tơmam soi noh tơ 'nguaih kơ gơđông.

Lêwi 6:11

Đơ̆ng noh sư plôh lê̆ hơbĕn, na iŏk hrŭk hơbĕn ao nai chĕp ba tơnuh noh tơ 'nguaih tuh tơ minh anih rơgoh.

Lêwi 6:30

Mă-lei tơdah tơmam soi wă huai dơ̆ng yoch đe chĕp ba tơ Bơsŭn Anih Akŭm wă soi sơmah huai đơ̆ng yoch lăm anih 'lơ̆ng rơgoh; athei soh lê̆ bĕ.

Lêwi 9:11

Sư 'buh lê̆ sĕch hăm akar tơ 'nguaih kơ kơđông.

Lêwi 9:9

Lu kon drŏ-nglo Arôn iŏk pham ba kơ sư, sư tôt hơnglâu ti sư tơ pham pik tơ lu ake chơnang soi, đơ̆ng noh tuh pham tơ jơ̆ng chơnang soi.

Jo 19:3

Jao ăn rơmo noh kơ 'bok soi Êlêasar, chông ba tơ 'nguaih kơđông, na pơlôch rơmo noh 'bơ̆t anăp sư.

Jo 19:7

Đơ̆ng noh, 'bok soi athei pih ao tai păng hum môch akâu tơ lăm đak, klaih kơ noh mơ̆t tơ kơđông, 'bok soi jing mơgrĭ 'mê̆ dĭng truh kơsơ̆ măng noh.