Hêbrơ 12:7 - Sơ̆p Hlabơar Nơ̆r 'Bok Kei-Dei

⁷ Thoi noh na bơ̆n athei chu iŏk dôm tơdrong gleh 'Bok Kei-Dei bơtho noh. Sư bơtho yua kơ bơ̆n jing kon Sư. Hăm đei bu lơ̆m lu iĕm 'bă sư ưh kơ đei bơtho pơjĭ? Ưh kơ đei bu ôh.

Hêbrơ 12:7 Iomraidhean Croise

II Sam 7:14

Inh gô pơm 'bă sư, sư gô jing kon Inh. Tơdah sư pơm yoch, tơpă Inh gô teh bơtho sư hăm sơnguĕt, thoi mĕ 'bă teh bơtho kon;

I Pot 1:6

'Bă sư ưh kơ đei wă pơm kơ sư sơ'ngon ôh, hăm nơ̆r jet: “Liơ e pơm thoi noh?” Adonija jơ̆ minh 'nu bơngai 'lơ̆ng hơbŏ dêh, mĕ sư tơpŭ kơ sư đơ̆ng rŏng kơ Apsalôm.

Tơdrông Pơđơk 13:24

Bơngai bu ưh kơ đei chĕp 'long teh bơtho kon drŏ-nglo sư noh areh kơ kon sư. Mă-lei đei bu 'mêm kơ kon athei khŏm teh bơtho sư.

Tơdrông Pơđơk 19:18

Bơtho hơmet bĕ kon iĕm kơplah oei đei hơmĕng; Mă-lei 'nĕ kơ đei đon wă pơlôch sư.

Tơdrông Pơđơk 22:15

Tơdrong kơtul kơhlôh 'bôh oei chô̆ jơhngơ̆m lu hơ'lơ̆p. Mă-lei đei yua 'long teh bơtho tơdrong kơtul lĕch tơ ataih kơ sư.

Tơdrông Pơđơk 29:15

'Long băl teh chrih bơtho ăn tơdrong gơh hơgei: Mă-lei đei kon hơ'lơ̆p pơm kiơ̆ kơ sư wă pơm kơ mĕ sư mơlâu.

Tơdrông Pơđơk 29:17

Phak bơtho kon hơ'lơ̆p, na ih gô đei oei hiôk-hian; Pơm ăn kơ bơhngol ih gơh arih hiôk.

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

I Kor 11:32

'Bok Kei-Dei ăn kơ bơ̆n đei tơdrong chhŭr nuih thoi noh wă kơ bơ̆n tơbral kơdih tơdrong yoch, na Sư huay kơ phak bơ̆n hơdai lu bơngai ala teh âu ning-mônh.

Both 8:5

Iĕm athei băt kơdih, Kră Yang 'Bok Kei-Dei iĕm, teh bơtho kư̆m thoi 'Bă teh bơtho kon drŏ-nglo sư kơdih.

I Sam 2:29

Thoi yơ mă ih pơjăm tơmam soi 'buh păng tơmam soi phe 'ba pơyơ̆r kơ Inh, tơdrong noh Inh tơtă bơih? Liơ mă ih chu yom kơeng kơ kon ih hloh kơ chu yom kơ Inh păng sa dôm lu tơmam soi wă kơ bek păng tơmam soi 'lơ̆ng hloh đơ̆ng lu kon pơlei Isơrael Inh pơyơ̆r?

I Sam 2:34

Tơdrong âu gô truh kơ 'bar 'nu kon drŏ-nglo ih Hopni păng Phinêhas wă tơbăt kơ ih; dôm tơdrong gô trŏ thoi Inh đei khan bre sư gô lôch lăm minh năr.

I Sam 3:13

Inh đei khan lê̆ adrol bơih Inh gô phak hnam dơnŏ sư ling-lang, yua kơ sư băt boih bre kon drŏ-nglo sư pơm yoch pơjăm Kră Yang 'Bok Kei-Dei, mă-lei sư ưh kơ găn bre sư.