Hêbrơ 12:19 - Sơ̆p Hlabơar Nơ̆r 'Bok Kei-Dei

¹⁹ Lu bơngai noh sơ̆ lu sư kơtơ̆ng jơwa đe hlôm keng, re dêh păng kơtơ̆ng 'bơ̆r 'Bok Kei-Dei pơma. Lu sư khan kơ 'Bok Kei-Dei 'nĕ pă pơma kơ lu sư,

Hêbrơ 12:19 Iomraidhean Croise

Le 20:22

Kră Yang khan Môis: Ih athei khan kơ kon pơlei Isơrael thoi âu: Lu iĕm 'bôh boih Inh đơ̆ng kơpal plĕnh pơma hăm lu iĕm;

Mathiơ 24:31

Lu linh jang hlôm pơre keng, Inh wơh lu sư jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal akŭm đĭ tơ Inh.

Both 18:16

Noh trŏ thoi iĕm krao apinh boih Kră Yang 'Bok Kei-Dei iĕm, tơ Hôrêp lăm năr akŭm tih khan: Nhôn krao apinh 'nĕ pă ăn nhôn kơtơ̆ng nơ̆r Kră Yang 'Bok Kei-Dei ôr dơ̆ng păng 'nĕ pă ăn nhôn 'bôh ŭnh sa khơ̆ng 'nâu dơ̆ng, kơnh nhôn lôch đĭ.

Both 4:11

Thoi noh lu iĕm năm jê̆ păng dơ̆ng 'bơ̆t jơ̆ng kông, 'bơ̆t kông ŭnh oei sa dơhlông truh tơ plĕnh, đei hơmơ̆l măng mu găm suek gom.

Both 4:12

Kơplah noh đơ̆ng lăm ŭnh Kră Yang khan kơ lu iĕm, lu iĕm kơtơ̆ng nơ̆r Sư pơma, mă-lei ưh kơ đei 'bôh akâu Sư ôh, lăp kơtơ̆ng nơ̆r pơma đĕch.

Both 4:33

Hăm tam đei minh adrĕch ayơ kơtơ̆ng nơ̆r Kră Yang 'Bok Kei-Dei pơma đơ̆ng lăm ŭnh thoi lu iĕm đei kơtơ̆ng boih mă oei arih dang ei.

I Tes 4:16

Năr ei kơnh 'bok yŏng lu linh jang 'lơ̆ng gô pơma krao pơret đơ̆ng plĕnh ti păng đei linh jang 'lơ̆ng hlôm keng 'Bok Kei-Dei. Na Kră Yang Yêsu Krist jur hloi đơ̆ng plĕnh, na lu bơngai lôch mă lui kơ Yêsu boih sư iung arih 'mơ̆i.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.