Biblia Todo Logo
Bìoball air-loidhne

- Sanasan -




Hêbrơ 12:15 - Sơ̆p Hlabơar Nơ̆r 'Bok Kei-Dei

15 Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Faic an caibideil Dèan lethbhreac




Hêbrơ 12:15
41 Iomraidhean Croise  

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”


Môis khan kơ Arôn: Kon pơlei đei pơm kiơ kơ ih na dĭng ih mah pơm ăn kơ kon pơlei pơla pơm yoch tih krưp thoi noh.


Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.


Hăm đei tơdrong kiơ gơh pơm dơ̆ng kơ pơgar hơmu Inh. Mă Inh tam mă pơm ăn kiơ kơ sư? Kơplah Inh hơmĕng kơ đei plei 'lơ̆ng mă-lei tă tơ plei wir kơnê̆?


Pơgar hơmu Kră Yang Tih Hloh noh jơ̆ adrĕch Isơrael, păng lu bơngai Juđa noh bơih tơm 'long pơtăm mă sư lăp đon. Hơmĕng wă kơ sư 'lơ̆ng tơpăt mă tă kơ pham lĕch sĕch huŏng, hơmĕng kơ sư tơpăt hơnơ̆ng mă tă đei tơdrong ôr krao.


Inh pơtăm boih thoi minh tơnơm hơmu 'lơ̆ng Inh rơih iŏk, tă kơ găr adrĕch 'lơ̆ng ngăl. Na liơ iĕm tơplih lê̆ jing tơm hơmu bri kơnê̆?


Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”


Thoi noh boih na bơngai bu ngêh kơ tơ'ngla sư lui kơjăp, bơngai 'noh athei kơchăng hli kơ sư jing rơdu pơm yoch.


Bơngai bu 'mêm kơ 'Bok Kei-Dei hăm bôl buăl sư, sư 'mêm tơpă ling-lang ưh kơ layơ tôch. Mă-lei gah tơdrong pơtruh nơ̆r 'Bok Kei-Dei, ning-mônh gô tôch, yua kơ dang ei 'Bok Kei-Dei ăn lu bơngai pơtruh nơ̆r Sư, mă-lei ning-mônh ưh pă kăl boih. Ahrei âu Sư ăn kơ lu mơ'nah gơh pơma nơ̆r hlĭch mă đe ưh kơ hlôh wă ư-ang kơ 'Bok Kei-Dei, mă-lei ning-mônh ưh pă yua boih. Dang ei ahrei âu Sư ăn kơ lu mơ'nah gơh hlôh wao tơdrong Sư nhên wă kơ gơh bơtho đe, mă-lei ning-mônh ưh pă kăl boih.


Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.


Tơdrong iĕm pơang akâu kơdih ưh kơ 'lơ̆ng ôh. Iĕm ưh kơ băt ôh hă, tơdrong yoch thoi lĕ kơ 'buih pông? Bơ̆n pơjrâu kơ bre sư 'bĕng tơpŭng lăp tŏ sĕt đĕch mă-lei sư pông đĭ kơ 'bĕng tơpŭng.


Iĕm athei pơlong lăng tơdrong arih iĕm, hăm thoi bơngai lui tơpă dah ưh. Iĕm hăm băt kơ Yêsu Krist oei hơdai iĕm? Hli kơ iĕm ưh kơ lui kơ Sư đĕch, na Sư ưh kơ oei hơdai iĕm.


Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;


Na lu bơngai Juđê mă oei tơ Pơlei Antiôs ei mơ'nah kư̆m lui kơ Yêsu mơ̆n, lu sư kư̆m kiơ̆ Pêtrôs hơdai ưh kơ pơ̆n, kuă kơ sŏng sa thoi Pêtrôs mơ̆n truh tơ 'Barna'ba kư̆m lei-lăi thoi lu sư.


Bơngai bu gơnang kơ akâu sư kơdih wă pơm kiơ̆ tơdrong juăt Môis, khan 'Bok Kei-Dei jô̆ sư bơngai 'lơ̆ng tơpăt hăm Sư, bơngai mă tơchĕng thoi noh, sư wă achăng lê̆ Kră Yang Yêsu Krist boih păng 'Bok Kei-Dei ưh kơ jô̆ kơ sư bơngai 'lơ̆ng tơpăt hăm Sư ôh.


Gah tơdrong pơm pơyô ngôi kư̆ kă, hưch hanh lơ tơdrong, dôm tơdrong noh bơ̆n 'nĕ kơ pơma 'bơm tŏ sĕt, yua kơ bơ̆n jing kon 'Bok Kei-Dei boih.


Athei kơchăng bĕ, 'nĕ kơ đei bu drŏ-nglo dah drŏ-kăn, hnam dơnŏ dah adrĕch adrung ayơ mă dơ̆ng tơ âu năr 'nâu achăng lê̆ Kră Yang 'Bok Kei-Dei lu bơ̆n, na năm kơkuh kơ lu yang adrĕch drung nai; lăm lu iĕm athei 'nĕ kơ ăn đei rơh kơnê̆ hơkăm chăt sôr tơ lăm lu iĕm.


Lu ayăt noh tơm hơmu chăt lăm pơlei Sôđôm lăm mir pơgar pơlei Gômôrơ. Plei hơmu lu sư đei đak hơkăm, hơie hơmu lu sư jing tăng.


Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.


Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.


Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.


Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.


'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.


Kơlih kơ thoi noh na bơ̆n athei adrin lui mă tơpă wă kơ gơh mơ̆t pơdơh tơ 'Bok Kei-Dei păng wă kơ bơ̆n huay kơ đei bu hiong kơ tơdrong 'noh thoi lu bơngai arăng kơ̆l kuă kơ lui sơ̆.


Nhôn wă đĭ-đăng kơ iĕm adrin pơm kiơ̆ thoi noh ling-lang truh kơ tôch, na iĕm gô đei tơpă tơdrong mă iĕm oei chang sơmĕng dang ei noh.


Mă-lei iĕm athei kơchăng kơ tơmam lu iĕm hlôi pơrăm, wă kơ lu iĕm huay kơ lôch răm yua kơ iŏk lu tơmam noh, tơdah kon pơlei ưh kơ chu pơm kiơ̆ lei lu iĕm pơm kơđông linh Isơrael kư̆m lôch răm, pŭ iŏk tơdrong răm.


Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.


Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.


Bơ̆n băt boih đĭ dôm tơmam gô hiong răm thoi noh tơpă, na mă dôm tơdrong kiơ bơ̆n athei adrin pơm đon 'lơ̆ng tơpăt 'biơ̆


Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.


Kơlih kơ thoi noh na iĕm athei kơchăng hŏ hli kơ lu sư hơlĕnh kơ iĕm, na iĕm lui kơ lu sư. Dah iĕm kơchăng tơpă lei dôm tơdrong iĕm jang iĕm huay kơ hiong ôh. Na iĕm gô đei iŏk tôm tơdrong apah ning-mônh.


Lean sinn:

Sanasan


Sanasan