Hêbrơ 11:6 - Sơ̆p Hlabơar Nơ̆r 'Bok Kei-Dei

⁶ Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

Hêbrơ 11:6 Iomraidhean Croise

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Jop 21:14

Lu sư pơma hăm Kră Yang 'Bok Kei-Dei khan: “Weh ataih kơ lu nhôn, lu nhôn ưh kơ wă băt trong gơlong Ih.

Horiso 106:24

Lu sư lăng hơi đĕch dêh char 'lơ̆ng rŏ. Ưh kơ lui kơ nơ̆r Kră Yang pơkă.

Horiso 119:10

Inh chă Ih hăm đĭ jơhngơ̆m. 'Nĕ ăn kơ inh weh đơ̆ng nơ̆r Ih tơtă.

Horiso 58:11

Na đe gô khan: “Sĭt tơpă gô đei apah kơ lu bơngai tơpăt, Sĭt tơpă đei Kră Yang 'Bok Kei-Dei sek tơlang kơpal teh.”

Horiso 73:28

Gah inh 'lơ̆ng dêh, oei jê̆ Kră Yang 'Bok Kei-Dei. Inh gơnang kơ Kră Yang jing anih inh kơ'nơp wă kơ inh ră roi dôm tơdrong jang Ih.

Horiso 78:22

Yua kơ lu sư ưh kơ wă lui kơ Kră Yang 'Bok Kei-Dei; Kŭm ưh kơ wă gơnang kơ tơdrong dŏng pơklaih đơ̆ng Sư.

Horiso 78:32

Mă khan thoi noh ră, lu sư kư̆m oei pơm yoch. Oei ưh kơ lui kơ tơdrong hlĭch chrơp Kră Yang đei pơm.

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Tơdrông Pơđơk 8:17

Inh 'mêm kơ lu bơngai 'mêm kơ Inh. Bơngai bu adrin chă Inh gô tơ'bơ̆p Inh.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Êsai 7:9

Kơ̆l kơ char Êphraim jơ̆ pơlei Samari, kơ̆l kơ pơlei Samari jơ̆ kon drŏ-nglo Rêmalia. Tơdah lu iĕm ưh kơ lui ngeh lei iĕm dơ̆ng ưh kơjăp ôh.”

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Jo 14:11

Kră Yang khan kơ Môis thoi âu: Kon pơlei 'nâu hil areh păng ưh kơ lui kơ Inh dĭng dang yơ, mă khan Inh đei pơm tơ'bôh tơdrong hlĭch 'bơ̆t anăp lu sư boih ră?

Jo 20:12

Kră Yang khan dơ̆ng kơ Môis păng Arôn thoi âu: Yua kơ măr iĕm ưh kơ lui kơ Inh ưh kơ wă pôk pơyom Inh 'lơ̆ng rơgoh, 'bơ̆t anăp kon pơlei Isơrael lei na măr iĕm ưh kơ gơh chông kon pơlei âu năm truh tơ char mă Inh đei pơkă wă ăn kơ lu iĕm.

Mathiơ 11:26

Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Mathiơ 6:16

“Năr iĕm ơ̆t kơ por wă kơkuh kơ 'Bok Kei-Dei, iĕm 'nĕ pơm đon sơ'ngon thoi lu bơngai pơang akâu. Lu sư pơm kơ akâu akar muh măt sư sơ'ngon, wă kơ đe băt tơdrong lu sư ơ̆t kơ por. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Mathiơ 6:5

“Iĕm 'nĕ krao khan thoi lu bơngai pơang akâu, lu sư wă kơ đe ư-ang kơ sư na lu sư pơm iung dơ̆ng krao khan kơ 'Bok Kei-Dei 'bơ̆t anăp bôl tơ lăm hnam akŭm, phŏ tơ kơphô̆, phŏ tơ kơchơ, wă kơ đe 'bôh na ư-ang kơ sư khan sư bơngai 'lơ̆ng. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Markôs 16:17

Lu bơngai mă lui gô đei tơdrong mơsêh lu sư gơh pơm: Lu sư gơnang kơ Inh gơh pơpuh yang kơnê̆; lu sư gơh pơma hloi nơ̆r đe;

Luka 12:31

Thoi noh iĕm athei ăn kơ Sư pơgơ̆r iĕm hơdrol 'mơ̆i na đơ̆ng noh Sư gô tơgŭm iĕm tôm tơmam iĕm kăl yua.

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 8:24

Kơlih kơ thoi noh na Inh khan kơ iĕm boih, iĕm gô lôch yua kơ tơdrong yoch iĕm. Dah iĕm ưh kơ lui kơ Inh đơ̆ng plĕnh ti iĕm gô lôch yua kơ tơdrong yoch iĕm tơpă.”

Rom 10:14

Mă-lei dah ưh kơ đei bơngai năm bơtho, thoi yơ đe gơh krao khan adrol? Ưh kơ đei bơngai năm bơtho, thoi yơ đe gơh lui adrol? Ưh kơ đei bơngai năm bơtho thoi yơ đe gơh kơtơ̆ng adrol?

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Hêbrơ 11:26

Sư tơchĕng lê̆ đe pơmat sư yua kơ sư kiơ̆ tơdrong 'Bok Krist, hiôk hloh kơ sư iŏk dôm mŭk tơmam pơtao tơ dêh Êyiptơ yua kơ ning-mônh sư băt kơ 'Bok Kei-Dei gô apah sư lơ hloh.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Hêbrơ 4:2

Yua kơ bơ̆n kơtơ̆ng boih đe bơtho tơdrong 'nao 'lơ̆ng, thoi lu bơngai noh kơtơ̆ng sơ̆, mă ưh kơ yua kiơ kơ lu bơngai noh, kơlih kơ lu sư ưh kơ wă lui.

Hêbrơ 4:6

Lu bơngai noh sơ̆ kơtơ̆ng boih đe bơtho tơdrong 'nao 'lơ̆ng, mă lu sư ưh kơ chu kuă kơ lui, noh na lu sư ưh kơ gơh mơ̆t pơdơh hăm Sư. Lu sư kuă lê̆, 'Bok Kei-Dei ăn kơ bơngai nai mơ̆t.

Hêbrơ 7:19

Tơ̆ng kon bơngai kiơ̆ tơdrong juăt noh sơ̆, kon bơngai ưh kơ gơh pơm 'lơ̆ng tơpăt hăm 'Bok Kei-Dei ôh. Mă-lei dang ei bơ̆n jing bơngai 'lơ̆ng tơpăt boih, yua kơ 'bok soi 'nao noh, Sư soi akâu Sư kơ 'Bok Kei-Dei. Na dang ei bơ̆n pơ̆n năm jê̆ 'Bok Kei-Dei boih.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

II Pet 1:10

Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.

II Pet 1:5

Yua kơ thoi noh na dang ei iĕm lui kơ Yêsu Krist boih, iĕm athei adrin pơm 'lơ̆ng, pơm tơpăt păng pơhrăm iŏk dôm tơdrong 'Bok Kei-Dei.

II Pet 3:14

Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Ru 2:12

Hơpơi kơ Kră Yang 'mong ăn kơ ih dôm tơdrong 'lơ̆ng ih đei pơm, ih gô năm kơ'nơp ala pơnăr Kră Yang 'Bok Kei-Dei đe Isơrael.