Hêbrơ 11:4 - Sơ̆p Hlabơar Nơ̆r 'Bok Kei-Dei

⁴ 'Bok Abel sơ̆ yua kơ sư đei đon lui, na sư soi kơ 'Bok Kei-Dei trŏ thoi 'Bok Kei-Dei lăp đon. Gah 'nhŏng sư Kain sư soi ưh kơ trŏ ôh, na 'Bok Kei-Dei ưh kơ lăp đon kơ sư. 'Bok Abel sư đei đon lui tơpă, na 'Bok Kei-Dei jô̆ sư bơngai 'lơ̆ng. Thoi noh na 'Bok Kei-Dei lăp đon kơ tơdrong sư soi noh. 'Bok Abel lôch boih, mă-lei đe oei ư-ang sư truh dang ei yua kơ sư đei đon lui.

Hêbrơ 11:4 Iomraidhean Croise

Bl 4:10

Kră Yang jet dơ̆ng: “Ih pơm kiơ thoi noh? Inh 'bôh pham oh ih ôr đơ̆ng teh păng nơ̆r sư krao kơtơ̆ng truh tơ Inh.

Bl 4:15

Kră Yang khan thoi âu: “Ưh kơ trŏ ôh, dah bu pơlôch ih đe gô pơm 'mong plơ̆ kơ sư tơpơh wơ̆t.” Kră Yang đei ăn tơdra tơ akâu Kain, wă kơ mă bu tơ'bơ̆p Kain huay kơ pơlôch.

Bl 4:25

Ađam oei hơdai akăn sư dơ̆ng; sư đei tơpŭ dơ̆ng kơ minh 'nu kon drŏ-nglo sư anăn Set; akăn sư khan, “Kră Yang 'Bok Kei-Dei đei ăn dơ̆ng kơ inh tơpŭ kơ minh 'nu kon drŏ-ngloc nai wă tơplih kơ Abel mă Kain pơlôch boih.”

Bl 4:8

Đơ̆ng noh Kain pơtơm oh sưb Abel năm; kơplah măr sư oei tơ bri, na Kain plŏng bruh tơ Abel oh sư păng pơlôch hloi.

I Pot 18:38

Kơplah noh ŭnh đơ̆ng Kră Yang jruh soh sa tơmam soi 'buh, 'long ŭnh, tơmo, 'mui teh păng đak lăm hơbong 'noh hrơ̆ đĭ.

Jop 8:10

Mă-lei lu 'bok kră sơ̆ lu sư gô bơtho tơ'bôh kơ ih, mơ̆ng bĕ dôm tơdrong kiơ đêl lu sư băt hlôh,

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 21:27

Tơmam soi pơyơ̆r đơ̆ng lu bơngai pơm kơnê̆ Kră Yang areh dêh, pơma kiơ tơdah lu sư pơyơ̆r hăm jơhngơ̆m kơnê̆ tăm.

Lêwi 9:24

Ŭnh lĕch đơ̆ng anăp Kră Yang sa tơmam soi 'buh păng rơmă kơpal chơnang soi. 'Bơ̆t đĭ-đăng kon pơlei 'bôh tơdrong noh, wang chhôk jreo drap kŭp kơ̆l tơ teh.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Luka 11:51

đơ̆ng Kain pơlôch Abel truh lu 'bok iĕm pơlôch Sachari tơ hnam 'Bok Kei-Dei tơm, yua kơ dôm lu bơngai mă 'bok iĕm pơlôch noh 'Bok Kei-Dei kư̆m wă phak iĕm hơgop hăm lu sư mơ̆n.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Hêbrơ 11:2

Lu đe yă 'bok sơ̆ ki sơ̆ kach, yua kơ lu sư đei đon lui tơpă, na 'Bok Kei-Dei lăp đon kơ lu sư.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Hêbrơ 5:1

Rim 'nu lu 'bok soi tih 'Bok Kei-Dei rơih iŏk sư đơ̆ng khŭl kon bơngai wă jang tang lu bôl sư lơ̆m tơdrong soi sơmah kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch lu bôl sư.

Hêbrơ 9:22

Kiơ̆ kơ tơdrong juăt sơ̆, dôm tơdrong rơgoh, tă rơgoh yua kơ pham. Tơ̆ng ưh kơ huach pham, ưh kơ gơh klaih đơ̆ng tơdrong yoch ôh.

II Pet 2:8

Sư oei hăm lu kon pơlei noh sơ̆, sư 'bôh dôm tơdrong kơnê̆ lu kon pơlei noh pơm păng kơtơ̆ng dôm 'bơ̆r pơma lu sư kơnê̆ ling-lang, dang lĕ pơjĭ đon sư, yua kơ sư bơngai đon tơpăt.

Ju 1:11

'Bok Kei-Dei gô phak lu sư tơpă yua kơ lu sư pơm thoi 'bok Kain sơ̆. Lu sư băt pôm tơdrong pơhlŭ đe wă kơ sa jên đe apah, thoi 'bok 'Balam sơ̆. Lu đe âu ưh kơ chu kơ yŏng sư pơgơ̆r, thoi 'bok Kôrê sơ̆ jing răm hloi.