Hêbrơ 11:3 - Sơ̆p Hlabơar Nơ̆r 'Bok Kei-Dei

³ Na lu bơ̆n dang ei, yua kơ bơ̆n lui, na bơ̆n băt kơ 'Bok Kei-Dei gơh pơjing plĕnh teh hăm 'bơ̆r Sư sơkat. Thoi noh mă dôm tơdrong kiơ kiơ bơ̆n 'bôh dang ei tă lĕch đơ̆ng bơ̆n ưh kơ 'bôh ngăl.

Hêbrơ 11:3 Iomraidhean Croise

Bl 1:1

Blŭng-a Kră Yang 'Bok Kei-Dei pơjing plĕnh păng teh.

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Horiso 33:9

Đơ̆ng Sư sơkat, na đei hloi, Sư athei, na tơmam kơjăp hlŏng hloi.

Êsai 40:26

Ngơk bĕ măt tơ kơpal plĕnh, na lăng bu pơjing bơih lu tơmam âu? Bu Tơ'ngla ba lu sơnglŏng đei dôm noh păng krao anăn rim kơ lu noh, yua kơ Sư pran tih dêh păng Sư mơsêh mơyang. Ưh kơ đei hơnglŏng kiơ ưh kơ đei.

Je 10:11

'Nâu, khan bĕ kơ lu sư: Lu yang âu ưh kơ pơjing plĕnh teh ôh. Lu sư gô hiong tôch ala plĕnh kơpal teh âu đĕch.”

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Yo 1:3

na Sư kư̆m gơh pơjing tôm tơdrong. Ưh kơ đei bu nai pơjing ôh, 'Bă Sư pơjao ăn kơ Sư pơjing tôm tơdrong.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Jang 17:24

'Bok Kei-Dei pơjing plĕnh teh păng đĭ-đăng sem tơmam oei lăm teh đak. Sư pơgơ̆r plĕnh teh, na Sư ưh kơ oei lăm hnam bơngai pơm ôh.

Rom 4:17

Yua kơ lăm sơ̆p hla bơar 'Bok Kei-Dei khan sơ̆ thoi âu: “Inh gô ăn kơ ih pơm 'bă kơ đĭ-đăng teh đak.” 'Bok Kei-Dei khan thoi noh na Abraham lui kơ nơ̆r 'Bok Kei-Dei, sư băt kơ 'Bok Kei-Dei gơh ăn kơ bơngai lôch gơh iung arih păng gơh pơjing tôm tơdrong hăm nơ̆r Sư pơma đĕch.

I Kor 2:7

Nhôn bơtho tơdrong 'Bok Kei-Dei, tơdrong mă Sư ưh tam mă tơbăt ăn kơ kon bơngai kơtơ̆ng, tơdrong 'noh đơ̆ng blŭng-a 'Bok Kei-Dei ưh tam mă pơjing plĕnh păng teh sơ̆ na Sư pơkă khan wă tơbăt ăn kơ lu bơngai lui bơ̆n băt tơdrong 'noh wă kơ bơ̆n chơt hiôk.

I Tim 4:5

Kiơ̆ kơ 'Bok Kei-Dei pơkă tơmam sa bơ̆n 'lơ̆ng ngăl yua kơ bơ̆n krao khan bơnê kơ Sư hơdrol boih.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Hêbrơ 6:5

sư băt kơ tơdrong 'Bok Kei-Dei 'lơ̆ng tơpă boih, sư 'bôh nhên boih tơdrong mơsêh Yêsu kư̆m lei-lăi thoi Sư wă pơgơ̆r ning-mônh,

II Pet 3:5

Lu sư pơma thoi noh yua kơ lu sư ưh kơ tơchĕng kơ tơdrong 'Bok Kei-Dei pơrăm teh đak sơ̆. Sơ̆ 'Bok Kei-Dei sơkat athei đei plĕnh teh, đei hloi tơpă. Sư sơkat athei đak pơjing teh, teh lĕch đơ̆ng đak tơpă.

Tơdrông Tơ'bôh 4:11

“Ơ 'Bok Kei-Dei Kră Yang, pôm Ih đĕch mơsêh na trŏ kơ nhôn lui yom păng ư-ang kơ Ih tơpă, yua kơ Ih gơh pơjing kơdih lăm tôm tơdrong. Mă tôm tơdrong kiơ yua kơ Ih wă na Ih pơjing hloi.”