Hêbrơ 11:25 - Sơ̆p Hlabơar Nơ̆r 'Bok Kei-Dei

²⁵ Sư 'maih iŏk tơdrong pơmat-tat hơdai hăm lu bôl sư kon 'Bok Kei-Dei hloh kơ sư oei hiôk jơnap tơ lăm hnam 'bok pơtao, mă oei pơm yoch; păng tơdrong hiôk jơnap kon bơngai ưh kơ đunh ôh.

Hêbrơ 11:25 Iomraidhean Croise

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Jop 36:21

Kơchăng bĕ, 'nĕ kơ wih tơ tơdrong yoch kơnê̆; Ih đei tơdrong pơmat-tat wă pơjuăt ih huay kơ pơm yoch.

Horiso 47:9

Yang pơgơ̆r jơ̆p kơ teh đak gô akŭm băl. Pơm kon pơlei pơla Kră Yang Kei-Dei, 'Bok Abraham. Yua kơ khŭl pơtaod lăm teh đak âu tă gah Kră Yang 'Bok Kei-Dei ngăl. Pôk pơư kơ sư yŏng Tih Hloh.

Horiso 84:10

Minh năr lăm cham hnam akŭm Ih gĭt hloh kơ minh-rơbâu năr tơ anih nai. Lê̆ inh jing bơngai wei 'măng dur lăm hnam Ih, Hloh kơ oei lăm hnam lu bơngai pơm kơnê̆.

Êsai 21:4

Jơhngơ̆m inh hơwơ̆l hơwang, pơm kơ inh hli tơrơ dêh, hơdah pơgê hrôih mă inh 'maih wă đĭ tơplih jing tơdrong inh hli tơtơ̆ kơ.

Da 3:18

Mă ưh, ơ pơtao, apinh ih athei băt lu nhôn ưh kơ wă kơkuh dah bơ̆jang kơ yang ih păng kư̆m ưh kơkuh ôh kơ rup yang mă ih 'nao man hăm maih noh.

Mathiơ 13:21

Kư̆m đei ră tơnơm 'ba mă-lei rơh sư chăt ưh kơ jrŭ sư jing jô lôch hloi, 'noh wă khan lu sư đei ră đon lui mă-lei ưh kơ đunh lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.

Jang 7:34

Inh 'bôh boih tơdrong đe Êyiptơ pơđep lu iĕm mă kon Inh. Inh kơtơ̆ng iĕm nhơ̆m hmoi na dang ei Inh jur wă dŏng mơnat kơ lu iĕm. Iung bĕ, Inh wơh ih năm tơ dêh Êyiptơ.’

Rom 5:3

Mă bơ̆n đei tơdrong gleh pơmat-tat bơ̆n kư̆m hiôk chơt, yua kơ tơdrong pơmat-tat noh wă hơmet tơdrong lui bơ̆n kơjăp khŏm khŏm.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

Hêbrơ 10:32

Iĕm athei 'blŏk kơ năr hơdrol, năr mă iĕm pơtơm lui sơ̆. Hlôi iĕm kơtơ̆ng tơdrong Yêsu Krist boih, na iĕm lui kiơ̆ hloi, iĕm đei iŏk tơdrong gleh đe pơm pơmat iĕm, mă-lei iĕm oei adrin lui khŏm khŏm 'mơ̆i.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.

Hêbrơ 4:9

'Noh na ahrei Sư wă ăn kơ lu kon Sư mơ̆t pơdơh tơ Sư ling-lang, kư̆m thoi Sư pơdơh kơ tơdrong jang Sư năr tơpơh 'noh sơ̆.

Ya 1:20

Bơngai bu hil kơ đe, bơngai noh ưh kơ băt pơm 'lơ̆ng tơpăt thoi 'Bok Kei-Dei wă ôh.

Ya 5:5

Iĕm oei tơ ala teh âu hiôk jơnap tơpă. Sŏng sa phĭ mah rơkah rơkai bek lơluĭnh thoi rơmo, na đe wă rơih rơmo bek noh boih 'buh sa.

I Pet 2:10

Sơ̆ iĕm ưh kơ trŏ kơ kon Sư ôh, mă-lei dang ei đĭ-đăng kơ bơ̆n jing kon Sư ngăl boih. Sơ̆ 'Bok Kei-Dei kư̆m ưh tam mă tơ'bôh kơ iĕm tơdrong Sư mơnat, mă-lei dang ei iĕm 'bôh nhên boih.

Tơdrông Tơ'bôh 18:7

Sư pơma pơang akâu dang yơ, hưch hanh kơ mŭk tơmam 'lơ̆ng rŏ dang yơ, sư gô pŭ tơdrong pơmat, tơdrong ơh sơ'ngon kư̆m dang noh. Sư tơchĕng lăm to sư khan: ‘Inh pơm yă pơtao pơgơ̆r đe ling-lang, Inh ưh kơ sĭ yă adro, na liơ inh gơh ơh sơ'ngon?’