Hêbrơ 11:16 - Sơ̆p Hlabơar Nơ̆r 'Bok Kei-Dei

¹⁶ Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.

Hêbrơ 11:16 Iomraidhean Croise

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Le 3:15

Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 4:5

Kră Yang khan: 'Noh wă kơ lu sư lui kơ Kră Yang 'Bok Kei-Dei 'bok sư, wă khan Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, đei tơ'bôh boih kơ ih.

Je 31:1

Kră Yang khan: “Kơplah noh kơnh, Inh boih Kră Yang 'Bok Kei-Dei kơ đĭ-đăng adrĕch Isơrael; păng lu sư jing kon pơlei pơla Inh.”

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Markôs 12:26

Tơdrong kon bơngai iung arih đơ̆ng lôch, iĕm kư̆m đŏk lăng boih lăm sơ̆p hla bơar tơdrong juăt Môis chih, sư roi tơdrong 'Bok Kei-Dei pơma kơ sư tơ tơm 'long ŭnh sa. 'Bok Kei-Dei khan kơ sư: ‘Inh boih Kră Yang Abraham, Kră Yang wei-lăng Isăk, Kră Yang wei-lăng Jakôp.’ ”

Markôs 8:38

Ning-mônh Inh Kon Bơngai gô jur tơ ala teh âu hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu kiơ̆ Inh boih, mă-lei sư kơdơ̆ mơlâu kơ lu bơngai kơnê̆ tam lui na sư kuă kơ bơtho lu sư tơdrong Inh, năr 'noh kơnh Inh kư̆m kuă kơ sư mơ̆n.”

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Luka 20:37

Môis kư̆m tơbăt kơ bơ̆n tơdrong kon bơngai iung arih dơ̆ng, kơplah 'Bok Kei-Dei pơma păng sư tơ tơm 'long ŭnh sa sơ̆. Kơplah noh sơ̆ Môis anăn 'Bok Kei-Dei Kră Yang wei-lăng Abraham, Kră Yang wei-lăng Isăk, Kră Yang wei-lăng Jakôp.

Yo 14:2

Tơ hnam 'Bă Inh đei lơ anih oei tơpă. Dah ưh kơ đei Inh kư̆m khan ưh kơ đei mơ̆n. Na dang ei Inh wă năm hơmet kơ iĕm anih.

Jang 7:32

‘Inh boih Kră Yang wei-lăng lu 'bok kơdră ih Abraham, Isăk, Jakôp.’ Na Môis hli tơrơ tơpă. Môis ưh kơ pơ̆n hue lăng Sư ôh.

Philip 3:20

Mă-lei lu bơ̆n bơngai wă oei tơ plĕnh, lu bơ̆n ưh kơ gơh pơm thoi lu sư ôh, lu bơ̆n minh tơdrong chang gô 'Bok Dŏng Pơklaih wă jur ning-mônh đĕch, wă khan Kră Yang Yêsu Krist boih 'noh.

II Tim 4:18

Păng Sư gô dŏng inh đơ̆ng dôm tơdrong kơnê̆ na atŏk inh tơ dêh char Sư tơ plĕnh. Thoi noh inh wă ư-ang kơ Sư ling-lang ưh kơ layơ hiơt. A-men.

Hêbrơ 10:34

Iĕm băt mơnat kơ lu bôl iĕm đe tah lăm hnam phak, iĕm băt kơ năm ngôi hơpong tơ lu sư. Đe tơpleh iŏk mŭk tơmam iĕm, iĕm mơ̆ng đĕch huay kơ sơ'ngon tơdrong kiơ, yua kơ iĕm băt kơ iĕm gô đei mŭk tơmam tơ kơpal plĕnh ti 'lơ̆ng hloh păng ưh kơ băt hiong tăm.

Hêbrơ 11:10

Ưh kơ sĭ sư chang gô 'Bok Kei-Dei ăn kơ sư teh đak âu đĕch ôh, sư kư̆m chang gô 'Bok Kei-Dei wă ăn kơ sư oei tơ Pơlei 'Lơ̆ng 'Bok Kei-Dei tơ plĕnh ti. Pơlei noh pơlei dơnơ̆ng ling-lang ưh kơ tôch.

Hêbrơ 11:14

Lu sư pơma thoi noh, bơ̆n băt kơ lu sư 'maih chă teh đak hiôk wă oei.

Hêbrơ 11:40

'Bok Kei-Dei wă kơ lu sư gô hơdai bơ̆n dang ei iŏk tơdrong hiôk 'lơ̆ng đêl Sư pơkă, wă khan tơdrong Yêsu Krist jur dŏng pơklaih bơ̆n.

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

Hêbrơ 13:14

Tơ ala teh âu bơ̆n ưh kơ đei pơlei mă oei dơnơ̆ng ling-lang ôh. Na bơ̆n athei chang gô 'Bok Kei-Dei wă ăn kơ bơ̆n oei tơ pơlei Sư ning-mônh.

Hêbrơ 2:11

Yêsu pơklaih bơ̆n đơ̆ng tơdrong yoch păng pơyơ̆r bơ̆n kơ 'Bok Kei-Dei yua kơ Sư lăng bơ̆n thoi 'nhŏng oh pôm mĕ 'bă tơpă, 'Bă tơm bơ̆n lăp minh 'nu đĕch, Sư mă oei tơ plĕnh ti. Mă bơngai thoi bơ̆n, Sư kư̆m lăp đon kơ anăn bơ̆n 'nhŏng oh Sư.

Tơdrông Tơ'bôh 21:2

Na inh 'bôh Pơlei Jêrusalem 'nao mă đe anăn Pơlei 'Lơ̆ng 'Bok Kei-Dei jur đơ̆ng plĕnh; pơlei Sư 'nao pơm 'lơ̆ng rŏ dêh dang kơ adruh 'nao đah pơhrôp hơbĕn ao 'lơ̆ng wă tơoei băl.