Hêbrơ 11:11 - Sơ̆p Hlabơar Nơ̆r 'Bok Kei-Dei

¹¹ Yua kơ sư đei đon lui na mă klo kăn bre sư kră pă kĕ, 'Bok Kei-Dei ăn kơ bre sư yă Sara gơh pơjing kon. Na sư lui hloi kơ 'Bok Kei-Dei wă ăn kơ bre sư kon kiơ̆ thoi 'Bok Kei-Dei pơkă.

Hêbrơ 11:11 Iomraidhean Croise

II Pot 4:17

Duch ei anăp na truh minh sơnăm đơ̆ng rŏng, kư̆m kơplah bơyan 'nei mơ̆n, sư hơiơch hĭ kơ minh 'nu kon drŏ-nglo, 'blep thoi nơ̆r Êlisê khan lê̆ kơ sư adrol.

Luka 1:36

Ih lăng kơtum ih, Êlisabet. Sư kră tơpă boih, na sơ̆ đe khan kơ sư bơngai hơwŏng, mă-lei dang ei sư akâu kơhioh, đei tơdrâu khei boih.

Rom 9:8

Yua kơ thoi noh na bơ̆n băt đĭ-đăng bơngai Isơrael ưh kơ jing kon 'Bok Kei-Dei ngăl ôh, pôm lu bơngai mă lĕch đơ̆ng adrĕch 'Bok Kei-Dei anăn đĕch jing kon 'Bok Kei-Dei.

Galati 4:23

Kon sư mă tơpŭ đơ̆ng sư iŏk kơdih đĭch sư noh, sư tơpŭ rok thoi bôl buăl hmă. Mă-lei kon đơ̆ng akăn tơm sư noh, sư tơpŭ kiơ̆ thoi 'Bok Kei-Dei mơnat kơ Abraham khan wă gô ăn kơ sư kon.

Hêbrơ 10:23

Bơ̆n athei wei mă kơjăp tơdrong mă bơ̆n chang sơmĕng ei, 'nĕ kơ lui pơngiĕl Sư. Yua kơ dôm nơ̆r Sư pơkă ưh kơ lah tŭk minh nơ̆r.