Hêbrơ 10:8 - Sơ̆p Hlabơar Nơ̆r 'Bok Kei-Dei

⁸ Yêsu khan kơ 'Bă Sư thoi noh boih, Sư khan: “Ih ưh kơ wă kơ kon bơngai soi kơ Ih, koh kơ Ih sem dơrong huai đơ̆ng yoch ôh,” yua kơ dôm tơdrong soi noh, đe soi kiơ̆ kơ tơdrong so sơ̆. Thoi noh na dang ei bơ̆n băt nhên boih, Kră Yang athei bơ̆n tŭk lê̆ tơdrong soi kiơ̆ kơ tơdrong so.

Hêbrơ 10:8 Iomraidhean Croise

Horiso 40:6

Ih ưh kơ wă ôh tơmam soi pơyơ̆r dah tơmam soi 'buh. Ih pơih đon inh boih. Ih ưh pă wă tơmam soh 'buh dah tơmam soi huai yoch.

Markôs 12:33

Dah bơ̆n 'mêm kơ Sư hăm đĭ jơhngơ̆m klơm klak bơ̆n, hăm đĭ đon bơ̆n tơchĕng păng băt 'mêm kơ bôl buăl thoi bơ̆n 'mêm akâu kơdih, dah bơ̆n răk 'bar tơdrong juăt 'noh lei 'lơ̆ng hloh kơ đĭ-đăng tơdrong bơ̆n soi sơmah kơ 'Bok Kei-Dei.”

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

Hêbrơ 10:5

Thoi noh na Yêsu Krist jur tơ teh đak âu sơ̆, Sư khan kơ 'Bă Sư thoi âu: “Ih ưh kơ gĭt kơ tơmam đe pơyơ̆r soi kơ Ih ôh, na Ih ăn kơ Inh jing kon bơngai.