Hêbrơ 10:25 - Sơ̆p Hlabơar Nơ̆r 'Bok Kei-Dei

²⁵ Bơ̆n 'nĕ kơ lê̆ tơdrong akŭm, thoi lu đe mơ'nah mă lê̆ dang ei. Yua kơ dang ei wă jê̆ truh khei năr Yêsu Krist wă jur boih, na bơ̆n athei adrin pơlung băl gah tơdrong 'noh rai dêh.

Hêbrơ 10:25 Iomraidhean Croise

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Jang 16:16

Minh năr ei hơtai nhôn năm tơ anih akŭm krao khan nhôn tơ'bơ̆p minh 'nu bơngai adruh sư đĭch đe. Sư bơngai yang mơ̆t pơm kơ sư wơnh. Na yang kơnê̆ ăn kơ sư pơm pơjâu khan lê̆ hơdrol. Lu yŏng đĭch ei yua jên đơ̆ng đĭch sư chă pơma khan kơ đe na đe ăn kơ bơngai adruh yang mơ̆t ei, na lu yŏng sư jing mơdrŏng.

Jang 2:1

Truh Năr Giĕng Pangtơkôt, lu bơngai lui kơ Yêsu akŭm minh anih.

Jang 2:42

Rim năr lu sư mơ̆ng lu jơ̆ng 'bang bơtho. Lu sư pơgơ̆p băl thoi 'nhŏng oh, sŏng sa 'blŏk hơdơ̆r kơ Yêsu hăm krao khan kơ 'Bok Kei-Dei hơdai.

Jang 20:7

Kơsơ̆ năr mă mônh lăm giĕng nhôn akŭm wă kơkuh kơ 'Bok Kei-Dei păng sŏng sa hơpong dih băl. Na Pôl bơtho lu bơngai akŭm ei tơdrong 'Bok Kei-Dei. Sư bơtho đunh tơpă khŏm khŏm truh tơ mơjĭt-'bar jơ kơmăng, yua kơ sư wă tơklah dih băl năr dơning na nhôn athei ngôi hơpong dih băl mă hrăp.

Rom 12:8

Dah Sư ăn kơ bơ̆n hơgei gah tơdrong gơh pơlung đe lui kơjăp, bơ̆n kư̆m adrin gah tơdrong pơlung đe lui kơjăp. Sư wă kơ bơ̆n hơlăng kơ bơngai dơnuh tơmam, bơ̆n kư̆m adrin jang kiơ̆ thoi noh. Dah Sư ăn kơ bơ̆n wei-lăng đe, bơ̆n adrin wei-lăng đe. Dah Sư wă kơ bơ̆n tơgŭm lu bơngai pơmat-tat, bơ̆n athei tơgŭm lu bơngai pơmat-tat noh tơpă păng ăn kơ jơhngơ̆m bơ̆n pơm hiôk kơ lu sư.

I Kor 11:20

Iĕm akŭm khan wă sa et 'blŏk hơdơ̆r kơ Kră Yang Yêsu, mă-lei iĕm ưh kơ 'blŏk hơdơ̆r kơ Sư tơpă ôh.

I Kor 14:23

Pơtih gia thoi âu dơ̆ng: Dah kơplah iĕm oei akŭm băl, na đĭ-đăng kơ iĕm pơma hloi nơ̆r hlĭch, lu bơngai mă ưh tam kơtơ̆ng tơdrong 'Bok Kei-Dei, lu bơngai mă ưh tam lui, lu sư 'bôh tơdrong iĕm pơma nơ̆r hlĭch 'noh lu sư khan iĕm wơnh đĕch hăm trŏ?

I Kor 14:3

Mă-lei gah lu bơngai mă pơtruh nơ̆r 'Bok Kei-Dei, sư bơtho tơblơ̆ tơblang kơ kon bơngai bơ̆n wă kơ hlôh na jing lui kơjăp hiôk huay pă ơh sơ'ngon.

I Kor 3:13

Na mưh truh năr sek tơlang ning-mônh, 'Bok Kei-Dei wă pơlong lăng hnam mă bơ̆n pơm noh hăm kơjăp dah ưh. Tơdrong pơlong noh thoi lĕ kơ ŭnh sa, na sư wă pơlong lăng tơdrong bơ̆n jang kơ Sư hăm yua ưh.

I Kor 5:4

Mă iĕm akŭm tơ noh dang akŭm hơdai hăm inh mơ̆n, đei Kră Yang Yêsu pơgơ̆p jơhngơ̆m đon bơ̆n hơdai, yua kơ bơ̆n jang tơdrong Sư.

Philip 4:5

Iĕm athei iŏk đon dim thoi lu bơngai gơh găt pơm 'lơ̆ng kơ đĭ-đăng bơngai, yua kơ Kră Yang Yêsu Krist wă jê̆ jur boih.

I Tes 4:18

Kơlih kơ thoi noh tơdrong âu gô đei tơpă, na dang ei dôm lu bơ̆n oei arih iŏk dôm lu nơ̆r âu tơguăt kơdih lăm đon bĕ păng pơlung dih băl wă kơ chơt hiôk.

I Tes 5:11

Thoi noh tơdrong âu gô sĭt tơpă, na iĕm kư̆ adrin bơtho pơlung dih băl, kư̆m thoi iĕm adrin bơtho dih băl dang ei, wă kơ iĕm lui rai pran kơjăp.

Hêbrơ 10:24

Bơ̆n athei băt tơchĕng gah tơdrong pơlung băl, wă kơ bơ̆n đei đon 'mêm mơnat hăm pơm 'lơ̆ng.

Hêbrơ 10:37

Yua kơ 'Bok Kei-Dei khan boih kiơ̆ kơ đe chih lăm sơ̆p hla bơar Sư khan sơ̆ thoi âu: “Ưh pă đunh boih tơ'ngla mă wă jur, Sư gô jur tơpă.

Hêbrơ 13:22

Ơ 'nhŏng oh, apinh iĕm mơ̆ng 'biơ̆ dôm tơdrong inh chih bơtho iĕm lăm kơthơ âu hŏ, inh chih kư̆m ưh kơ lơ ôh tŏ sĕt đĕch.

Hêbrơ 3:13

Kơplah ahrei brei drâu oei tam mơ̆n, na rim năr iĕm athei pơlung dih băl, wă kơ đĭ-đăng kơ iĕm huay kơ lui kơ đe pơhlŭ pơlung iĕm pơm yoch jing arăng kơ̆l.

Ya 5:8

Na lu bơ̆n kư̆m lei-lăi athei lui mă kơjăp chang gô Kră Yang Yêsu wă jur, yua kơ Sư wă jê̆ jur tơpă boih.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

II Pet 3:11

Bơ̆n băt boih đĭ dôm tơmam gô hiong răm thoi noh tơpă, na mă dôm tơdrong kiơ bơ̆n athei adrin pơm đon 'lơ̆ng tơpăt 'biơ̆

II Pet 3:14

Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.

II Pet 3:9

Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.

Ju 1:19

Lu bơngai noh pơm tơdrong tơhiŭl wă tơklah đon lu bơngai lui. Lu sư bơngai kiơ̆ kơ jơhngơ̆m kơdih 'maih pơm, ưh kơ đei Yang Bơhngol 'Lơ̆ng oei hơdai ôh.