Hêbrơ 1:8 - Sơ̆p Hlabơar Nơ̆r 'Bok Kei-Dei

⁸ Mă-lei gah Kon Sư kơdih khan thoi âu: “Ih Kră Yang tơoei kơpal tang-dŏ pơgơ̆r ling-lang ưh kơ layơ tôch; Ih pơgơ̆r 'lơ̆ng tơpăt.

Hêbrơ 1:8 Iomraidhean Croise

II Sam 23:3

Kră Yang 'Bok Kei-Dei kon pơlei Isơrael bơtho tơ'bôh. Tơmo tih kon pơlei Isơrael pơma hăm inh: “Bơngai ayơ pơgơ̆r kon bơngai mă 'lơ̆ng tơpăt, bơngai ayơ pơgơ̆r hăm jơhngơ̆m hli yom kơ Kră Yang 'Bok Kei-Dei.

Horiso 145:13

Dêh char Ih oei oei ling-lang tơdrong Ih pơgơ̆r dĭng truh tơ ning-mônh khŏm khŏm. Kră Yang pơsĭt dôm nơ̆r Sư pơkă. Ih 'mêm kơ đĭ dôm tơmam đêl Ih pơjing.

Horiso 72:7

Lăm kơplah pơtao oei pơgơ̆r ăn kơ bơngai tơpăt hiôk jơnap. Ăn tơdrong rơnŭk rơnua dĭng măt khei pă đei.

Horiso 99:4

Pơtao mơsêh mơyang, Sư 'mêm kơ tơdrong tơpăt; Ih pơjing kơjăp tơdrong hơtŏ hơnơ̆ng. Ih sek tơlang hăm tơdrong tơpăt trŏ lăm Jakôp

Êsai 45:25

Lăm Kră Yang đĭ-đăng kon sâu Isơrael gô đei 'lơ̆ng tơpăt păng bơnê ư-ang kơ Kră Yang.

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Je 38:15

Jêrêmi khan kơ pơtao Sêđekia. “Tơdah inh roi kơ ih tơpăt ih gô pơlôch inh tơpă? Tơdah inh chă pơđâu hăm ih, ih kuă kơ mơ̆ng mơ̆n.”

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Luka 1:75

păng pơm 'lơ̆ng tơpăt păng Sư păng kon bơngai mơ̆n tơ anăp 'Bok Kei-Dei, mă đơ̆ng sơ̆ khơ̆ ning-mônh.

Yo 10:30

Nhi 'Bă Inh dang minh 'nu akâu đĕch.”

Yo 10:33

Lu bơngai Juđê khan: “Nhôn ưh kơ klơ̆m Ih ôh gah tơdrong pơm 'lơ̆ng, mă-lei nhôn wă klơ̆m păng tơmo yua kơ Ih pơma tih kơ 'Bok Kei-Dei. Ih kon bơngai đĕch, mă Ih khan Ih atŏ păng 'Bok Kei-Dei.”

Yo 20:28

Klaih kơ noh Thôm khan: “Ơ Kră Yang inh, 'Bok Kei-Dei.”

Rom 9:5

Lu yă 'bok lu sư sơ̆ lui kơ 'Bok Kei-Dei hơdrol kơ đĭ-đăng lu bơngai nai. Na 'Bok Krist mă 'Bok Kei-Dei wơh dŏng pơklaih kon bơngai Sư kư̆m bơngai Isơrael mơ̆n tơ̆ng kiơ̆ kơ mĕ Sư tơpŭ. 'Bok Krist boih Yang tih hloh gơh pơgơ̆r tôm tơdrong, trŏ kơ kon bơngai ư-ang kơ Sư ling-lang tơpă. A-men.

I Kor 15:25

'Bok Kei-Dei ăn kơ Yêsu pơgơ̆r truh tơ Sư blah rôp ba dôm lu bơngai mă ayăt kơ Yêsu lê̆ tơ kơnơl jơ̆ng Sư.

Both 2:37

Lu bơ̆n ưh kơ gơh năm jê̆ pôm dêh kon sâu Ammôn mă oei jơ̆p tơter đak krong Jabôk, dah lu pơlei tih kơpal kông groi, dah mă anih ayơ Kră Yang 'Bok Kei-Dei lu bơ̆n khă ưh kơ ăn lu bơ̆n tơgar iŏk.

Both 7:14

Lu iĕm gô đei pŭn hiôk hloh kơ lu adrĕch nai, lăm lu iĕm gô ưh kơ đei bơngai bu mă hơwŏng, drŏ-nglo dah drŏ-kăn, tơno dah akăn lăm sem dơrong iĕm.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

II Pet 1:11

Thoi noh na 'Bok Kei-Dei pơchoh kơ bơ̆n trong să, ăn kơ bơ̆n tŏk oei tơ dêh char Yêsu Krist pơgơ̆r ling-lang hloi, yua kơ Yŏng bơ̆n Yêsu Krist dŏng pơklaih bơ̆n.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.