Hêbrơ 1:4 - Sơ̆p Hlabơar Nơ̆r 'Bok Kei-Dei

⁴ 'Bă Sư ăn kơ Sư tih hloh kơ lu linh jang, thoi noh mă 'Bă Sư krao kơ Sư Kon. Sư tih hloh kơ lu linh jang tơpă.

Hêbrơ 1:4 Iomraidhean Croise

Êphêsô 1:21

na ăn kơ Sư pơgơ̆r tôm lu 'bok pơgơ̆r, lu linh jang, lu yang nai, tôm kơ lu Sư pơgơ̆r mă pơgơ̆r dang ei, mă pơgơ̆r ning-mônh dah layơ tă Yêsu pơgơ̆r ngăl.

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

Kôlôsê 2:10

Na iĕm pôm đon hăm Yêsu Krist, Kră Yang 'Bok Kei-Dei kư̆m ăn kơ iĕm jing lei-lăi thoi Yêsu mơ̆n. Yêsu Krist Sư pơm Kră, Sư pơgơ̆r tôm kơ yŏng pơgơ̆r lu yang, tôm kơ yŏng pơgơ̆r lu linh jang.

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

Hêbrơ 1:9

Ih lăp đon kơ tơdrong 'lơ̆ng areh kơ tơdrong kơnê̆. Yua kơ thoi noh na 'Bok Kei-Dei Kră Yang Ih, pôk Ih oei tơ tang-dŏ păng pik kơ Ih đak pơgang 'bâu phu, ăn kơ Ih hiôk hloh, tih hloh kơ lu bôl buăl Ih.”

Hêbrơ 12:17

Đơ̆ng rŏng iĕm kư̆m băt mơ̆n sư wă dơ̆ng ră, sư athei 'bă sư krao khan pơsĭt kơ 'Bok Kei-Dei ăn kơ sư jing kon kơdră dơ̆ng. Mă-lei 'bă sư ưh pă gơh boih, mă sư nhơ̆m hmoi lung 'bă sư dang yơ lap đĕch, ưh pă gơh tơwih băl boih, yua kơ 'nhŏng oh bre sư tơplih băl đang boih.

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.