Hêbrơ 1:2 - Sơ̆p Hlabơar Nơ̆r 'Bok Kei-Dei

² Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Hêbrơ 1:2 Iomraidhean Croise

Bl 49:1

Jakôp krao lu kon drŏ-nglo sư akŭm păng sư khan thoi âu: Akŭm tơ âu bĕ, inh gô roi ăn kơ iĕm tơdrong gô truh kơ lu iĕm ning-mônh.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsai 44:24

Kră Yang, đei khan thoi âu: “Inh huai iŏk lu iĕm Inh pơjing lu iĕm đơ̆ng lăm klak. Inh bơih Kră Yang, Inh bơih Tơ'ngla pơm pơjing tôm tơmam. Minh 'nu Inh đĕch bơlang lu plĕnh, lơ̆k teh âu, ưh kơ đei bu 'nguaih kơ Inh.

Êsai 45:12

Inh bơih Tơ'ngla pơjing teh đak păng pơjing kon bơngai oei kơpal teh. Đơ̆ng ti Inh kơdih pơm, bơlang lu plĕnh păng pơjing lu sơnglŏng.

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Je 30:24

Kră Yang hil ưh kơ ngach dĭng mă truh tơ Sư pơm keh dôm tơdrong mă Sư wă pơm. Lăm năr tôch kơnh, lu iĕm gô băt hlôh hơđăl tơdrong 'nâu.”

Je 48:47

Mă-lei truh năr hơtuch kơnh Inh gô pơdrâu iŏk lu bơngai bơnă char Môap brŏk,” Kră Yang khan thoi noh. Nơ̆r khan lê̆ adrol kơ bơngai Môap tôch đĭ 'bơ̆t dâu.

Êsêkiên 38:16

Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Mi 4:1

Tơdrong truh lăm năr đơ̆ng rŏng kơnh, hnam Kră Yang gô pơjing pơdơ̆ng pơm hơtŏk tơ rim kơ̆l kông kơjung păng đe kư̆m gô tơiung sư rai dêh hloh kơ lu kông groi. Lu kon pơlei gô jur năm luh leng tơ noh;

Jo 24:14

'Nâu, dang ei adrol kơ inh wih brŏk tơ kon pơlei inh kơdih. Năm tơ âu bĕ, inh gô roi ăn kơ ih băt lu kon pơlei âu gô pơm kiơ kơ lu kon pơlei ih ning-mônh.

Mathiơ 13:39

Bơngai mă rei găr 'nhĕt noh wă khan yŏng pơgơ̆r yang kơnê̆. Bơyan 'ba noh wă khan năr tôch ning-mônh. Lu bơngai kĕch noh wă khan lu linh jang 'lơ̆ng.

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 21:38

Lăp lu bơngai jang mơng 'bôh kon 'bok tơ'ngla mir truh tơ lu sư, lu sư pơđâu dih băl khan: ‘Bơngai âu boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Markôs 1:1

Âu boih roi gah tơm hmơm tơdrong 'nao 'lơ̆ng Yêsu Krist, Kon 'Bok Kei-Dei:

Markôs 12:6

'Bok tơ'ngla mir hơmu noh sư oei đei pă minh 'nu bơngai, kon pôm sư 'mêm kơdih ră. Tơpo hơtuch sư wơh kon sư năm tơ lu đe ei. Sư chă pơma khan: ‘Lu đe noh gô chu yom kơ kon inh thâu.’

Markôs 12:7

Mă-lei lu bơngai jang mơng mir hơmu noh pơđâu dih băl khan: ‘Bơngai 'noh boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Yo 1:10

Teh bơ̆n âu đơ̆ng Sư pơjing mơ̆n, na kơplah Sư oei tơ ala teh âu sơ̆ lu bơngai ala teh âu ưh kơ băt kơ Sư.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:3

na Sư kư̆m gơh pơjing tôm tơdrong. Ưh kơ đei bu nai pơjing ôh, 'Bă Sư pơjao ăn kơ Sư pơjing tôm tơdrong.

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 13:32

Kơlih kơ đe ư-ang kơ 'Bok Kei-Dei ăn Inh lôch tang kon bơngai, na 'Bok Kei-Dei wă ăn kơ đe ư-ang Inh Kon Bơngai. Sư wă ăn kơ đe ư-ang Inh dang ei boih.

Yo 15:15

Dang ei Inh ưh pă lăng iĕm thoi đĭch đam Inh boih. Inh lăng iĕm thoi buăl juăt Inh tơpă. Lu bơngai đĭch đe, yŏng sư ưh kơ roi tôm tơdrong sư ôh. Mă-lei Inh roi kơ iĕm tôm tơdrong Inh kơtơ̆ng đơ̆ng 'Bă Inh.

Yo 16:15

Dôm tơdrong 'Bă Inh kư̆m thoi tơdrong Inh mơ̆n, kơlih kơ thoi noh na Inh khan Yang Bơhngol 'Lơ̆ng gô bơtho iĕm dôm tơdrong Inh.

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Yo 3:25

Na đei minh 'nu bơngai Juđê năm tơ lu bơngai pơhrăm păng Yôhan pơjah pơjăng păng sư gah tơdrong pơm kơ đe 'batem.

Yo 5:26

'Noh kư̆m thoi 'Bă Sư gơh pơm tôm tơdrong arih, na 'Bă Sư ăn kơ Kon Sư gơh pơm tôm tơdrong arih thoi Sư mơ̆n.

Yo 5:27

'Bă Sư ăn kơ Kon Sư sek tơlang kon bơngai, yua kơ Kon Sư jur jing bơngai.

Yo 9:29

Nhôn băt 'Bok Kei-Dei pơma păng Môis tơpă. Mă-lei bơngai noh nhôn ưh kơ băt Sư bơngai đơ̆ng yơ.”

Jang 10:36

'Bok Kei-Dei wơh Kon Sư Yêsu bơtho nơ̆r Sư tơ lu bơngai Isơrael. Nơ̆r noh Tơdrong 'Nao 'Lơ̆ng ăn kơ bơ̆n oei hiôk păng 'Bok Kei-Dei, yua kơ Kră Yang Yêsu Krist lôch tang bơ̆n, Sư Yŏng đĭ-đăng bơngai bơ̆n.

Jang 2:17

‘'Bok Kei-Dei khan: Lăm năr hơtuch kơnh, Inh wă ăn Yang Bơhngol Inh kơ jơ̆p-jang bơngai. Lu kon drŏ-nglo drŏ-kăn sư wă pơma nơ̆r khan lê̆ hơdrol, lu tơdăm gô apo 'bôh lu tơdrong mă ưh tam mă truh, lu 'bok kră gô apo mơ̆n.

Rom 1:4

Yang Bơhngol 'Lơ̆ng tơbăt ăn kơ bơ̆n Yêsu Yang, Kon 'Bok Kei-Dei. Sư tơbăt ăn kơ bơ̆n tơdrong Yêsu Kon 'Bok Kei-Dei, Sư tơ'bôh kơ bơ̆n 'bôh Sư mơsêh mơyang gơh iung arih đơ̆ng lôch. 'Noh bơ̆n băt kơ Yêsu Sư Yang tơpă.

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

I Kor 2:7

Nhôn bơtho tơdrong 'Bok Kei-Dei, tơdrong mă Sư ưh tam mă tơbăt ăn kơ kon bơngai kơtơ̆ng, tơdrong 'noh đơ̆ng blŭng-a 'Bok Kei-Dei ưh tam mă pơjing plĕnh păng teh sơ̆ na Sư pơkă khan wă tơbăt ăn kơ lu bơngai lui bơ̆n băt tơdrong 'noh wă kơ bơ̆n chơt hiôk.

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.

Êphêsô 3:9

Dôm tơdrong Sư wă tơgŭm bơ̆n Sư tơbăt ăn kơ inh, wă kơ inh năm tơbăt ăn kơ đĭ-đăng bơngai. 'Bok Kei-Dei Yang mă pơjing tôm tơdrong Sư wă tơgŭm bơ̆n tơpă tơdrong noh, mă ưh tam mă tơbăt ăn kơ đe đơ̆ng sơ̆.

Both 18:15

Đơ̆ng lăm lu iĕm Kră Yang 'Bok Kei-Dei iĕm gô pôk minh 'nu bơngai pơm 'bok khan lê̆ adrol thoi inh; đơ̆ng lăm lu 'nhŏng oh iĕm, lu iĕm athei mơ̆ng kiơ̆ sư!

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Both 4:30

Kơplah lu iĕm đei tơdrong pơmat-tat păng đei dôm tơdrong truh kơ iĕm, lăm năr mă tuch-luch, lu iĕm gô wih brŏk tơ Kră Yang 'Bok Kei-Dei iĕm păng chu kiơ̆ nơ̆r Sư.

Hêbrơ 1:5

'Bok Kei-Dei ưh tam layơ khan kơ linh jang, dang Sư khan kơ Kon Sư sơ̆ khan: “Ih boih Kon Inh, năr âu Inh wă ăn kơ Ih pơgơ̆r.” Sư kư̆m khan dơ̆ng thoi âu: “Inh pơm 'Bă Ih, Ih pơm Kon Inh.”

Hêbrơ 1:8

Mă-lei gah Kon Sư kơdih khan thoi âu: “Ih Kră Yang tơoei kơpal tang-dŏ pơgơ̆r ling-lang ưh kơ layơ tôch; Ih pơgơ̆r 'lơ̆ng tơpăt.

Hêbrơ 11:3

Na lu bơ̆n dang ei, yua kơ bơ̆n lui, na bơ̆n băt kơ 'Bok Kei-Dei gơh pơjing plĕnh teh hăm 'bơ̆r Sư sơkat. Thoi noh mă dôm tơdrong kiơ kiơ bơ̆n 'bôh dang ei tă lĕch đơ̆ng bơ̆n ưh kơ 'bôh ngăl.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

Hêbrơ 5:8

Mă khan Sư Kon 'Bok Kei-Dei, Sư kư̆m hơdai pơmat-tat, na Sư băt kơ adrin chu yom kơ 'Bok Kei-Dei.

Hêbrơ 7:28

Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.

Hêbrơ 7:3

Mêlkisêdek bơ̆n ưh kơ 'bôh đe chih roi lăm hla bơar 'Bok Kei-Dei khan sư đei mĕ 'bă, đei adrĕch adrung, dah đei đe tơpŭ kơ sư, dah roi tơdrong sư lôch ôh. Sư thoi lĕ kơ Yêsu Kon 'Bok Kei-Dei, yua kơ sư pơm 'bok soi pơgơ̆r ling-lang.

Hêbrơ 9:26

Tơ̆ng Sư soi kơ 'Bok Kei-Dei akâu Sư lơ 'măng, lei Sư lôch pơmat rim sơnăm jô̆ đơ̆ng pơjing plĕnh teh sơ̆ khơ̆ dang ei ưh kơ băt hơdôm 'măng. Mă tơpă Sư jur minh 'măng sơ̆ đĕch, yua kơ trŏ năr hơtuch boih. Sư jur soi kơ 'Bok Kei-Dei akâu Sư, wă pơrăm đĭ dôm tơdrong yoch.

I Pet 1:20

Hơdrol kơ 'Bok Kei-Dei pơjing plĕnh teh sơ̆, 'Bok Kei-Dei pơkă khan wă ăn Yêsu Krist jur huai iŏk bơ̆n boih. Na truh tơ lu bơ̆n dang ei khei 'năr mă hơtuch, bơ̆n 'bôh Yêsu Krist jur huai iŏk lu bơ̆n tơpă boih.

II Pet 3:3

Mă loi inh wă tơbăt kơ iĕm gah tơdrong âu: Năr wă jê̆ tôch kơnh đei lơ bơngai 'maih kiơ̆ tơdrong jơhngơ̆m wă kơdih, 'maih pơm lơ tơdrong kiơ̆ mă ưh kơ 'lơ̆ng. Lu sư pơma pơjăm pơma che bơle lu bơngai lui khan:

Ju 1:18

Lu sư khan: “Khei 'năr wă tôch ning-mônh, đei lơ bơngai che bơle kơ tơdrong lui bơ̆n; lu sư kiơ̆ kơ jơhngơ̆m lu sư kơdih 'maih pơm tơdrong kư̆ kă na lu sư che bơle.”