Hagai 1:9 - Sơ̆p Hlabơar Nơ̆r 'Bok Kei-Dei

⁹ ‘Lu iĕm pơtăm lơ mă-lei đei iŏk tŏ sĕt lu iĕm chĕp ba tơ hnam, na Inh dơhlu tŏk tơ kơpal.’ Kră Yang Tih Hloh khan: ‘Noh yua kơ kiơ? Noh yua kơ đơ̆ng hnam Inh jing juơ rơhiăng na lu iĕm băt kơ pơm hnam iĕm kơdih.

Hagai 1:9 Iomraidhean Croise

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

II Sam 22:16

Đơ̆ng nơ̆r Kră Yang chrih hiap kơđĕl đak dơsĭ 'bôh tơ 'nguaih, bluh kial đơ̆ng trôm muh, hơnă teh 'bôh bang.

II Pot 19:7

Inh gô ăn minh tơdrong tơchĕng truh tơ lăm sư, sư gô kơtơ̆ng ang đe roi đơ̆ng noh sư gô wơ̆t brŏk tơ dêh char sư kơdih; tơ noh, Inh gô ăn kơ sư gô pơ̆k lôch kơ đao gưm lăm char sư kơdih.”

Jop 10:2

Inh khan kơ Kră Yang 'Bok Kei-Dei, 'nĕ pă jô̆ inh bơngai yoch; Ăn kơ inh băt Ih jô̆ inh đei yoch kiơ.

Tơdrông Pơđơk 11:24

Bơngai bu đei đon hơmrah, gô rai mơdrŏng dêh. Bơngai bu kret pơ'met rai kơmah kơ'bah rai dêh.

Tơdrông Pơđơk 27:20

Măt kon bơngai lăng ưh kơ đei layơ bơ̆l hăl. Dêh atâu păng lôch răm ưh kơ đei layơ hrăp.

Bôk Bơthô 1:8

Đĭ-đăng tôm tơmam oei oei hơnơ̆ng, 'bơ̆r kon bơngai ưh kơ gơh roi ôh; măt lăng ưh kơ bơ̆l, đon mơ̆ng ưh kơ hăl.

Êsai 40:7

'Nhĕt kro, pơkao hơlŭng, mưh hơyuh Kră Yang tơthu. Tơpă kon bơngai thoi 'nhĕt 'nhot đĕch:

Êsai 5:10

Mơjĭt Hekta mir hơmu hmĕt iŏk đak sư lăp minh ge đĕch, mơjĭt kơđŏng pŭng adrĕch, kĕch iŏk lăp minh kơdŏng pŭng đĕch.”

Je 12:13

Lu sư rei boih 'ba mi mă-lei kĕch iŏk găr jơla; lu sư jang hrat mă-lei ưh kơ yua kiơ. Gô mơlâu kơ kĕch iŏk tŏ sĕt, Yua kơ Kră Yang hil kơtang tơpă.

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Lêwi 19:25

Truh lăm sơnăm mă pơđăm lu iĕm gơh sa plei noh, wă kơ plei rai lơ hloh ăn kơ iĕm, inh boih Kră Yang 'Bok Kei-Dei lu iĕm.

Hagai 1:4

“'Nâu hăm trŏ kơplah iĕm oei lăm hnam pĕng păng tơ̆r mă 'lơ̆ng na lê̆ hnam Kră Yang jing juơ rơhiăng.

Hagai 1:6

Lu iĕm rei lơ mă-lei kĕch iŏk tŏ sĕt; sŏng sa ră mă-lei ưh kơ phĭ; nhă ră mă-lei ưh kơ hrăp; hrŭk mă ưh kơ tơtŏ. Păng lu mơ'nah jang chă jên; mong jên sư kơdih noh lăm kơdŭng hlôh.’

Malachi 2:2

Tơdah lu iĕm ưh kơ mơ̆ng, tơdah iĕm ưh kơ đei răk lăm jơhngơ̆m ư-ang kơ anăn Inh,” lei Kră Yang Tih Hloh khan: “Inh gô tơjur tơdrong hiap pơtê̆ tơ kơpal lu iĕm păng Inh gô hiap pơtê̆ lu tơdrong 'lơ̆ng rŏ lu iĕm; păng Inh gô hiap boih, yua kơ lu iĕm ưh kơ đei răk lăm jơhngơ̆m iĕm.

Both 28:38

Lu iĕm gô rei adrĕch lơ tơ lăm mir chŭn, mă-lei kĕch iŏk tŏ sĕt đĕch yua kơ gô đei lep 'ba sa đĭ.

Tơdrông Tơ'bôh 2:4

Mă-lei inh sơ'ngon kơ iĕm minh tơdrong âu: Iĕm ưh pă 'mêm kơ Inh hăm 'mêm kơ bôl buăl dang iĕm 'mêm tơm hmơm iĕm lui sơ̆.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.