Hagai 1:11 - Sơ̆p Hlabơar Nơ̆r 'Bok Kei-Dei

¹¹ Inh đei krao boih phang-ang kơpal teh đak, kơpal lu kông, tơ lu ba mi, tơ lu tơm hơmu tơ tơm ôliwơ păng tơ dêh mă pơjing lu tơmam plei sa tơ lu kon bơngai, tơ lu sem brem păng tơ dôm lu tơdrong jang mă ti ih đei pơm.’ ”

Hagai 1:11 Iomraidhean Croise

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

II Pot 8:1

Êlisê khan kơ bơngai drŏ-kăn mĕ bơngai 'lơ̆p drŏ-nglo đêl sư tơiung arih ki 'noh: “Iung bĕ, chông hnam dơnŏ ih jăk tơ anih ayơ mă iĕm gơh oei, yua kơ Kră Yang wă ăn kơ dêh char Isơrael pơngot rơwĕt lăm tơpơh sơnăm.”

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Je 14:2

“Char Juđa ơh sơ'ngon, lu pơlei tih sư kư̆m ơh ăk, kon pơlei nhơ̆m hmoi drap tơ teh, Kơtơ̆ng nơ̆r ôr krao đơ̆ng pơlei Jêrusalem.

Nhom 1:21

Đe kơtơ̆ng nơ̆r inh ôr krao. Mă-lei ưh kơ đei năm pơlung. Lu ayăt kơ inh đei tơdrong pơmat-tat, Băt kơ Ih đei pơm kơ inh na lu sư chơt hiôk, Ăn bĕ năr mă? Ih pơkă noh truh! Wă kơ lu sư kư̆m nhen thoi inh!

Am 5:8

Chơchă bĕ Tơ'ngla pơjing kơ sơnglŏng hơdrŭng iĕr păng sơnglŏng gŭt-'năk, na tơplih măng mu jing hơdah, 'năr jing măng, Tơ'ngla krao đak đơ̆ng lăm dơsĭ na tuh kơpal teh. Anăn Sư Kră Yang.

Am 7:4

Thoi noh Kră Yang tơ'bôh ăn kơ inh: Kră Yang ăn ŭnh truh wă sek tơlang ŭnh noh sa jrŭ să, oei sa sơlŭng păng teh đak.

Am 9:6

Kră Yang đei pơjing hnam sư lăm lu tăl plĕnh, đei pơm boih plĕnh krôp kơpal teh. Sư krao đak đơ̆ng dơsĭ păng tuh jơ̆p kơpal teh. Anăn Sư Kră Yang.

Hagai 2:17

Inh ăn boih phang-ang, tơngiĕt 'mi prĕl wă pơrăm lu iĕm, lu tơmam đơ̆ng ti iĕm jang mă-lei iĕm ưh kơ wă wih tơ Inh. Kră Yang khan thoi noh.

Hagai 2:19

lu iĕm hăm pă đei găr adrĕch hơmet lê̆ lăm pơk ưh? Mă khan truh tơ tơm hơmu 'long hơra, 'long ôliwơ, 'long gărnăt, kư̆m ưh kơ đei tơm 'long ayơ mă đei plei. Mă-lei iŏk đơ̆ng năr âu inh gô ăn pŭn hiôk kơ iĕm.”

Malachi 3:11

Inh gô găn lu hơdrông kơnu wă kơ lu sư huay kăp kuer sa pơkao plei 'long đơ̆ng teh iĕm; păng lu tơm 'long hơmu lăm mir pơgar plei pơkao sư huay kơ hơlŭng adrol kơ bơyan sư, Kră Yang khan thoi noh.

Malachi 3:9

Lu iĕm păng đĭ-đăng teh đak đei pŭ hơngiap, yua kơ đơ̆ng lu iĕm tơtông boih đơ̆ng Inh.

Both 28:22

Kră Yang gô pơrăm iĕm hăm tơdrong jĭ dơsoh hiĕn-hiok, bơlŏ chĕp tơngiĕt, rơka rơkĕch, jĭ bơôr, tŏ, phang-ang, 'long pơlei 'nhĕt 'nhot kro đĭ phơ̆k phok dôm tơdrong noh druh kiơ̆ iĕm dĭng truh tơ iĕm lôch hiong đĭ.