3 Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.
Tŏk-bŏk sư oei pơma thoi ei na lu sư 'bôh blư bơngai mă pơtao wơh ei truh, kư̆m blu pơtao truh mơ̆n, pơtao khan kơ 'bok Êlisê thoi âu: “Đei tơdrong răm truh 'nâu lĕch đơ̆ng Kră Yang. Lei inh wă gơnang kơ kiơ kơ Kră Yang dơ̆ng.”
Ih gô iung păng 'mêm kơ Siôn; Trŏ boih năr wă mơnat ăn kơ Siôn, năr đêl pơkă truh boih.
Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.
Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.
Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!
Na khan kơ sư: ‘Ih kơchăng oei mă hơđơ̆ng bĕ, 'nĕ kơ hli, 'nĕ kơ rơdu ôh, yua kơ đei 'bar tŏ 'long ŭnh sa lĕch 'nhui noh wă khan tơdrong hil blĕk lĕch đơ̆ng Rêsin, Siri păng kon drŏ-nglo Rêmalia.
Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.
Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”
Yua kơ Inh boih Kră Yang, Inh gô pơma păng nơ̆r Inh pơma gô jing, ưh pă gơh lê̆ đunh. Ơ lu adrĕch ayăt 'maih tơblah plơ̆! Noh trŏ kơ năr lu iĕm, Inh khan hăm nơ̆r Inh sư gô pơsĭt, Kră Yang khan thoi noh.’ ”
Lăm năr noh, đei lu bơngai lĕch đơ̆ng Inh tŏk duk năm roi tơhli tơdrong krưp kơ lu bơngai Êthiôpi kơplah oei hiôk-hian. Lu sư gô sơ'ngon tơtăm lăm năr răm truh tơ Êyiptơ; yua kơ năr noh jê̆ truh boih!”
Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.
Đei 'bar 'nu pơtao noh, lăm jơhngơ̆m bre sư 'maih chă pơrăm băl, et sa hơ-oei minh pôm gô 'bang mă-lei pơma hơlĕnh băl, mă-lei tơdrong ưh kơ jing ôh, yua kơ gô đei năr tôch trŏ kơ năr đei pơkă boih.
Kŭm đei lăm lu bơngai hơgei pơ̆k, wă kơ hŏk pơhrăm kơ lu sư, wă pơm ăn kơ lu sư rơgoh păng jing kok, truh tơ năr tôch, yua kơ tơdrong 'nâu gô đei năr pơkă.
Sư năm jê̆ inh oei dơ̆ng, kơplah sư truh tơ inh, inh hli păng lăng krưp, na inh pơ̆k kơmŭ brum tơ teh. Bơngai noh khan thoi âu: Ơ kon bơngai, ih athei hlôh bĕ; yua kơ tơdrong tơ'bôh noh sư trŏ kơ năr tôch kơnh.
Bơngai noh khan kơ inh thoi âu: 'Nâu Inh gô roi ăn kơ ih băt tơdrong wă truh kơ năr tôch kơnh, tơdrong hil yua kơ tơdrong âu wă truh pơsĭt kơ năr tôch.
Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.
Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.
Thoi noh, Kră Yang khan: “Lu iĕm athei gô Inh dĭng truh tơ năr Inh gô iung blah rôp; yua kơ Inh wă iŏk akŭm pơpôi đĭ lu kon pơlei păng akŭm đĭ lu dêh char Inh, Inh wă tuh tơdrong hil păng tơdrong blĕk Inh tơ lu sư, yua kơ đơ̆ng ŭnh Inh gar gô luăn sa đĭ teh âu.
Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?
Tơ Pơlei Jêrusalem ei đei minh 'nu bơngai anăn sư Simiôn. Sư bơngai 'lơ̆ng tơpăt kư̆m lui kơjăp păng chang gô 'Bok Kei-Dei wơh 'Bok Krist dŏng pơklaih lu bơngai Isơrael. Na Yang Bơhngol 'Lơ̆ng oei hơdai păng sư.
Yêsu khan: “Năr 'noh 'Bă Inh pơkă kơdih, Sư ưh kơ ăn iĕm băt ôh.
'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.
Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.
Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.