Habakuk 2:2 - Sơ̆p Hlabơar Nơ̆r 'Bok Kei-Dei

² Kră Yang tơl păng khan kơ inh thoi âu: “Ih athei chih dôm tơdrong ih đei 'bôh păng chih mă nhen rơđah tơ gơ'bang, wă kơ lu bơngai oei kơdâu gơh đŏk.

Habakuk 2:2 Iomraidhean Croise

Êsai 30:8

Năm bĕ dang ei chih ăn kơ lu sư nơ̆r âu tơ gơ'bang, chih tơmơ̆t nơ̆r noh tơ lăm sơnôm hla bơar, wă roi tơbăt kơ chăl đơ̆ng rŏng ling-lang hlŏng hloi.

Êsai 8:1

Kră Yang khan kơ inh: “Iŏk bĕ minh hlak gơ'bang să păng chih tơ noh hăm chư hmă kon bơngai gơh băt: Maher-Salal-Hasbas.

Je 30:2

'Nâu Kră Yang, 'Bok Kei-Dei bơngai Isơrael khan: “Chih răk bĕ lăm sơnôm hla bơar nơ̆r Inh đei bơtho khan kơ ih boih.”

Da 12:4

Bê̆ gah ih, ơ Đaniel ih athei chih răk lê̆ nơ̆r âu păng athei pơ̆ng pơklep lê̆ sơ̆p hla bơar âu dĭng truh tơ năr tôch. Đei lơ bơngai yak nơnăm to âu păng tơdrong hŏk hơgei gô rai tŏk rai lơ.

Da 7:1

Sơnăm blŭng-a chăl pơtao Belsatsar pơgơ̆r, teh đak Babilôn, Đaniel apo 'bôh păng đei 'bôh lăm tơdrong tơchĕng kơplah sư oei 'bĭch kơpal giơng sư. Na sư chih hloi dôm tơdrong apo noh păng roi tơblang lu tơdrong noh.

Rom 15:4

Dôm tơdrong đe chih roi lê̆ sơ̆ wă bơtho kơ đon bơ̆n dang ei, wă kơ bơ̆n gơh lui kơjăp oei hiôk kơplah bơ̆n chang gô 'Bok Kei-Dei wă tơgŭm bơ̆n ning-mônh.

I Kor 14:19

Mă-lei kơplah bơ̆n akŭm inh ưh kơ wă ôh pơma nơ̆r hlĭch. Inh pơma kiơ̆ kơ nơ̆r bôl băt lăp pơđăm tŏ plei đĕch kư̆m dang lĕ hloh loi kơ mơjĭt-rơbâu nơ̆r hlĭch mă inh gơh pơma 'noh.

II Kor 3:12

Yua kơ nhôn băt kơ thoi noh, na jơhngơ̆m nhôn sơĭng bơtho nuih tơpă.

Both 27:8

Iĕm athei chih tơ tơmo đĭ dôm lu nơ̆r khôi juăt 'nâu, chih mă rơđah tơpă.

Both 31:19

Thoi noh dang ei, chih bĕ nơ̆r hơri 'nâu păng bơtho ăn kơ kon pơlei bơngai Isơrael hơri, lu sư athei thuơk lăm đon kơ nơ̆r hơri 'nâu wă roi tơbăt ăn Inh kơ nơ̆r Inh chrih ayăt hăm lu sư.

Both 31:22

Lăm năr noh, Môis chih nơ̆r hơri 'nâu păng bơtho pơhrăm ăn kơ lu kon pơlei bơngai Isơrael;

Tơdrông Tơ'bôh 14:13

Păng inh kơtơ̆ng dơ̆ng nơ̆r pơma đơ̆ng plĕnh Sư khan kơ inh thoi âu: “Inh wă kơ ih chih tơdrong âu: Lu bơngai mă lui boih kơ Kră Yang mă sư lôch kơnh pơgê dah layơ sư hiôk boih.” Na Yang Bơhngol 'Lơ̆ng tơl Sư: “Tơpă gô hiôk thoi Sư khan, yua kơ lu sư dang pơdơh kơ tơdrong jang pơmat-tat tơ ala teh âu. Mă-lei mă sư jang pơmat-tat gleh glăn tơ ala teh âu dang yơ, 'Bok Kei-Dei kư̆m ưh kơ hiơt tơdrong sư jang hrat noh ôh.”

Tơdrông Tơ'bôh 19:9

Na linh jang khan kơ inh thoi âu: “Ih chih răk tơdrong âu hŏ: Lu bơngai mă 'Bok Kei-Dei krao sŏng sa hơpong kơ Kon Triu iŏk akăn, lu sư hiôk dêh.” Na sư khan dơ̆ng kơ inh thoi âu: “Tơdrong mă inh 'nao khan kơ ih âu hei, ưh kơ trŏ tơdrong inh kơdih ôh, tơdrong 'Bok Kei-Dei tơpă.”