Galati 6:1 - Sơ̆p Hlabơar Nơ̆r 'Bok Kei-Dei

¹ Ơ 'nhŏng oh, dah iĕm 'bôh lu 'nhŏng oh bơ̆n bơngai lui pơm tơdrong yoch, na lu iĕm mă lui kơjăp, iĕm athei tơgŭm sư pơm mă 'lơ̆ng hŏ. Iĕm tơgŭm sư, iĕm kư̆m athei 'mêm mơnat kơ sư mơ̆n, 'nĕ hil kơ sư păng iĕm athei kơchăng akâu iĕm kơdih mơ̆n, hli kơ yang Satan kư̆m wă pơhlŭ pơlung iĕm.

Galati 6:1 Iomraidhean Croise

II Sam 11:2

Lăm minh kơsơ̆ ei Đawit iung đơ̆ng tep pơdơh 'năr dơ̆ng sư chă ngôi dăr tơ kơpal bơbŭng hnam pơtao na 'bôh minh 'nu bơngai drŏ-kăn oei hum, bơngai drŏ-kăn ei 'lơ̆ng hơbŏ dêh.

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

Mathiơ 26:69

Pêtrôs oei ngôi 'bơ̆t cham hnam, đei minh 'nu drŏ-kăn đĭch đam 'bok soi tơm năm tơ sư păng khan: “Ih kư̆m bơngai oei hơdai Yêsu đơ̆ng dêh Galilê mơ̆n.”

Mathiơ 26:75

Pêtrôs 'blŏk hơdơ̆r hloi kơ tơdrong Yêsu khan kơ sư khan: “Hơdrol kơ iĕr ŏ, ih gô sơngah kơ Inh pêng 'măng.” Thoi noh na sư lĕch hmoi ơh kơdih sư.

Mathiơ 9:13

Lăm sơ̆p hla bơar 'Bok Kei-Dei khan sơ̆ thoi âu: ‘Tơdrong iĕm soi sơmah kơ Inh ưh kơ kăl ôh, Inh wă kơ iĕm 'mêm mơnat dih băl, noh kăl hloh kơ tơdrong iĕm soi sơmah kơ Inh.’ Na iĕm tơchĕng lăng tơdrong 'noh bĕ, wă kơ iĕm băt 'mêm mơnat kơ đĭ-đăng bơngai. Inh jur tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Rom 14:1

Gah lu bơngai lui mă ưh tam mă hlôh tôm tơdrong, bơ̆n athei 'mêm kơ sư mơ̆n. Bơ̆n 'nĕ kơ pơjah pơjăng tơdrong sư ưh tam mă hlôh noh.

Rom 15:1

Lu bơ̆n bơngai mă lui kơjăp boih athei băt tơgŭm lu bơngai lui rơdu, 'nĕ pơjah pơjăng tơdrong sư lui rơdu ưh tam mă kơjăp noh, bơ̆n 'nĕ pơma kơ sư kiơ̆ kơ tơdrong lui bơ̆n.

Rom 8:6

Bơngai bu gơnang kơ akâu sư kơdih, bơngai noh mưh sư lôch năm tơ anih 'Bok Kei-Dei phak. Bơngai bu gơnang kơ Yang Bơhngol 'Lơ̆ng, sư gô arih hiôk-hian ling-lang.

I Kor 10:12

Thoi noh boih na bơngai bu ngêh kơ tơ'ngla sư lui kơjăp, bơngai 'noh athei kơchăng hli kơ sư jing rơdu pơm yoch.

I Kor 14:37

Bơngai bu băt kơdih sư khan sư bơngai pơtruh tơdrong 'Bok Kei-Dei kơ đe păng lu bơngai bu nai khan sư đei Yang Bơhngol 'Lơ̆ng tơgŭm sư hơgei gơh pơm tơdrong kiơ kiơ, lu bơngai noh sư athei băt tôm tơdrong inh chih ată đơ̆ng Yêsu Krist tơpă yơh.

I Kor 2:15

Lu bơngai mă đei Yang Bơhngol 'Lơ̆ng, lu sư hlôh băt tôm tơdrong trŏ glăi; gah lu bơngai mă ưh kơ đei Yang Bơhngol 'Lơ̆ng, lu sư ưh kơ hlôh minh tơdrong trŏ glăi gah lu bơ̆n thoi yơ.

I Kor 3:1

Ơ 'nhŏng oh, inh bơtho iĕm sơ̆, ưh kơ thoi inh juăt kơ bơtho lu bơngai mă đei Yang Bơhngol 'Lơ̆ng ôh. Inh bơtho iĕm sơ̆, lu iĕm thoi lĕ lu bơngai kiơ̆ kơ sĕch akar ala teh păng thoi lĕ kon nge, yua kơ iĕm thoi lĕ kơ bơngai mă 'nao lui kơ Yêsu Krist đĕch.

I Kor 4:21

Na iĕm wă kơ inh năm tơ iĕm thoi yơ? Iĕm wă kơ inh năm thoi bơngai chĕp sơnguĕt dah wă kơ inh năm thoi lĕ bơngai iŏk tơdrong 'mêm mơnat dih băl đĕch?

I Kor 7:5

Ưh kơ gơh sơ-ih băl ôh, mă-lei dah klo akăn biĕm pôm đon wă krao khan kơ Kră Yang tơdrong kiơ kiơ na biĕm wă pơdơh kơ tơdrong tơngôi noh, kư̆m bưh mơ̆n. Mă-lei tôch kơ năr biĕm pơkă krao khan noh boih, na biĕm tơngôi băl thoi đêl dơ̆ng, hli kơnh yang Satan pơhlŭ biĕm ngôi pơyô kư̆ kă yua kơ iĕm ưh kơ kĕ gơ̆t.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

II Kor 2:7

Thoi noh dang ei bơ̆n 'nĕ pă jô̆ yo kơ sư, iĕm athei dah pơlung sư đĕch hli kơ sư sơ'ngon rai dêh.

II Kor 2:8

Inh bơtho iĕm thoi noh wă kơ sư 'brơ̆k mơnat băt kơ iĕm 'mêm kơ sư.

Galati 5:23

iŏk đon ala, gơh gơ̆t, dôm tơdrong 'lơ̆ng 'noh yua kơ đơ̆ng Yang Bơhngol 'Lơ̆ng tơgŭm bơ̆n ngăl. Tơdrong juăt 'Bok Kei-Dei ưh kơ đei găn khă ôh dôm lu tơdrong 'lơ̆ng noh.b

Galati 6:18

Ơ lu 'nhŏng oh, nhôn apinh Kră Yang Yêsu Krist wei-lăng rim 'nu kơ lu iĕm tôm tơdrong. A-men.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

II Tes 3:15

Mă-lei iĕm 'nĕ mah hil kơ sư dêh. Iĕm athei bơtho khan adar adeh, mơnat kơ sư mơ̆n yua kơ sư kư̆m 'nhŏng oh bơngai lui.

II Tim 2:25

Sư bơtho lu bơngai pơjah pơjăng păng sư, sư athei bơtho mă 'lơ̆ng wă kơ bơngai mă pơjah pơjăng păng sư jah hơi jơhngơ̆m. 'Bok Kei-Dei phŏ Sư ăn kơ bơngai pơjah pơjăng 'noh tơbral hloi tơdrong yoch sư kơdih na hlôh hloi kơdih tơdrong Kră Yang.

Hêbrơ 12:13

Iĕm athei pơm trong iĕm yak mă tơpăt, wă kơ lu bơngai jĭ cho jo jăn yak huay kơ tơpling jơ̆ng, wă kơ lu sư jah klaih.

Hêbrơ 13:3

Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.

Ya 3:13

Lăm lu iĕm hăm đei bơngai bu đei đon hơgei, đon hlôh wao băt tôm tơdrong? Sư athei pơm mă 'lơ̆ng na đe băt kơ sư bơngai đon hlôh, băt kơ sư bơngai dim gơh găt hăm đe tơpă.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

I Pet 3:15

Mă-lei gah Yêsu Krist bơ̆n athei chu yom kơ Sư yua kơ Sư Kră Yang bơ̆n. Păng bơ̆n athei kơchăng ling-lang wă kơ gơh tơl tơwih kơ đe dôm tơdrong đe wă jet bơ̆n yua kơ kiơ bơ̆n lui. Mă-lei bơ̆n athei tơl tơwih kơ sư mă 'lơ̆ng mă hiôk.

I Yo 5:16

Dah iĕm 'bôh 'nhŏng oh bơ̆n bơngai lui sư pơm yoch iĕm athei krao khan kơ 'Bok Kei-Dei kơ sư, na 'Bok Kei-Dei gô ăn kơ sư arih ling-lang. Sơmă đei 'bar khŭl tơdrong yoch. Minh khŭl noh bơ̆n 'bôh 'nhŏng oh bơ̆n pơm yoch, athei krao khan kơ 'Bok Kei-Dei tơgŭm sư. Minh khŭl dơ̆ng bơ̆n 'bôh 'nhŏng oh bơ̆n pơm yoch khŏm khŏm, inh ưh kơ đei athei iĕm krao khan tơgŭm sư dơ̆ng ôh. Bơngai bu pơm yoch thoi noh sư gô răm tơpă.