Galati 5:2 - Sơ̆p Hlabơar Nơ̆r 'Bok Kei-Dei

² Iĕm mơ̆ng lăng mă nhên bĕ. Inh Pôl bơtho ăn kơ iĕm thoi âu: Lu đe ei bơtho iĕm dang ei, khan athei iĕm kăt tơdra akar kơdih 'mơ̆i na gơh klaih đơ̆ng tơdrong yoch, dah iĕm chu kơ lu sư wă pơm kơ iĕm tơdrong 'noh, lei iĕm ưh pă gơnang kơ Kră Yang Yêsu Krist boih.

Galati 5:2 Iomraidhean Croise

Jang 15:1

Đei bơngai đơ̆ng dêh char Juđê năm tơ Pơlei Antiôs bơtho lu bơngai lui khan: “Bơngai bu ưh kơ chu kăt tơdra akar sư kơdih kiơ̆ tơdrong juăt Môis pơkă sơ̆, lei ưh kơ gơh klaih đơ̆ng tơdrong yoch.”

Jang 15:24

Nhôn kơtơ̆ng ang lu bơngai đơ̆ng nhôn năm bơtho iĕm khan athei iĕm kăt tơdra akar păng răk dôm lu tơdrong juăt Môis pơkă. Đơ̆ng sơ̆ nhôn ưh kơ athei iĕm pơm thoi noh ôh, na dang ei iĕm hơwơ̆l boih. Lu bơngai athei iĕm răk dôm tơdrong juăt Môis pơkă noh, lu sư năm bơtho kơdih đĕch. Nhôn ưh kơ wơh sư ôh.

Jang 15:5

Mă-lei kư̆m đei bơngai lui kơ Yêsu đơ̆ng khŭl đe Pharisi iung pơma thoi âu: “Lu bơngai tơmoi lui kơ Yêsu ei, lu sư athei chu kăt tơdra akar kơdih păng kiơ̆ dôm lu tơdrong juăt Môis pơkă.”

I Kor 16:21

Kơthơ âu nơ̆r inh pơma, buăl inh chih. Lăp wă jê̆ tôch na ti inh Pôl chih kơdih.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

Galati 5:11

Ơ 'nhŏng oh, dah inh bơtho athei đe kăt tơdra akar, lei lu bơngai Juđê huay kơ pơm kơnê̆ kơ inh ôh. Na 'nâu inh bơtho gah tơdrong lu bơ̆n lui kơ Yêsu lôch tang bơ̆n tơ 'long pơglang wă kơ gơh klaih đơ̆ng tơdrong yoch ră, na dang ei lu sư ưh kơ lăp đon kơ inh boih. Lu sư oei hăt kơ tơdrong kăt tơdra akar đĕch khan trŏ dêh.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

I Tes 2:18

Anăn inh Pôl lơ 'măng boih wă năm ră tơ iĕm, mă-lei yang Satan nŏng kơ pơgăn kuă ăn inh năm.

Phil 1:19

Âu hŏ, tơ̆ng ih wă kơ sư duh kơ ih, dang ei inh chih hla bơar kơ ih păng ti inh kơdih, inh wă kơ ih băt kơ inh wă duh dŏng sư tơpă. Mă-lei ih kư̆m dang bơngai hre kơ inh mơ̆n kơlih kơ ih lui kơ Yêsu Krist đơ̆ng inh bơtho.

Phil 1:9

Kơlih inh băt kơ ih đei đon 'mêm mơnat kơ bôl buăl boih na inh roi kơ ih thoi noh đĕch. Mă-lei ih băt kơ inh kră boih păng inh oei lăm hnam phak yua kơ inh lui kơ Kră Yang Yêsu.

Hêbrơ 4:2

Yua kơ bơ̆n kơtơ̆ng boih đe bơtho tơdrong 'nao 'lơ̆ng, thoi lu bơngai noh kơtơ̆ng sơ̆, mă ưh kơ yua kiơ kơ lu bơngai noh, kơlih kơ lu sư ưh kơ wă lui.