Galati 4:6 - Sơ̆p Hlabơar Nơ̆r 'Bok Kei-Dei

⁶ Bơ̆n băt boih bơ̆n jing kon Sư tơpă, yua kơ Sư wơh Yang Bơhngol 'Lơ̆ng đơ̆ng Kon Sư jur oei păng bơ̆n, Sư bơtho bơ̆n krao kơ 'Bok Kei-Dei Aba, 'Bă.

Galati 4:6 Iomraidhean Croise

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Je 3:4

Hăm trŏ iĕm oei krao Inh: ‘Ơ 'Bă nhôn, Ih boih buăl nhôn đơ̆ng nhôn oei 'lơ̆p sơ̆.

Markôs 14:36

Sư khan: “Aba, ơ 'Bă, Ih gơh pơm tôm tơdrong. Apinh Ih ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Luka 11:13

Iĕm bơngai kơnê̆ ră, mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, dah bơ̆n apinh Sư, Sư gô ăn kơ bơ̆n Yang Bơhngol 'Lơ̆ng tơpă.”

Luka 11:2

Na Yêsu khan: “Iĕm krao khan thoi âu: ‘Ơ 'Bă, ăn anăn Ih jing ư-ang. Ăn kơ dêh char Ih tĕnh truh.

Yo 14:16

na Inh gô apinh 'Bă Inh ăn kơ iĕm minh 'nu dŏng iĕm plơ̆ng dơ̆ng, anăn Sư Yang Bơhngol 'Lơ̆ng. Sư gô tơbăt ăn kơ iĕm tơdrong 'Bă Inh tơpă păng Sư gô oei hơdai hăm iĕm ling-lang.

Yo 15:26

“'Bok Dŏng Mơnat gô truh tơ iĕm, anăn Sư Yang Bơhngol 'Lơ̆ng. Sư tơbăt ăn kơ iĕm tơdrong 'Bok Kei-Dei. Sư gô jur đơ̆ng 'Bă Inh yua kơ Inh wơh Sư đơ̆ng anih 'Bă Inh; na Sư gô bơtho tơdrong Inh.

Yo 16:7

Inh khan kơ iĕm tơpăt, Inh brŏk tơ 'Bă Inh đĕch 'lơ̆ng hloh dang ei. Dah Inh ưh kơ brŏk tơ Sư dang ei lei 'Bok Dŏng Mơnat ưh kơ jur tơ iĕm ôh. Inh jah brŏk na Inh wơh Sư jur tơ iĕm.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

Jang 16:7

Lăp lu sư truh tơ jih apŭng Misi ei lu sư wă mơ̆t tơ dêh char Bithini, mă-lei Yang Bơhngol 'Lơ̆ng đơ̆ng Kră Yang Yêsu ưh kơ ăn lu sư mơ̆t tơ ei ôh.

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Rom 8:9

Mă-lei gah iĕm, iĕm ưh kơ gơnang kơ akâu iĕm kơdih ôh, iĕm gơnang kơ Yang Bơhngol 'Lơ̆ng, yua kơ Yang Bơhngol 'Lơ̆ng 'Bok Kei-Dei oei hăm iĕm. Yua kơ Yêsu Krist ăn noh, Sư ăn kơ rim 'nu bơngai bu mă lui kơ Sư. Bơngai mă ưh kơ đei Yang Bơhngol 'Lơ̆ng, bơngai noh ưh kơ lui kơ Yêsu ôh.

I Kor 15:45

Yua kơ thoi noh na lăm sơ̆p hla bơar 'Bok Kei-Dei đe đei chih boih thoi âu: “Bơngai kơ đĭ-đăng hơdrol sơ̆ jĭ 'bok Ađam, 'Bok Kei-Dei ăn kơ sư đei akâu đei jơhngơ̆m wă kơ gơh arih.” Na 'bok Ađam mă hơtuch âu, wă khan Yêsu Krist, Sư Yang wă anhăk đĭ-đăng kon bơngai oei hơdai hăm Sư arih ling-lang.

II Kor 1:22

Sư ăn Yang Bơhngol 'Lơ̆ng oei hơdai hăm nhôn, dang Sư chơ̆m đŏng yâu Sư tơ akâu nhôn, thoi noh na dôm tơdrong Sư pơkă, nhôn băt kơ gô đei tơpă.

II Kor 3:17

Kră Yang Yêsu kư̆m thoi Yang Bơhngol 'Lơ̆ng. Yang Bơhngol 'Lơ̆ng oei tơ yơ, tơ anih noh rơngei hiôk-hian.

Êphêsô 1:13

Na sơ̆ lăp iĕm kơtơ̆ng đe bơtho tơdrong 'nao 'lơ̆ng Sư wă kơ iĕm klaih đơ̆ng tơdrong yoch, na iĕm lui hloi kơ tơdrong đe bơtho noh. 'Bơ̆t noh iĕm đei Yang Bơhngol 'Lơ̆ng 'Bok Kei-Dei jur oei păng iĕm kư̆m thoi 'Bok Kei-Dei pơkă khan wă ăn sơ̆, na iĕm mơn kơdih iĕm jing kon Sư păng pôm đon hăm Kon Sư Yêsu Krist.

Êphêsô 2:18

Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

Êphêsô 6:18

Păng bơ̆n 'nĕ hiơt krao khan kơ 'Bok Kei-Dei, wă kơ bơ̆n hưch hanh kơ tơdrong krao khan ling-lang, gô mơ̆ng kơ Yang Bơhngol 'Lơ̆ng wă kơ bơ̆n krao khan tơdrong kiơ, krao khan tơgŭm băl tơduă lu kon 'Bok Kei-Dei dah krao khan kơ tơdrong kiơ nai.

Philip 1:19

Mă đei tơdrong gleh truh kơ inh dang ei jơhngơ̆m inh oei hiôk ling-lang, yua kơ inh băt tơpă inh gô klaih yua kơ iĕm krao khan tơgŭm inh, na Yang Bơhngol 'Lơ̆ng Yêsu Krist gô tơgŭm inh tơpă.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.

Ju 1:20

Ơ lu 'nhŏng oh mă inh 'mêm kơeng, inh wă kơ iĕm rai đunh rai lui kơjăp dôm tơdrong 'Bok Kei-Dei, tơdrong mă 'lơ̆ng tơpăt. Iĕm athei gơnang kơ Yang Bơhngol 'Lơ̆ng tơgŭm iĕm krao khan.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”