Galati 4:12 - Sơ̆p Hlabơar Nơ̆r 'Bok Kei-Dei

¹² Ơ lu 'nhŏng oh mă 'mêm, inh wă kơ lu iĕm thoi inh. Inh kư̆m lei-lăi thoi iĕm mơ̆n sơ̆. Inh ưh pă gơnang kơ tơdrong juăt kon bơngai, na lui hloi kơ Yêsu. Iĕm huay kơ pơm glăi hăm inh ôh sơ̆, mă-lei đei pơm glăi hăm Kră Yang boih.

Galati 4:12 Iomraidhean Croise

Bl 34:15

Lu nhôn gơh chu drơ̆ng nơ̆r iĕm, tơdah lu iĕm iŏk mă jing thoi nhôn 'mơ̆i, wă khan đĭ-đăng kon drŏ-nglo athei kăt tơdra akar.

I Pot 22:4

Pơtao khan kơ Jêhôsaphat: “Ih hăm wă blah iŏk Pơlei Ramôt Gileat hơdai hăm inh ưh?” Jêhôsaphat tơl pơtao đe Isơrael: Inh kư̆m thoi ih, kon pơlei pơla inh kư̆m thoi kon pơlei pơla ih, aseh inh kư̆m thoi aseh ih mơ̆n.”

Jang 21:21

Lu sư kơtơ̆ng đe jô̆ kơ ih bơtho lu bơngai Juđê tơ dêh đe tơmoi khan ih athei lu sư tŭk đĭ tơdrong juăt Môis păng tŭk tơdrong kăt tơdra akar lu kon sư păng tŭk đĭ dôm tơdrong juăt Juđê mơ̆n.

II Kor 2:5

Tơ̆ng đe pơm kơ inh ưh kơ hiôk, ưh kơ sĭ kơdrô̆ inh ôh sơ'ngon, iĕm kư̆m sơ'ngon lei-lăi. Mă-lei tơdrong noh inh ưh kơ kăl kơ pơma lơ ôh.

II Kor 6:11

Ơ bơngai Pơlei Kôrintô, nhôn pơma kơ iĕm rơhau dêh, yua kơ nhôn 'mêm kơ iĕm tơpă.

II Kor 6:13

Inh pơma kơ iĕm dang 'bă pơma kơ kon, inh 'mêm kơ iĕm tơpă, inh kư̆m wă kơ iĕm 'mêm kơ inh.

Galati 2:14

Inh 'bôh lu sư kiơ̆ tơdrong 'nao 'lơ̆ng Yêsu ưh kơ 'blep trŏ thoi noh boih na inh bơtho Pêtrôs 'bơ̆t anăp lu sư thoi âu: “Ih bơngai Juđê, krô hmă ih ưh pă wă kiơ̆ boih tơdrong juăt bơngai Juđê, na dang ei thoi yơ ih wă athei lu bơngai ưh kơ khŭl bơ̆n kiơ̆ tơdrong juăt bơ̆n so dơ̆ng?”

Galati 4:11

Inh tơtăm kơ lu iĕm, hli kơ tơdrong jang inh tơgŭm iĕm mă ưh kơ đei yua.

Galati 4:13

Iĕm oei 'blŏk mơ̆n rŏ lăng tơm hmơm sơ̆ inh năm chă bơtho đe tơdrong 'nao 'lơ̆ng 'blep kơ inh jĭ jăn na inh drong tơ pơlei iĕm, bơtho ăn kơ iĕm tơdrong 'nao 'lơ̆ng Yêsu Krist.

Galati 6:14

Gah inh ưh kơ đei pơang akâu inh kơdih ôh, inh wă pơang đe gah 'long pơglang Yêsu đĕch. Yua kơ Kră Yang Yêsu Krist lôch tang inh tơ 'long pơglang tơpă na inh lê̆ đĭ-đăng tơdrong ala teh âu, dang lĕ inh pơ̆ng lê̆ dôm tơdrong ala teh âu tơ 'long pơglang, kư̆m dang inh lôch tơ 'long pơglang ưh pă kiơ̆ dôm tơdrong ala teh âu.

Galati 6:18

Ơ lu 'nhŏng oh, nhôn apinh Kră Yang Yêsu Krist wei-lăng rim 'nu kơ lu iĕm tôm tơdrong. A-men.