Galati 4:1 - Sơ̆p Hlabơar Nơ̆r 'Bok Kei-Dei

^1-2 Na dang ei inh wă pơma pơtrơp tơdrong 'noh hei. Pơtih gia kơ minh 'nu bơngai lôch achăng kon sư oei 'lơ̆p. Hơdrol kơ sư lôch sư pơkă kơ kon sư khan mưh kon sư tih tơdăm boih, athei kon sư iŏk tơwih dôm lu mŭk tơmam mă sư pơjao kơ kon sư. Kơplah kon sư oei 'lơ̆p đe jô̆ tơmam noh tơmam kon sư mơ̆n, mă-lei đei bơngai nai wei-lăng akâu kon sư păng tơmam kon sư, na kon sư dang bơngai đĭch đĕch, sư ưh kơ gơh pơm kiơ̆ kơ đon sư tơchĕng kơdih ôh. Mă-lei mưh truh sư 'lŏ boih sư iŏk tơwih kơdih đĭ-đăng mŭk tơmam 'bă sư păng gơh jang kiơ̆ kơ đon sư tơchĕng kơdih.

Galati 4:1 Iomraidhean Croise

II Pot 11:12

Jêhôiada chông hloi kon tơdăm pơtao noh lĕch, pơyơ̆l ăn kơ sư môk pơtao, păng ăn kơ sư sơ̆p hla bơar tơdrong juăt. Thoi noh đe pôk sư pơm pơtao, tuh đak 'bâu phu kơpal kơ̆l sư, păng đĭ-đăng lu đe ei tap ti ôr jreo, khan: “Pơtao arih ling-lang khŏm khŏm.”

II Pot 12:2

Jôas pơm 'lơ̆ng 'bơ̆t anăp Kră Yang đĭ chăl arih yua kơ 'bok soi Jêhôiada bơtho sư.

Galati 3:29

Dah bơ̆n pôm đon hăm Yêsu Krist, lei lu bơ̆n dang kon sâu Abraham tơpă, na 'Bok Kei-Dei gô tơgŭm bơ̆n dôm tơdrong 'lơ̆ng thoi Sư pơkă kơ Abraham sơ̆.

Galati 4:23

Kon sư mă tơpŭ đơ̆ng sư iŏk kơdih đĭch sư noh, sư tơpŭ rok thoi bôl buăl hmă. Mă-lei kon đơ̆ng akăn tơm sư noh, sư tơpŭ kiơ̆ thoi 'Bok Kei-Dei mơnat kơ Abraham khan wă gô ăn kơ sư kon.

Galati 4:29

Hơtai noh sơ̆ kon yă Hơgar bơngai mă tơpŭ rok thoi bôl buăl, lăp sư 'lŏ boih sư pơm kơnê̆ kơ kon mă tơpŭ kiơ̆ thoi Yang Bơhngol 'Lơ̆ng tơgŭm. Na dang ei kư̆m thoi noh mơ̆n. Lu bơngai mă gơnang kơ akâu sư kơdih wă kiơ̆ tơdrong juăt Môis, lu sư pơm kơnê̆ kơ lu kon 'Bok Kei-Dei mă đơ̆ng Yang Bơhngol 'Lơ̆ng ăn tơpŭ kiơ̆ thoi Sư wă.

I Yo 5:10

Bơngai bu lui kơ Kon 'Bok Kei-Dei, bơngai 'noh lăm to sư, sư băt tơpă gah tơdrong 'Bok Kei-Dei tơbăt gah Kon Sư. Bơngai bu ưh kơ lui kơ nơ̆r 'Bok Kei-Dei pơma, bơngai 'noh sư khan 'Bok Kei-Dei hơlĕnh kơlih kơ sư ưh kơ lui kơ nơ̆r 'Bok Kei-Dei pơma gah Kon Sư.