Galati 3:15 - Sơ̆p Hlabơar Nơ̆r 'Bok Kei-Dei

¹⁵ Ơ 'nhŏng oh, inh wă pơma tơdrong pơtih gia ăn kơ iĕm thoi âu: Dah 'bar 'nu bơngai pơgơ̆p dih băl tơdrong kiơ kiơ, na chih anăn bre sư tơ lăm hla bơar pơgơ̆p noh, na lu bơngai nai ưh kơ đei bu gơh sut tơhiong lê̆ dah chih pơthim ăn tơ lăm hla bơar pơgơ̆p noh dơ̆ng.

Galati 3:15 Iomraidhean Croise

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Rom 1:13

Ơ 'nhŏng oh, inh khan tơbăt ăn kơ iĕm tơdrong inh khan wă năm ngôi hơpong tơ iĕm lơ 'măng boih mă ưh kơ yĕng. Inh 'maih bơtho 'biơ̆ pơlei iĕm, wă kơ đei bơngai lui rai lơ thoi lu kon pơlei nai mă ưh kơ khŭl Juđê, lu sư lui đơ̆ng inh bơtho.

Rom 3:5

Bơ̆n 'bôh tôm tơdrong 'Bok Kei-Dei pơm 'lơ̆ng tơpăt ngăl boih, na bơ̆n 'nĕ tơchĕng khan, bơ̆n pơm kơnê̆ kư̆m bưh, wă kơ đe kơnăl kơ 'Bok Kei-Dei pơm 'lơ̆ng tơpăt păng wă kơ đe kơnăl kơ 'Bok Kei-Dei Sư ưh kơ pơm kơnê̆ thoi kon bơngai. Bơ̆n pơm kơnê̆ noh na đe gô ư-ang kơ 'Bok Kei-Dei rai tih, na dah 'Bok Kei-Dei wă phak bơ̆n ning-mônh noh Sư wă hơlĕnh đĕch yua kơ bơ̆n dang ư-ang anăn Sư kơ đe boih. Bơ̆n 'nĕ tơchĕng tơdrong noh khan trŏ, ưh ôh hŏ. Kon bơngai bơ̆n đĕch tơchĕng khan trŏ.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

I Kor 15:32

Inh đei tơdrong gleh truh kơ inh tơ Pơlei Êphêsô dang lĕ inh tơblah păng sem bri. Dah inh adrin tơblah păng sư, mă-lei inh ưh kơ tơchĕng tơdrong inh gô iung arih ning-mônh, lei tơdrong inh adrin 'noh ưh kơ đei yua kiơ kơ inh ôh. Dah 'Bok Kei-Dei ưh kơ tơiung arih lu bơngai bơ̆n đơ̆ng lôch, lei bơ̆n kuă kơ kiơ kơ sa et phĭ mah rơkah rơkai chă tơdrong hiôk ling-lang, yua kơ bơ̆n wă lôch hiong hiơt thoi ei?

Galati 6:18

Ơ lu 'nhŏng oh, nhôn apinh Kră Yang Yêsu Krist wei-lăng rim 'nu kơ lu iĕm tôm tơdrong. A-men.

Hêbrơ 6:13

Kiơ̆ kơ tơdrong juăt kon bơngai, mưh wă pơkă băl tơdrong kiơ wă kơ kơjăp, sư pao anăn tơ'ngla Kră Yang sư kơdih wă kơ đĭ-đăng bơngai lui kơ nơ̆r sư. Kơplah 'Bok Kei-Dei pơkă kơ Abraham sơ̆, Sư wă kơ đe băt kơ Sư gô tơgŭm tơpă, na Sư ưh kơ đei pao anăn bu nai ôh yua kơ ưh kơ đei bu tih hloh kơ Sư, Sư pao anăn Sư kơdih đĕch. Sư khan kơ Abraham thoi âu: “Inh wă tơgŭm ih tơpă, Inh gô ăn kơ ih đei lu kon sâu lơ.” Abraham lui tơpă, sư chang gô truh tơ 'Bok Kei-Dei ăn kơ sư tơpă.

Hêbrơ 9:17

Gô sư lôch 'mơ̆i na gơh dô̆ asong kiơ̆ thoi sư pơkă.