Galati 2:8 - Sơ̆p Hlabơar Nơ̆r 'Bok Kei-Dei

⁸ Lu sư băt thoi noh yua kơ lu sư 'bôh 'Bok Kei-Dei ăn kơ inh pơm jơ̆ng 'bang Yêsu năm chă bơtho đe đei lơi lơ bơngai lui kơ inh bơtho tơpă, kư̆m thoi 'Bok Kei-Dei ăn kơ Pêtrôs pơm jơ̆ng 'bang Yêsu năm chă bơtho đe đei lơi mơ̆n.

Galati 2:8 Iomraidhean Croise

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 15:12

Lăp lu sư kơtơ̆ng Pêtrôs pơma thoi noh, lu sư pă đei drơ̆ng tơwih dơ̆ng. Pôm bre Pôl păng 'Barna'ba đĕch roi gah tơdrong Kră Yang 'Bok Kei-Dei tơgŭm bre sư pơm lơ tơdrong mơsêh mơyang 'bơ̆t anăp lu bơngai tơmoi mă ưh kơ khŭl Juđê.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

Jang 21:19

Pôl kơkuh kơ lu sư păng ră roi kơ lu sư dôm tơdrong 'Bok Kei-Dei tơgŭm lu bơngai tơmoi mă ưh kơ khŭl Juđê kơlih kơ tơdrong jang Pôl.

Jang 22:21

Na Kră Yang Yêsu khan kơ inh: ‘Năm bĕ. Inh wơh ih năm bơtho lu đe pơlei ataih, lu bơngai tơmoi ưh kơ sĭ bơngai Juđê.’ ”

Jang 4:4

Mă-lei đơ̆ng Pêtrôs păng Yôhan bơtho ei đei lơ 'nu bơngai lui kiơ̆ kơ Yêsu. Na jô̆ đơ̆ng Yêsu tŏk tơ plĕnh truh tơ đe rôp bre sư, gah drŏ-nglo đĕch đei pơđăm-rơbâu 'nu bơngai lui kiơ̆ kơ Yêsu boih.

Jang 8:17

Na Pêtrôs păng Yôhan pel kơ̆l lu bơngai lui na Yang Bơhngol 'Lơ̆ng jur oei păng lu sư hloi.

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

I Kor 9:2

Mă đe nai khan inh bơngai ưh kơ trŏ kơ jơ̆ng 'bang Yêsu kư̆m bưh mơ̆n, mă-lei gah iĕm, iĕm băt kơ inh bơngai jơ̆ng 'bang Yêsu tơpă, yua kơ iĕm lui kơ Sư đơ̆ng inh bơtho iĕm.

Galati 3:5

Inh wă jet iĕm dơ̆ng: 'Bok Kei-Dei ăn kơ iĕm Yang Bơhngol 'Lơ̆ng păng ăn kơ iĕm gơh pơm tơdrong mơsêh, yua kơ iĕm kiơ̆ tơdrong juăt Môis, dah yua kơ iĕm gơnang kơ Yêsu Krist?

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.