Galati 2:7 - Sơ̆p Hlabơar Nơ̆r 'Bok Kei-Dei

⁷ Lu sư băt kơ 'Bok Kei-Dei wơh inh bơtho tơdrong 'nao 'lơ̆ng sư kơ lu bơngai mă ưh kơ khŭl Juđê lu sư kư̆m ưh kơ kăt tơdra akar, kư̆m thoi 'Bok Kei-Dei wơh Pêtrôs năm chă bơtho khŭl sư bơngai Juđê.

Galati 2:7 Iomraidhean Croise

Jang 15:12

Lăp lu sư kơtơ̆ng Pêtrôs pơma thoi noh, lu sư pă đei drơ̆ng tơwih dơ̆ng. Pôm bre Pôl păng 'Barna'ba đĕch roi gah tơdrong Kră Yang 'Bok Kei-Dei tơgŭm bre sư pơm lơ tơdrong mơsêh mơyang 'bơ̆t anăp lu bơngai tơmoi mă ưh kơ khŭl Juđê.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Jang 28:28

Pôl roi dơ̆ng thoi âu: “Na inh wă kơ iĕm băt kơ 'Bok Kei-Dei wă pơklaih lu bơngai tơmoi mă ưh kơ khŭl bơ̆n đơ̆ng tơdrong yoch mơ̆n. Lu sư gô lui kơ nơ̆r inh bơtho gah tơdrong Yêsu.”

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Rom 1:5

Na Kră Yang Yêsu Krist mơnat kơ inh, ăn kơ inh pơm jơ̆ng 'bang Sư, wă kơ inh năm bơtho kơ đĭ-đăng khŭl bơngai jơ̆p kơ teh đak, wă kơ đĭ-đăng bơngai lui kơ Sư păng ư-ang kơ Sư ling-lang.

Rom 11:13

Na dang ei inh wă pơma kơ lu iĕm bơngai nai. 'Bok Kei-Dei ăn kơ inh pơm jơ̆ng 'bang Yêsu, wă kơ inh bơtho iĕm mă ưh kơ khŭl Isơrael. Yua kơ thoi noh na inh adrin tơpă kơ tơdrong jang inh

I Kor 9:17

Dah inh jang bơtho đe yua kơ inh wă kơdih đĕch, lei inh gơh iŏk jên đe apah. Mă-lei inh ưh kơ gơh iŏk, yua kơ Kră Yang wơh inh jang, na inh athei jang ăn kơ Sư đĕch.

Galati 1:16

Truh Sư wă tơ'bôh ăn kơ inh Yêsu Kon Sư, wă kơ inh năm bơtho tơdrong 'nao 'lơ̆ng Kon Sư kơ lu bơngai nai mă ưh kơ trŏ bơngai Juđê, kơplah noh inh ưh kơ đei năm pơhrăm đơ̆ng lu bơngai kiơ̆ Yêsu ôh.

Galati 1:18

Đơ̆ng rŏng kơ inh lui kơ Yêsu pêng sơnăm na inh năm tơ Pơlei Jêrusalem hơpong kơ Pêtrôs. Inh oei păng sư tơ noh 'bar 'măng giĕng.

Galati 1:6

Inh sơleng kơ đon yua kơ kiơ iĕm lui kơ nơ̆r đe pơlung wă achăng lê̆ nơ̆r 'Bok Kei-Dei 'bônh đĕch. 'Bok Kei-Dei krao bơ̆n wă kơ bơ̆n jing kon Sư, yua kơ Yêsu Krist lôch tang bơ̆n. Mă-lei dang ei iĕm wă kiơ̆ tơdrong 'nao 'lơ̆ng nai dơ̆ng.

Galati 2:11

Sơ̆ Pêtrôs năm tơ Pơlei Antiôs, inh khă sư, yua kơ sư pơm ưh kơ trŏ tơpă. Sư pơm thoi âu:

Galati 2:14

Inh 'bôh lu sư kiơ̆ tơdrong 'nao 'lơ̆ng Yêsu ưh kơ 'blep trŏ thoi noh boih na inh bơtho Pêtrôs 'bơ̆t anăp lu sư thoi âu: “Ih bơngai Juđê, krô hmă ih ưh pă wă kiơ̆ boih tơdrong juăt bơngai Juđê, na dang ei thoi yơ ih wă athei lu bơngai ưh kơ khŭl bơ̆n kiơ̆ tơdrong juăt bơ̆n so dơ̆ng?”

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

I Tes 2:4

Sơ̆ 'Bok Kei-Dei pơlong nhôn, na ăn kơ nhôn bơtho tơdrong 'nao 'lơ̆ng Sư. Yua kơ thoi noh na nhôn bơtho iĕm. Nhôn bơtho tơdrong Sư, ưh kơ sĭ wă kơ kon bơngai lăp đon kơ nhôn ôh. Nhôn wă kơ 'Bok Kei-Dei lăp đon kơ nhôn. Nhôn bơtho tơdrong Sư, ưh kơ sĭ thoi kon bơngai tơchĕng 'maih ôh, nhôn bơtho kiơ̆ thoi 'Bok Kei-Dei wă. 'Bok Kei-Dei pơlong lăng nhôn ling-lang wă băt kơ nhôn pơm trŏ dah ưh.

I Tim 1:11

Tơdrong 'lơ̆ng tơpăt noh tơdrong 'nao 'lơ̆ng 'Bok Kei-Dei. 'Bok Kei-Dei ăn kơ inh bơtho tơdrong 'nao 'lơ̆ng Sư. Sư boih mă hiôk-hian ling-lang. Sư Kră Yang tih hloh.

I Tim 2:7

Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.

II Tim 1:11

'Bok Kei-Dei rơih inh pơm jơ̆ng 'bang Sư wă bơtho tơdrong 'nao 'lơ̆ng 'noh.

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.