Galati 2:5 - Sơ̆p Hlabơar Nơ̆r 'Bok Kei-Dei

⁵ Dôm tơdrong lu sư wă kơ nhôn pơm, nhôn ưh kơ chu ôh. Nhôn ưh kơ đei layơ wă tơplih tơdrong 'nao 'lơ̆ng Yêsu Krist mă 'lơ̆ng tơpăt ôh. Nhôn wă kơ iĕm huay kăl kiơ̆ dôm tơdrong juăt bơngai Juđê.

Galati 2:5 Iomraidhean Croise

Ne 6:4

Lu sư wơh bơngai năm truh tơ inh puăn 'măng hloi, mă-lei inh khan lei-lăi ưh kơ wăn năm.

Jang 15:2

Kơlih kơ lu sư bơtho thoi noh, na bre Pôl păng 'Barna'ba pơjah pơjăng tơpă păng lu sư. Na lu bơngai lui wă kơ bre Pôl păng 'Barna'ba păng 'bar pêng 'nu dơ̆ng đơ̆ng Pơlei Antiôs năm tơ Pơlei Jêrusalem wă tơ'bơ̆p lu jơ̆ng 'bang Yêsu păng lu kră wei-lăng bơngai lui, pơđâu păng sư gah tơdrong kăt akar noh.

Galati 1:6

Inh sơleng kơ đon yua kơ kiơ iĕm lui kơ nơ̆r đe pơlung wă achăng lê̆ nơ̆r 'Bok Kei-Dei 'bônh đĕch. 'Bok Kei-Dei krao bơ̆n wă kơ bơ̆n jing kon Sư, yua kơ Yêsu Krist lôch tang bơ̆n. Mă-lei dang ei iĕm wă kiơ̆ tơdrong 'nao 'lơ̆ng nai dơ̆ng.

Galati 2:14

Inh 'bôh lu sư kiơ̆ tơdrong 'nao 'lơ̆ng Yêsu ưh kơ 'blep trŏ thoi noh boih na inh bơtho Pêtrôs 'bơ̆t anăp lu sư thoi âu: “Ih bơngai Juđê, krô hmă ih ưh pă wă kiơ̆ boih tơdrong juăt bơngai Juđê, na dang ei thoi yơ ih wă athei lu bơngai ưh kơ khŭl bơ̆n kiơ̆ tơdrong juăt bơ̆n so dơ̆ng?”

Galati 4:16

Đơ̆ng rŏng kơ noh lăp inh tơ nai na đei lu bơngai năm pơtuah pơhlŭ iĕm. Inh kư̆m khan kơ iĕm tơpă boih ki, tơdrong sư pơtuah pơhlŭ iĕm noh ưh kơ yua kiơ kơ iĕm ôh, mă-lei dang ei iĕm lăng inh dang bơngai ayăt kơ iĕm hă?

Êphêsô 1:13

Na sơ̆ lăp iĕm kơtơ̆ng đe bơtho tơdrong 'nao 'lơ̆ng Sư wă kơ iĕm klaih đơ̆ng tơdrong yoch, na iĕm lui hloi kơ tơdrong đe bơtho noh. 'Bơ̆t noh iĕm đei Yang Bơhngol 'Lơ̆ng 'Bok Kei-Dei jur oei păng iĕm kư̆m thoi 'Bok Kei-Dei pơkă khan wă ăn sơ̆, na iĕm mơn kơdih iĕm jing kon Sư păng pôm đon hăm Kon Sư Yêsu Krist.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

Ju 1:3

Ơ 'nhŏng oh mă inh 'mêm kơeng, ki inh wă chih kơ iĕm kơthơ ră, chih hơpong gah tơdrong 'Bok Kei-Dei pơklaih bơ̆n jing hiôk chơt. Mă-lei dang ei inh kơtơ̆ng đei tơdrong khan đe wă pơhlŭ iĕm, na dang ei inh jing chih pơlung iĕm, wă kơ iĕm adrin 'biơ̆ păng lui mă kơjăp, kiơ̆ dôm tơdrong 'Bok Kei-Dei tơbăt ăn kơ lu bơ̆n kon Sư. Dôm tơdrong Sư tơbăt tôm boih, ưh kơ layơ tơplih dơ̆ng. Thoi noh na iĕm athei pơjah pơjăng păng lu bơngai mă pơhlŭ pơlung iĕm noh 'biơ̆.