Galati 2:2 - Sơ̆p Hlabơar Nơ̆r 'Bok Kei-Dei

² Inh năm tơ Pơlei Jêrusalem yua kơ 'Bok Kei-Dei athei inh năm. Inh akŭm păng lu bơngai pơm tih pơgơ̆r bơngai lui, wă roi kơ lu sư tơdrong 'nao 'lơ̆ng inh bơtho kơ lu bơngai mă ưh kơ khŭl Juđê. Nhôn akŭm kơdrô̆ nhôn đĕch. Inh roi kơ lu sư nhên gah tơdrong inh bơtho wă kơ lu sư băt dôm tơdrong inh bơtho noh, jĭ minh tơdrong trŏ tơpă. Dah inh ưh kơ roi kơ lu sư, lei inh hli kơ lu sư jô̆ kơ inh bơtho tơdrong ưh kơ tơpă. Mă-lei lu sư ưh kơ đei jô̆ kơ tơdrong jang inh khan tơdrong jang ưh kơ tơpă, lu sư ưh kơ đei khan thoi noh ôh.

Galati 2:2 Iomraidhean Croise

Bôk Bơthô 10:1

Minh pôm roi lôch pơm kơ đak 'bâu phu jing 'bâu ôm; wơnh 'bơm tŏ sĕt đĕch pơm ăn kơ anăn bơngai hơgei đe ưh pă ư-ang.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Jang 15:12

Lăp lu sư kơtơ̆ng Pêtrôs pơma thoi noh, lu sư pă đei drơ̆ng tơwih dơ̆ng. Pôm bre Pôl păng 'Barna'ba đĕch roi gah tơdrong Kră Yang 'Bok Kei-Dei tơgŭm bre sư pơm lơ tơdrong mơsêh mơyang 'bơ̆t anăp lu bơngai tơmoi mă ưh kơ khŭl Juđê.

Jang 15:2

Kơlih kơ lu sư bơtho thoi noh, na bre Pôl păng 'Barna'ba pơjah pơjăng tơpă păng lu sư. Na lu bơngai lui wă kơ bre Pôl păng 'Barna'ba păng 'bar pêng 'nu dơ̆ng đơ̆ng Pơlei Antiôs năm tơ Pơlei Jêrusalem wă tơ'bơ̆p lu jơ̆ng 'bang Yêsu păng lu kră wei-lăng bơngai lui, pơđâu păng sư gah tơdrong kăt akar noh.

Jang 15:4

Lăp lu sư truh tơ Pơlei Jêrusalem, lu jơ̆ng 'bang Yêsu păng lu kră wei-lăng bơngai lui păng đĭ-đăng lu bơngai lui chơt hiôk tơpă yua kơ 'bôh lu sư. Lu sư ră roi đĭ tơdrong 'Bok Kei-Dei tơgŭm lu sư pơm.

Jang 18:9

Minh măng ei Pôl apo 'bôh Kră Yang Yêsu pơma păng sư khan: “Ih 'nĕ kơ hli păng ih 'nĕ kơ tŭk tơdrong jang ih. Ih kư̆ bơtho ling-lang đĕch.

Jang 23:11

Măng kơnh Kră Yang Yêsu dơ̆ng jê̆ Pôl hăm khan kơ Pôl: “Ih 'nĕ kơ hli. Ih bơtho tơdrong Inh tơ Pơlei Jêrusalem âu boih, na ih athei bơtho tơdrong Inh tơ Pơlei Rôm dơ̆ng.”

Jang 5:34

Mă-lei đei minh 'nu bơngai kơdră sek tơlang iung pơma. Sư bơngai khŭl đe Pharisi, anăn sư Gemel. Sư bơngai bơtho tơdrong juăt Juđê păng đĭ-đăng bơngai ư-ang kơ sư. Sư athei bơngai gak tơlĕch lu jơ̆ng 'bang Yêsu tơ 'ngoaih tŏ sĕt.

Rom 9:16

Thoi noh na dang ei bơ̆n băt nhên boih gah tơdrong noh, ưh kơ sĭ đơ̆ng bơ̆n wă kơ Sư 'mêm, dah bơ̆n pơlung Sư wă kơ Sư 'mêm kơ bơ̆n ôh. Sư 'mêm kơ bơ̆n yua kơ Sư wă 'mêm kơdih đĕch.

I Kor 1:23

Gah bơ̆n bơtho khan kơ đe tơdrong Yêsu lôch tơ 'long pơglang, mă-lei bơngai Juđê ơh klai, na mă lu bơngai nai lăng bơ̆n bơtho tơdrong 'noh nhen tơdrong kơtul đĕch.

I Kor 2:2

Kơplah noh sơ̆ inh bơtho iĕm gah tơdrong Yêsu đĕch păng gah tơdrong Sư lôch tơ 'long pơglang, ưh kơ đei tơdrong nai ôh.

I Kor 9:24

Iĕm kư̆m băt mơ̆n tơdrong lu bơngai pơđuơ kơdâu pơjei băl, đei lơ bơngai kơdâu ră mă-lei tơdrong apah lăp minh 'nu đĕch. Na bơ̆n kư̆m adrin tôch bơneh thoi lĕ lu bơngai pơđuơ kơdâu wă kơ bơ̆n đei tơdrong apah đơ̆ng 'Bok Kei-Dei.

I Kor 9:26

Thoi noh na inh adrin kơdâu tơng-lơ̆ ưh kơ đei weh-woh tơ̆p truh tơ anih đêl đe pơkă 'mơ̆i. Păng inh ưh kơ sĭ thoi lu bơngai mă chok ưh kơ 'bơm ôh.

II Kor 12:1

Inh dang wă roi pơang kơ iĕm dơ̆ng, tơdrong ưh kơ yua ră, mă-lei inh dang wă roi pơang kơ iĕm tơdrong Kră Yang tơ'bôh kơ minh 'nu bơngai.

Galati 1:12

Kon bơngai ưh kơ đei bơtho inh tơdrong noh, pôm Yêsu Krist đĕch tơbăt kơ inh tơdrong 'nao 'lơ̆ng Sư.

Galati 1:16

Truh Sư wă tơ'bôh ăn kơ inh Yêsu Kon Sư, wă kơ inh năm bơtho tơdrong 'nao 'lơ̆ng Kon Sư kơ lu bơngai nai mă ưh kơ trŏ bơngai Juđê, kơplah noh inh ưh kơ đei năm pơhrăm đơ̆ng lu bơngai kiơ̆ Yêsu ôh.

Galati 1:6

Inh sơleng kơ đon yua kơ kiơ iĕm lui kơ nơ̆r đe pơlung wă achăng lê̆ nơ̆r 'Bok Kei-Dei 'bônh đĕch. 'Bok Kei-Dei krao bơ̆n wă kơ bơ̆n jing kon Sư, yua kơ Yêsu Krist lôch tang bơ̆n. Mă-lei dang ei iĕm wă kiơ̆ tơdrong 'nao 'lơ̆ng nai dơ̆ng.

Galati 2:6

Lu bơngai đe pôk pơm tih pơgơ̆r bơngai lui, inh băt mơ̆n lu sư oei hơdai Yêsu sơ̆, mă-lei 'Bok Kei-Dei pơgơ̆p jơhngơ̆m đon lu nhôn lei-lăi đĕch, lu sư ưh kơ đei wă ming tơplih tơdrong inh bơtho ôh.

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

Galati 5:7

Sơ̆ iĕm lui kơ Yêsu Krist kơjăp tơpă, na liơ iĕm lui kơ đe pơhlŭ pơlung iĕm dang ei dơ̆ng?

Philip 2:16

Iĕm tơ'bôh kơ lu sư tơdrong 'Bok Kei-Dei ăn kơ kon bơngai arih, thoi noh na lăp truh năr Yêsu Krist jur ning-mônh jơhngơ̆m inh hiôk dêh, yua kơ tơdrong jang inh đei yua; ưh kơ sĭ jang tŭk đĕch ôh.

Philip 2:29

Thoi noh na iĕm sơng iŏk sư bĕ păng iĕm athei bơnê kơ sư yua kơ sư jang tơgŭm inh. Iĕm băt boih tơdrong bơ̆n lui kơ Yêsu Krist athei sơng iŏk dih băl mă 'lơ̆ng.

I Tes 3:5

Yua kơ iĕm đei tơdrong đe areh kơ iĕm tơpă, na inh pă kĕ ĕnh, na wơh Timôthê năm tơ iĕm ki, wă kơ sư jet iĕm, wă kơ băt iĕm oei lui kơjăp kơ Kră Yang Yêsu dah ưh. Inh hli dêh kơ yang Satan pơhlŭ iĕm achăng lê̆ tơdrong lui bơ̆n. Yua kơ đêl nhôn mah bơtho gleh tơpă tă ưh kơ yua kiơ, inh 'mêm dêh.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.