Galati 1:8 - Sơ̆p Hlabơar Nơ̆r 'Bok Kei-Dei

⁸ Sơ̆ nhôn bơtho ăn kơ iĕm tơdrong 'nao 'lơ̆ng trŏ tơpă, na dang ei mă bu bu, tơdah nhôn kơdih, dah linh jang 'lơ̆ng đơ̆ng plĕnh ti, bơtho ăn kơ iĕm tơdrong phara pơm wă pơhloh kơ nhôn bơtho iĕm sơ̆, ning-mônh 'Bok Kei-Dei gô phak sư tơpă.

Galati 1:8 Iomraidhean Croise

Bl 9:25

Na khan: “Kanaan trŏ tơpă pŭ hơngiap! Sư gô pơm đĭch đam kơ lu 'nhŏng oh sư.”

I Pot 13:18

Bơngai khan lê̆ adrol kră 'noh tơl sư khan: “Inh kư̆m dai bơngai khan lê̆ adrol lei-lăi thoi ih. Đei minh 'nu linh jang 'lơ̆ng Kră Yang khan kơ inh: ‘Ih athei chông ba sư brŏk tơ hnam ih sŏng sa, nhă đak.’ ” Mă-lei bơngai khan lê̆ adrol kră hơlĕnh kơ sư.

Ne 13:25

Inh chrih khă, hiap pơtê̆ lu sư păng teh minh 'bar 'nu lăm lu sư, hrŭi sŏk lu sư, inh athei lu sư pơkă pơkăm hăm Kră Yang 'Bok Kei-Dei thoi âu: 'Nĕ ăn kon drŏ-kăn iĕm oei kơ kon drŏ-nglo lu sư, dah 'nĕ kơ rôp ăn kon drŏ-kăn lu sư kơ kon drŏ-nglo lu iĕm, dah wă iŏk oei kơ iĕm kơdih.

Je 23:16

Kră Yang Tih Hloh khan: “'Nĕ pă mơ̆ng lu bơngai khan lê̆ adrol noh roi kơ iĕm. Lu sư roi ăn kơ iĕm tơdrong hơmĕng ưh kơ đei, lu sư khan lê̆ adrol kiơ̆ thoi lu sư chă đon kơdih, ưh kơ trŏ kơ đơ̆ng nơ̆r Kră Yang bơtho khan ôh.

Je 23:36

Mă-lei lu iĕm 'nĕ pă pơma 'bơm kơ tơdrong trăp đơ̆ng Kră Yang dơ̆ng, yua kơ tơdrong pŭ trăp noh boih nơ̆r đơ̆ng 'bơ̆r rim 'nu pơma, păng lu iĕm đei pơm glăi boih kơ dôm nơ̆r Kră Yang 'Bok Kei-Dei mă arih ling-lang, Kră Yang Tih Hloh, 'Bok Kei-Dei lu bơ̆n.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Markôs 14:71

Na Pêtrôs sơngah hiap akâu sư kơdih khan: “Inh ưh kơ băt tơpă bơngai mă iĕm khan noh.”

Jang 23:14

Na lu sư năm tơ 'bok soi tih păng lu kră sek tơlang hăm khan thoi âu: “Tơdah nhôn sŏng sa tam mă pơlôch Pôl, lu nhôn lôch kơ 'Bok Kei-Dei pơrăm.

Rom 16:17

Ơ 'nhŏng oh, iĕm athei kơchăng hli kơ iĕm lui jrok kiơ̆ lu bơngai lui ưh kơ tat, hli kơ iĕm achăng lê̆ tơdrong lui tơpăt mă đe juăt kơ bơtho; na iĕm athei weh 'biơ̆ đơ̆ng lu sư. Lu sư wă pơrăm lu bơngai lui bơ̆n, chă pơjah pơjăng păng bơ̆n.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

I Kor 12:3

Na inh wă roi ăn kơ iĕm dang ei thoi âu: Bơngai bu gơnang kơ Yang Bơhngol 'Lơ̆ng tơgŭm ăn kơ Sư pơma, bơngai 'noh sư ưh kơ đei layơ wă pơjăm pơjuă Yêsu ôh. Păng dôm lu bơngai mă krao Yêsu Kră Yang sư, sư pơma thoi noh yua kơ Yang Bơhngol 'Lơ̆ng bơtho sư pơma thoi noh. Bơngai bu ưh kơ đei Yang Bơhngol 'Lơ̆ng, bơngai 'noh sư ưh kơ đei layơ pơma thoi noh ôh.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

Galati 1:9

Inh wă khan kơ iĕm dơ̆ng, kư̆m thoi nhôn khan boih kơ iĕm: Bơngai bu bơtho ăn kơ iĕm tơdrong phara pơm wă pơhloh kơ nhôn bơtho iĕm sơ̆ na jing ưh kơ trŏ thoi iĕm lui sơ̆, 'Bok Kei-Dei gô phak tơpă bơngai 'noh ning-mônh.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Tit 3:10

Bơngai lui bu mă bơtho tơdrong 'Bok Kei-Dei sư bơtho chroih tơ nai, sư wă kơ đe kiơ̆ gah tơdrong sư đĕch, ih athei khă sư truh 'bar 'măng hŏ. Na ih khă dơ̆ng truh pêng 'măng boih, sư tam mă chu kơ ih, ih pơih sư 'nĕ pă ăn sư bơtho dơ̆ng.

Jôsuê 9:23

Dang ei đe hiap pơtê̆ boih, đĭ-đăng lu iĕm gô pơm đĭch, mơ'nah lu iĕm chă kăl 'long ŭnh, tung đak, lăm hnam 'Bok Kei-Dei inh.

II Pet 2:14

Măt lu sư nŏng kơ chă lăng 'maih pơm tơdrong kư̆ kă. Tơdrong lu sư pơm kư̆ kă ưh kơ yĕng kơ hrăp, nŏng kơ chă pơlung lu bơngai lui rơdu kiơ̆ lu sư pơm yoch păng pơhlŭ pơlung đe, wă kơ đe ăn kơ sư jên dah tơmam. Lu sư ling-lang pơhrăm tơdrong 'noh; lu sư jing bơngai 'Bok Kei-Dei wă phak.

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.