Galati 1:4 - Sơ̆p Hlabơar Nơ̆r 'Bok Kei-Dei

⁴ Kră Yang bơ̆n Yêsu Krist ăn akâu Sư kơdih wă lôch tang bơ̆n pơklaih bơ̆n đơ̆ng tơdrong yoch. Sư lôch tang bơ̆n wă iŏk bơ̆n đơ̆ng lu bơngai kơnê̆ ahrei âu. Sư pơm thoi noh wă kơ trŏ thoi 'Bă tơm bơ̆n 'Bok Kei-Dei wă.

Galati 1:4 Iomraidhean Croise

Horiso 40:8

Ơ Kră Yang 'Bok Kei-Dei, inh hiôk tơpă pơm kiơ̆ nơ̆r Ih. Khôi juăt Ih oei tơ lăm jơhngơ̆m inh.

Êsai 65:17

Âu Inh gô pơjing plĕnh 'nao teh 'nao; Dôm tơdrong adrol sơ̆ ưh pă đei 'blŏk dơ̆ng bơih, kư̆m ưh pă đei bu tơchĕng dơ̆ng bơih lăm kơ̆l 'ngok.

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Mathiơ 26:28

đak hơmu âu boih pham Inh wă lĕch tang ăn lơ bơngai, na 'Bok Kei-Dei pơklaih tơdrong yoch.

Mathiơ 26:42

Yêsu năm krao khan mă 'bar Sư khan thoi âu: “Ơ 'Bă, dah Ih wă kơ Inh chu iŏk tơdrong gleh âu tơpă, kư̆m bưh, gô mơ̆ng kơ Ih wă.”

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Markôs 10:45

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Luka 22:42

Sư khan: “Ơ 'Bă, dah gơh, lei ăn kơ Inh gơh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Yo 10:11

“Inh bơngai wei triu 'lơ̆ng tơpăt. Inh chu lôch yua kơ triu Inh.

Yo 12:31

Dang ei 'Bă Inh wă sek tơlang tơ ala teh âu, Sư pơpuh yang Satan mă pơgơ̆r teh âu.

Yo 5:30

“Inh ưh kơ pơm kiơ̆ thoi Inh wă ôh. Inh kơtơ̆ng 'Bă Inh pơma kơ Inh thoi yơ, Inh sek tơlang kiơ̆ thoi Sư pơma 'noh mơ̆n. Tơdrong Inh sek tơlang Inh sek tơlang mă tơpăt kiơ̆ thoi Sư, kơlih kơ Inh ưh kơ wă kiơ̆ thoi Inh kơdih, Inh athei pơm trŏ thoi 'Bă Inh mă wơh Inh wă.

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Rom 4:25

Yêsu lôch tang yua kơ tơdrong yoch bơ̆n, 'Bok Kei-Dei tơiung arih Sư, wă ăn kơ bơ̆n jing 'lơ̆ng tơpăt hăm Sư.

Rom 8:27

'Bok Kei-Dei Sư băt lăm jơhngơ̆m klơm klak bơ̆n tơchĕng thoi yơ, Sư băt kơ Yang Bơhngol 'Lơ̆ng tơgŭm bơ̆n krao khan thoi noh, yua kơ Yang Bơhngol 'Lơ̆ng tơgŭm lu bơngai lui krao khan kiơ̆ thoi 'Bok Kei-Dei wă.

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

I Kor 15:3

Inh bơtho kơ iĕm sơ̆ tơdrong mă kăl dêh đêl Kră Yang Yêsu Krist ăn kơ inh, khan 'Bok Krist lôch yua kơ tơdrong yoch bơ̆n 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

Galati 6:14

Gah inh ưh kơ đei pơang akâu inh kơdih ôh, inh wă pơang đe gah 'long pơglang Yêsu đĕch. Yua kơ Kră Yang Yêsu Krist lôch tang inh tơ 'long pơglang tơpă na inh lê̆ đĭ-đăng tơdrong ala teh âu, dang lĕ inh pơ̆ng lê̆ dôm tơdrong ala teh âu tơ 'long pơglang, kư̆m dang inh lôch tơ 'long pơglang ưh pă kiơ̆ dôm tơdrong ala teh âu.

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

Êphêsô 5:16

Bơ̆n athei adrin pơm 'lơ̆ng hăm adrin ră roi kơ đe tơdrong Yêsu Krist yua kơ dang ei đei lơ bơngai kơnê̆ tơpă.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Philip 4:20

Ư-ang 'Bă tơm bơ̆n 'Bok Kei-Dei ling-lang ưh kơ layơ tôch. A-men.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

I Tes 3:11

Nhôn krao khan kơ 'Bă tơm bơ̆n 'Bok Kei-Dei hăm Kră Yang Yêsu apinh Sư pơchoh kơ nhôn trong gơh năm tơ iĕm.

I Tes 3:13

Thoi noh boih na jơhngơ̆m iĕm jing pran kơtang, na lăp Kră Yang bơ̆n Yêsu Krist jur đơ̆ng plĕnh hơdai păng lu bơngai lui kơ Sư ning-mônh, na 'Bă tơm bơ̆n 'Bok Kei-Dei 'bôh iĕm bơngai 'lơ̆ng tơpăt huay kơ đei tơdrong yoch.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

I Tim 2:6

Sư ăn akâu Sư kơdih lôch tang wă huai iŏk đĭ-đăng kon bơngai. Truh boih sơnăm 'Bok Kei-Dei pơkă Kon Sư lôch ei sơ̆, sơnăm 'noh boih Yêsu lôch tang huai iŏk kon bơngai, wă kon bơngai băt kơ 'Bok Kei-Dei pơklaih đĭ-đăng bơngai đơ̆ng yoch.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 2:5

Mă-lei gah tơdrong pơgơ̆r plĕnh păng teh ning-mônh, Sư ưh kơ ăn kơ lu linh jang pơgơ̆r ôh.

Hêbrơ 6:5

sư băt kơ tơdrong 'Bok Kei-Dei 'lơ̆ng tơpă boih, sư 'bôh nhên boih tơdrong mơsêh Yêsu kư̆m lei-lăi thoi Sư wă pơgơ̆r ning-mônh,

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

I Yo 3:16

Bơ̆n băt boih Kră Yang Yêsu Krist 'mêm mơnat kơ bơ̆n tơpă yua kơ Sư ăn akâu Sư kơdih lôch yua kơ bơ̆n. Thoi noh bơ̆n athei ăn akâu bơ̆n kơdih lôch yua kơ 'nhŏng oh bơ̆n mơ̆n.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.