Galati 1:16 - Sơ̆p Hlabơar Nơ̆r 'Bok Kei-Dei

¹⁶ Truh Sư wă tơ'bôh ăn kơ inh Yêsu Kon Sư, wă kơ inh năm bơtho tơdrong 'nao 'lơ̆ng Kon Sư kơ lu bơngai nai mă ưh kơ trŏ bơngai Juđê, kơplah noh inh ưh kơ đei năm pơhrăm đơ̆ng lu bơngai kiơ̆ Yêsu ôh.

Galati 1:16 Iomraidhean Croise

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Mathiơ 26:41

Inh wă kơ iĕm kral ngôi hơpong kơ Inh păng wă kơ iĕm krao khan kơdih wă kơ iĕm huay kơ lui kơ yang Satan pơhlŭ. Inh băt kơ jơhngơ̆m đon iĕm wă ră, mă-lei akâu iĕm ưh kơ kĕ.”

Jang 22:21

Na Kră Yang Yêsu khan kơ inh: ‘Năm bĕ. Inh wơh ih năm bơtho lu đe pơlei ataih, lu bơngai tơmoi ưh kơ sĭ bơngai Juđê.’ ”

Jang 5:42

Rim năr sư oei bơtho Tơdrong 'Nao 'Lơ̆ng Yêsu Krist phŏ phŏ kơnh tơ hnam akŭm 'Bok Kei-Dei tơm, phŏ phŏ kơnh tơ hnam kơdih.

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Jang 9:20

Sư kư̆m bơtho hloi tơdrong Yêsu tơ hnam akŭm đe Juđê. Sư khan Yêsu Kon 'Bok Kei-Dei tơpă.

Rom 1:5

Na Kră Yang Yêsu Krist mơnat kơ inh, ăn kơ inh pơm jơ̆ng 'bang Sư, wă kơ inh năm bơtho kơ đĭ-đăng khŭl bơngai jơ̆p kơ teh đak, wă kơ đĭ-đăng bơngai lui kơ Sư păng ư-ang kơ Sư ling-lang.

Rom 11:13

Na dang ei inh wă pơma kơ lu iĕm bơngai nai. 'Bok Kei-Dei ăn kơ inh pơm jơ̆ng 'bang Yêsu, wă kơ inh bơtho iĕm mă ưh kơ khŭl Isơrael. Yua kơ thoi noh na inh adrin tơpă kơ tơdrong jang inh

I Kor 15:50

Ơ 'nhŏng oh, inh khan kơ iĕm tơpă, sĕch akar kon bơngai bơ̆n ưh kơ gơh oei tơ dêh char 'Bok Kei-Dei ôh, yua kơ sĕch akar bơ̆n juăt kơ ôm hach. Tơ dêh char Sư ưh kơ đei kiơ jing ôm hach.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Galati 2:1

Đơ̆ng rŏng kơ noh mơjĭt-puăn sơnăm nhi 'Barna'ba wih dơ̆ng tơ Pơlei Jêrusalem anhăk ba Tĭt kiơ̆ nhi.

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Both 33:9

Lêwi pơma khan: Inh ưh kơ lah 'bôh mĕ 'bă inh; Inh ưh kơnăl kơ 'nhŏng oh inh păng inh ưh kơ băt kon hơ'lơ̆p inh Yua kơ sư chu kiơ̆ nơ̆r Kră Yang. Kral kơchăng wei răk tơdrong pơgơ̆p Kră Yang.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

I Tim 2:7

Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.

II Tim 1:11

'Bok Kei-Dei rơih inh pơm jơ̆ng 'bang Sư wă bơtho tơdrong 'nao 'lơ̆ng 'noh.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.