Esơra 9:9 - Sơ̆p Hlabơar Nơ̆r 'Bok Kei-Dei

⁹ Yua kơ lu nhôn tơm hmơm sơ̆ jĭ bơngai pơm đĭch; mă-lei Kră Yang 'Bok Kei-Dei nhôn ưh kơ đei achăng lê̆ lu nhôn kơplah oei pơm đĭch sơ̆, Sư ăn kơ nhôn tơdrong Sư 'mêm sĭt 'bơ̆t anăp pơtao Phersia, wă ăn kơ lu nhôn arih 'biơ̆ wă kơ gơh pơm hnam akŭm Kră Yang 'Bok Kei-Dei lu nhôn păng wă kơ wih pơm ming đêl pơchah răm, kư̆m ăn kơ lu nhôn minh anih oei kơjăp lăm dêh Juđa păng pơlei Jêrusalem.

Esơra 9:9 Iomraidhean Croise

Esơra 2:68

Đei lu kră kơdră lăm adrĕch adrung kơplah lu sư năm truh boih tơ hnam akŭm Kră Yang tơ pơlei Jêrusalem, na pơyơ̆r tơmam lu sư đei păng lăp đon lăm hnam Kră Yang 'Bok Kei-Dei, wă pơdơ̆ng pơm ming 'bơ̆t anih so.

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Esơra 7:8

Khei pơđăm sơnăm mă tơpơh chăl pơtao Artaserses, Esơra truh tơ pơlei Jêrusalem.

Esơra 9:10

Dang ei, ơ Kră Yang 'Bok Kei-Dei lu nhôn! Nhôn wă gơh pơma kiơ dơ̆ng yua kơ tơdrong truh boih? Yua kơ lu nhôn đei sơngah boih kơ nơ̆r Ih tơtă.

Ne 2:17

Na inh khan kơ lu sư thoi âu: “Lu iĕm athei lăng tơdrong anat anot kơ lu bơ̆n dang ei; pơlei Jêrusalem đe phă pơrăm păng lu 'măng jang ŭnh kư̆m sa đĭ boih. Bĕ lu bơ̆n pơdơ̆ng man ming dur pơlei Jêrusalem dơ̆ng, wă kơ lu bơ̆n huay pă kơ mơlâu kơ đe.”

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Horiso 109:12

Thŭ pă đei bu mơnat kơ lu sư, ưh pă đei bu mơnat kơ kon mơti sư.

Horiso 138:7

Mă inh oei lăm pơmat-tat, Ih wei tơdrong arih inh, Ih yơ̆r ti tơblah plơ̆ kơ tơdrong mă lu ayăt hil kơ inh, ti 'ma Ih dŏng pơklaih inh.

Êsai 14:3

Truh năr Kră Yang ăn kơ iĕm pơdơh pơklaih iĕm đơ̆ng tơdrong ơh sơ'ngon hli tơrơ păng đơ̆ng tơdrong jang gleh trăp mă đêl đe rôp pơgŏ iĕm,

Êsai 5:2

Sư choh teh preh dônh lê̆ tơmo đĭ, sư pơtăm rơih iŏk tơm hơmu bluh 'lơ̆ng, sư pơdơ̆ng minh pôm hnam thôt tŏk-bŏk pơgar păng sir minh pôm sơlŭng wă hmĕt iŏk đak hơmu sư. Sư hơmĕng hơmu sư đei plei 'lơ̆ng mă-lei tă kơ plei đĭ wir.

Êsai 5:5

'Nâu, Inh roi kơ lu iĕm. Tơdrong Inh wă pơm kơ pơgar hơmu Inh. Inh gô yuih lê̆ dur war, na đe gô phĕ sa plei sư đĭ, Inh gô tơlơ̆ lê̆ dur noh na đe gô pơjuă pơrăm sư.

Êsai 61:4

Lu sư gô pơdơ̆ng ming đêl lu anih pơchah răm sơ̆. Tơiung dơ̆ng lu anih đĭ juơ so sơ̆. Lu sư gô hơmet tơiung lu pơlei mă pơchah răm, lu anih mă đĭ jing bri juơ đunh jơhnơr bơih.

Êsêkiên 11:16

Thoi noh, khan bĕ kơ lu sư: ‘'Nâu Kră Yang Tih Hloh khan: Mă Inh đei ăn kơ lu sư năm tơ lu dêh char nai, tơklah tơklang tơ jơ̆p lăm lu teh đak, mă-lei Inh oei 'măn anih 'lơ̆ng rơgoh kơ lu sư tơ lăm lu char mă lu sư oei ưh kơ đunh tŏ noh.’

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Hagai 1:9

‘Lu iĕm pơtăm lơ mă-lei đei iŏk tŏ sĕt lu iĕm chĕp ba tơ hnam, na Inh dơhlu tŏk tơ kơpal.’ Kră Yang Tih Hloh khan: ‘Noh yua kơ kiơ? Noh yua kơ đơ̆ng hnam Inh jing juơ rơhiăng na lu iĕm băt kơ pơm hnam iĕm kơdih.

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”