Esơra 9:5 - Sơ̆p Hlabơar Nơ̆r 'Bok Kei-Dei

⁵ Truh tơ jơ pơyơ̆r tơmam soi kơsơ̆, inh iung đơ̆ng anih jơhngơ̆m mơlâu ơh sơ'ngon; ao lăm păng ao đaih inh hek hiah đĭ; inh hơtơ̆p kŭl-tăng, inh yơ̆r ti gah Kră Yang 'Bok Kei-Dei inh,

Esơra 9:5 Iomraidhean Croise

I Pot 8:22

Đang kơ noh pơtao Sôlômôn dơ̆ng 'bơ̆t anăp chơnang soi Kră Yang 'bơ̆t anăp đĭ-đăng kon pơlei Isơrael. Sư yơ̆r ti tơ kơpal:

I Pot 8:38

Mưh đei minh 'nu dah đĭ-đăng lu bơngai Isơrael, lu sư băt kơ tơdrong lu sư pơm ưh kơ trŏ, lu sư yơ̆r ti tơklă hnam âu, lu sư krao khan hơdrĭ tơdrong kiơ,

I Pot 8:54

Lăp pơtao Sôlômôn krao khan kơ Kră Yang đang bơih; sư iung dơ̆ng tơ anăp chơnang soi Kră Yang, 'bơ̆t anih sư pơtăm kŭl-tăng sư iung yơ̆r ti tơ kơpal plĕnh.

II Ho 6:13

Sư pơm boih minh pôm hơdrơ̆l hăm kong, tor sư pơđăm hơgăt, wơ̆l pơđăm hơgăt, kơjung pêng hơgăt, dan 'bơ̆t tŏk-bŏk cham; sư dơ̆ng tơ noh sơtơ̆p kŭl-tăng 'bơ̆t anăp lu bơngai Isơrael akŭm, yơ̆r ti tơ plĕnh.

Ne 1:4

Kơplah inh kơtơ̆ng dôm nơ̆r noh, inh hơ-oei na nhơ̆m grong lăm hơdôm năr; inh ơ̆t kơ sŏng sa păng krao khan kơ Kră Yang 'Bok Kei-Dei hơtăl plĕnh thoi âu:

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Horiso 143:6

Inh yơ̆r ti inh gah Ih; Jơhngơ̆m inh rơhing kơ Ih thoi teh hrĕng kro. Sêla

Horiso 95:6

Năm bĕ, kŭp kơ̆l kơkuh kơ Sư. Hơtơ̆p kŭl-tăng drap kơkuh bĕ 'bơ̆t anăp Kră Yang, Tơ'ngla pơjing lu bơ̆n

Le 9:29

Môis tơl khan kơ sư: Lăp mưh inh lĕch hlôi tơ 'nguaih kơ pơlei, inh gô yơ̆r ti tơ Kră Yang; grơ̆m glaih gô pơdơh, 'mi prĕl gô pă đei dơ̆ng, wă kơ ih băt kơ plĕnh teh đơ̆ng Kră Yang.

Le 9:33

Môis lĕch đơ̆ng Pharaôn, năm tơ 'nguaih pơlei; sư yơ̆r ti tơ Kră Yang, grơ̆m glaih păng 'mi prĕl pơdơh na đak 'mi kư̆m prăng hloi ưh pă kơtoh tơ teh dơ̆ng boih.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Da 10:2

Lăm lu năr noh, inh Đaniel, oei sơ'ngon lăm pêng 'măng giĕng.

Luka 22:41

Đơ̆ng noh na Yêsu năm ataih ataih 'biơ̆ kơ lu đe noh na Sư sơtơ̆p kŭl-tăng krao khan kơ 'Bă Sư 'Bok Kei-Dei.

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Êphêsô 3:14

Yua kơ thoi noh na inh sơtơ̆p kŭl-tăng krao khan kơ 'Bă tơm bơ̆n 'Bok Kei-Dei,