Esơra 9:3 - Sơ̆p Hlabơar Nơ̆r 'Bok Kei-Dei

³ Kơtơ̆ng lu nơ̆r noh, na inh hek ao lăm păng ao 'nguaih inh, buch sŏk kơ̆l păng sŏk kang, na hơ-oei ơh sơ'ngon.

Esơra 9:3 Iomraidhean Croise

II Sam 1:11

Đawit hek hloi ao sư, đĭ-đăng lu bơngai kiơ̆ sư kư̆m pơm thoi noh.

II Pot 18:37

Êliakim, kon drŏ-nglo Hilkia, bơngai wei hnam pơtao. Sepna, bơngai chih răk hla bơar păng Jôa, kon drŏ-nglo Asap bơngai chih răk đei tơdrong truh wih brŏk tơ Hesekia hek lê̆ hơbĕn ao lu sư hiah đĭ, na roi kơ Hesekia dôm nơ̆r đêl Rapsaka pơma noh.

Ne 1:4

Kơplah inh kơtơ̆ng dôm nơ̆r noh, inh hơ-oei na nhơ̆m grong lăm hơdôm năr; inh ơ̆t kơ sŏng sa păng krao khan kơ Kră Yang 'Bok Kei-Dei hơtăl plĕnh thoi âu:

Ne 13:25

Inh chrih khă, hiap pơtê̆ lu sư păng teh minh 'bar 'nu lăm lu sư, hrŭi sŏk lu sư, inh athei lu sư pơkă pơkăm hăm Kră Yang 'Bok Kei-Dei thoi âu: 'Nĕ ăn kon drŏ-kăn iĕm oei kơ kon drŏ-nglo lu sư, dah 'nĕ kơ rôp ăn kon drŏ-kăn lu sư kơ kon drŏ-nglo lu iĕm, dah wă iŏk oei kơ iĕm kơdih.

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.

Horiso 119:53

Inh blĕk tơtŏ 'bĕnh kơ jơhngơ̆m inh. 'Bôh lu bơngai pơm kơnê̆ achăng lê̆ khôi juăt Ih,

Horiso 143:4

Thoi noh bơhngol inh rơdu tơpă, jơhngơ̆m inh rŭng răng dêh.

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Je 36:24

Pơtao păng lu 'bok pơgơ̆r kơtơ̆ng dôm nơ̆r noh, mă-lei ưh kơ hli ưh kơ hek ao lu sư kơdih.

Je 7:29

Hơkôih bĕ sŏk kơ̆l lu iĕm păng klơ̆m lê̆ mă ataih; ôr nhơ̆m hmoi bĕ tơ kơpal groi, yua kơ Kră Yang sơngah hŭt lê̆ boih adrĕch adrung mă Sư hil mĭl 'nâu.’ ”

Êsêkiên 3:15

Inh năm truh tơ anih lu bơngai đe pơpuh oei tơ pơlei Têlabip, jê̆ tơ đak krong Kêbar inh dơ̆ng lăm anih lu sư oei păng inh oei hơdai lu sư tơpơh năr hăm jơhngơ̆m sơ'ngon hơwơ̆l hơwang.

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Da 8:27

Đơ̆ng noh, inh, Đaniel lap dêh na jĭ jăn lăm akâu jing bơlŏ lăm dôm năr hloi; đơ̆ng noh inh iung bơ̆jang kơ pơtao. Inh 'bôh thoi noh hlĭch tơpă gah tơdrong mă đei tơ'bôh kơ inh noh, mă-lei ưh kơ đei bu băt tơdrong noh wă khan kiơ.

Lêwi 21:5

Lu 'bok soi ưh kơ gơh hơkôih sŏk kơ̆l pơm kơ sư jing kơ̆l 'ngôch, 'nĕ kơ hơkôih sŏk kang sư kơdih kư̆m 'nĕ kơ 'bet akâu sư kơdih mơ̆n.

Mi 1:16

Inh athei hơkôih lê̆ sŏk ih yuă jing 'ngôch kơ kon sâu mă ih kơeng; hơkôih bĕ kơ̆l 'ngôch thoi sem grơ̆, yua kơ lu kon hơ'lơ̆p gô tơklah đơ̆ng ih lu sư gô pơm bơnă.

Jôsuê 7:6

Jôsuê hek ao sư kơdih, sư păng lu kră pơlei Isơrael, drap tơ teh kŭp kơ̆l 'bơ̆t anăp Hom Kră Yang truh tơ kơsơ̆ măng păng chup 'mui teh klă 'bĕnh kơ kơ̆l lu sư kơdih.