Esơra 9:1 - Sơ̆p Hlabơar Nơ̆r 'Bok Kei-Dei

¹ Đơ̆ng rŏng kơ tơdrong noh, lu 'bok kuan tih năm jê̆ pơma hăm inh thoi âu: Kon pơlei Isơrael, lu 'bok soi păng bơngai Lêwi hai, ưh kơ đei tơklah đơ̆ng adrĕch păng lăm tơring âu, lu sư pơm rok lu kon pơlei Kanaan, kon pơlei Hêtit, kon pơlei Phêrêsit, kon pơlei Jêbus, kon pơlei Ammôn, kon pơlei Môap, kon pơlei Êyiptơ păng kon pơlei Amôrit.

Esơra 9:1 Iomraidhean Croise

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

I Pot 11:1

'Nguaih kơ kon hơdruh Pharaôn, pơtao Sôlômôn hưch kơ lơ adruh bơngai tơmoi nai. Noh lu drŏ-kăn bơngai Môap, Ammôn, Eđôm, Siđôn păng Hêlit.

II Ho 33:2

Sư pơm tơdrong kơnê̆ 'bơ̆t anăp Kră Yang kiơ̆ lu tơdrong kơnê̆ krưp dêh lu kon pơlei pơla mă Kră Yang puh tơweh boih đơ̆ng anăp lu bơngai Isơrael.

II Ho 8:7

Đĭ-đăng bơngai mă oei arih răi lăm lu kon pơlei Hêtit, Amôrit, Pêrisit, Hêwit păng Jêbus, ưh kơ trŏ kơ adrĕch Isơrael,

Esơra 10:2

Sêkania kon drŏ-nglo Jêhiêl, lu kon sâu Êlam sư khan kơ Esơra thoi âu; lu nhôn đei pơm yoch hăm Kră Yang 'Bok Kei-Dei lu bơ̆n na iŏk oei boih kơ lu kon drŏ-kăn bơngai tơmoi adrĕch adrung lăm dêh 'nâu; mă khan lu nhôn đei pơm thoi noh ră, kư̆m oei đei tơdrong hơmĕng mă wă ăn kơ đe Isơrael.

Esơra 10:8

Lăm pêng năr, bơngai bu ưh kơ năm kiơ̆ thoi 'bok kuan tih păng đe kră tơtă, na mŭk tơmam sư noh đe gô pơdrâu iŏk pơđĭ, bơngai noh đe gô puh tơweh, kiơ̆ thoi lu kră păng lu bơngai pơgơ̆r ưh kơ ăn kơ sư akŭm hơdai kon pơlei mă 'nao brŏk dơ̆ng đơ̆ng pơm bơnă.

Ne 13:23

Kŭm lăm chăl noh, inh 'bôh lu bơngai Juđa iŏk akăn bơngai Asdôt, Ammôn păng Môap;

Ne 4:3

Tôbia, bơngai Ammôn, oei dơ̆ng 'bơ̆t cheng sư khan: Dur mă lu sư man păng tơmo thoi noh tơdah đei mơja tŏk hao kư̆m păk pơchah đĭ.

Ne 4:7

Mă-lei tơdah Sanbalat, Tôbia lu bơngai Arâp, kon pơlei Ammôn păng kon pơlei Asdôt băt kơ tơdrong jang pơm hơmet ming dur pơlei Jêrusalem rai tŏk 'net 'net, lu bơlôh pơchah man hơmet ming 'lơ̆ng na lu sư blĕk păng hil dêh.

Ne 9:2

Adrĕch Isơrael tơklah đơ̆ng lu bơngai tơmoi, iung tơbral tơdrong yoch kơdih păng tơdrong kơnê̆ đơ̆ng 'bok lu sư.

Horiso 106:35

Mă-lei oei hơbĭ hơdai hăm kon pơlei noh. Pơhrăm pơm kiơ̆ tơdrong juăt lu đe noh.

Le 13:5

Mưh layơ Kră Yang ba lu iĕm tơ dêh kon pơlei Kanaan, kon pơlei Hêtit, kon pơlei Amôrit, kon pơlei Hêwit păng kon pơlei Jêbus boih, dêh teh mơ̆r 'lơ̆ng thoi đak sut đak toh păng dêh Kră Yang mă pơkă hăm lu 'bok iĕm, na truh lăm khei 'nâu ih athei wei răk tơdrong giĕng 'nâu.

Le 23:23

Linh jang Inh gô năm adrol adrol kơ iĕm, chông ba iĕm mơ̆t tơ char lu bơngai Amôrit, bơngai Hêtit, bơngai Pêrisit, bơngai Kanaan, bơngai Hêwit păng bơngai Jêbus, na inh gô pơrăm lu sư.

Le 33:16

Lei liơ đe gơh băt kơnăl kơ inh hăm lu kon pơlei pơla Ih? Đei tơdrong mơnat 'bơ̆t anăp Ih, Dah Ih ưh kơ năm hơdai hăm nhôn? Mưh Ih năm hơdai inh hăm kon pơlei pơla Ih âu phara kơ kon pơlei pơla nai oei lăm teh đak âu?

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Je 26:10

Lu kră pơgơ̆r dêh Juđa kơtơ̆ng tơdrong noh, lĕch đơ̆ng hnam pơtao năm tơ hnam Kră Yang păng hơ-oei sek tơlang 'bơ̆t 'Măng Jang 'Nao hnam Kră Yang.

Je 26:16

Lu kră pơgơ̆r păng đĭ kon pơlei pơla khan hloi kơ 'bok soi hăm 'bok khan lê̆ adrol: “Ưh kơ gơh pơlôch bơngai âu, yua kơ sư yua anăn Kră Yang, 'Bok Kei-Dei bơ̆n roi tơbăt kơ bơ̆n.”

Lêwi 18:3

Lu iĕm 'nĕ kơ pơm rok ôh tơdrong lu sư pơm tơ lăm char Êyiptơ, char mă đêl lu iĕm oei, dah tơ char Kanaan, đơ̆ng char noh mă Inh chông ba lu iĕm. Lu iĕm kư̆m 'nĕ kơ yak kiơ̆ tơdrong juăt lu sư ôh.

Malachi 2:11

Lu bơngai Juđa oei sa ưh kơ tơpăt hơlĕnh pơdăr păng đei pơm minh tơdrong yoch kơnê̆ tih krưp tơpă lăm lu bơngai Isơrael păng lăm pơlei Jêrusalem; Juđa đei pơm boih tơdrong 'mê̆-'mach kơ tơdrong 'lơ̆ng rơgoh Kră Yang, yua kơ lu sư iŏk oei kơ drŏ-kăn yang tơmoi.

Jo 23:9

Đơ̆ng kơpal kơ̆l kông, inh 'bôh lu sư đơ̆ng kông groi kơjung, inh lăng lu sư: To, minh khŭl kon pơlei oei hơdrô̆ phara ưh kơ jô̆ lu sư hơdai thoi kon bơngai lăm teh đak ôh.

Jo 25:6

Âu, đei minh 'nu bơngai drŏ-nglo Isơrael chông ba minh 'nu drŏ-kăn bơngai Madian kơ lu 'nhŏng oh sư, 'bơ̆t anăp Môis păng 'bơ̆t anăp đĭ-đăng kon pơlei Isơrael oei akŭm, kơplah lu sư oei nhơ̆m 'bơ̆t 'măng Bơsŭn Anih Akŭm.

Both 18:9

Mưh lu iĕm mơ̆t boih lăm dêh mă Kră Yang 'Bok Kei-Dei iĕm ăn. 'Nĕ kơ pơhrăm pơm rok kiơ̆ dôm lu tơdrong kơnê̆ krưp lu adrĕch adrung noh pơm.

Both 23:8

Kon sâu lu sư jơhnơr mă pêng ăn gơh mơ̆t lăm khŭl kon pơlei Kră Yang.

Both 7:1

Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Jôsuê 23:12

Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,