Esơra 6:3 - Sơ̆p Hlabơar Nơ̆r 'Bok Kei-Dei

³ Sơnăm blŭng-a chăl Sirus pơm pơtao, pơtao Sirus đei chih tơjur ăn hla bơar gah tơdrong pơm hnam akŭm Kră Yang 'Bok Kei-Dei tơ Pơlei Jêrusalem thoi âu: Pơm ming bĕ hnam akŭm Kră Yang 'Bok Kei-Dei, wă pơm anih pơyơ̆r dôm lu tơmam soi; lu hơnă sư athei pơm mă kơjăp, kơjung sư pêng-jĭt hlok tor sư pêng-jĭt hlok;

Esơra 6:3 Iomraidhean Croise

II Ho 2:3

Sôlômôn gơih nơ̆r kơ Hiram pơtao dêh Tirơ khan: “Ih đei tơgŭm bơih 'bă inh, Đawit, ăn boih, 'long hơngo wă pơm hnam pơtao sư; apinh ih kư̆m tơgŭm inh thoi noh.

II Ho 2:6

Lei na bu kĕ pơm ăn hnam kơ Kră Yang? Mă lu plĕnh, plĕnh kơ lu tăl plĕnh kư̆m ưh kơ gơh 'măn kơ Sư mơ̆n! Lei inh âu bu, mă gơh pơm hnam ăn kơ Kră Yang? Pơm hnam lăp wă soh 'long 'bâu phu 'bơ̆t anăp Sư.

II Ho 36:22

Lăm sơnăm blŭng-a chăl Sirus pơm pơtao Persia, Kră Yang wă pơsĭt nơ̆r Sư mă Jêrêmi đei khan adrol boih, Kră Yang pơm ăn kơ jơhngơ̆m Sirus pơtao Persia, wă kơ sư roi tơbăt tơ jơ̆p-jang teh đak sư, hăm chih hla bơar roi tơbăt khan:

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 1:2

Sirus pơtao Phersia, khan thoi âu: Kră Yang Kră Yang 'Bok Kei-Dei đei ăn kơ inh pơgơ̆r dôm lu dêh char lăm teh đak păng kơdih Sư athei inh pơm kơ Sư minh pôm hnam akŭm tơ pơlei Jêrusalem, lăm dêh Juđa.

Esơra 3:7

Lu sư asong ăn jên kơ lu bơngai gơh blah tơmo man păng lu bơngai gơh jang 'long păng ăn lu tơmam sa, đak nhă păng đak rơmă ăn kơ kon pơlei Siđôn păng kon pơlei Tirơ wă wơh lu sư chă 'long hơngo đơ̆ng Liban dui trong đak dơsĭ truh tơ Jôpa, đơ̆ng chơ truh tơ pơlei Jêrusalem kiơ̆ kơ Sirus pơtao đe Phersia đei tơjur athei.

Esơra 6:14

Thoi noh, lu đe kră pơgơ̆r kon pơlei Juđa pơtơm pơjing ming dơ̆ng hnam akŭm, tơdrong jang pŭn hiôk tơpă, 'blep trŏ thoi nơ̆r Hagai păng Sachari khan lê̆ adrol, kon drŏ-nglo Iđô. Thoi noh lu sư pơm keh hnam akŭm kiơ̆ kơ nơ̆r tơtă đơ̆ng Kră Yang 'Bok Kei-Dei lu đe Isơrael păng kư̆m kiơ̆ kơ nơ̆r tơjur đơ̆ng Sirus, Đarius păng Artaserses pơtao dêh char Phersia.

Horiso 122:4

Tơ noh adrĕch kon pơlei tŏk năm. Lu adrĕch adrung Kră Yang tŏk kiơ̆ kơ nơ̆r tơtă kơ lu bơngai Isơrael, wă kơkuh bơnê kơ Anăn Kră Yang.

Tơdrông Tơ'bôh 21:16

Sư pơtŏ pơlei ei păng 'long thưk wơ̆l tor sư tŏ ăi, să iĕ păng kơjung sư đei 'bar-trĭu pơđăm-hrĕng rơbâu thưk.