Esơra 5:3 - Sơ̆p Hlabơar Nơ̆r 'Bok Kei-Dei

³ Lăm kơplah noh, Tatênai pơm 'bok tih pơgơ̆r dêh gah bơmơ̆t đak krong păng Sathar Bôsênai păng đĭ khŭl lu sư bơngai bơ̆jang, năm tơ Jêrusalem chơchă kon pơlei Juđa păng khan kơ lu sư thoi âu: Bu athei iĕm pơm pơjing hnam akŭm âu păng man ming dur pơlei âu?

Esơra 5:3 Iomraidhean Croise

Esơra 1:3

Bơngai bu lăm lu iĕm, mă kon pơlei Sư, athei wih brŏka tơ pơlei Jêrusalem dêh Juđa, wă pơm ming dơ̆ng hnam akŭm Kră Yang, Sư boih Kră Yang 'Bok Kei-Dei lu bơngai Isơrael, mă oei lăm pơlei Jêrusalem. Hơpơi kơ Kră Yang 'Bok Kei-Dei bơngai noh oei hơdai hăm sư!

Esơra 4:12

Kơkuh kơ ih pơtao wă roi kơ ih băt hơđăl lu bơngai Juđa đei brŏk đơ̆ng ih brŏk truh tơ nhôn tơ pơlei Jêrusalem, lu sư pơm pơjing ming pơlei noh pơlei mă juăt pơm kơnê̆ dêh lu sư man ming dur pơlei păng hơmet ming hơnă hnam akŭm boih.

Esơra 4:9

Rêhum, yŏng linh, Simsai, bơngai chih hla bơar păng đĭ-đăng lu sư bơngai bơ̆jang pơm kuan tih, lu kră sek tơlang lu sư bơngai Đinit, bơngai Aphatsathit, bơngai Tatbêlit, bơngai Aphatsit, bơngai Atkêwit, bơngai Babilôn, bơngai Suwan, bơngai Đêhawit, bơngai Êlam,

Esơra 5:6

'Nâu hla bơar đei chih rok dơ̆ng đơ̆ng hla bơar 'bok Tatênai, yŏng pơgơ̆r dêh gah bơmơ̆t đak krong, Sêthar Bôsênai păng đĭ khŭl lu sư bơ̆jang, wă khan lu bơngai Aphatsak oei gah âu đak krong, đei roi kơ pơtao Đarius,

Esơra 5:9

Lu nhôn đei apinh lu đe kră pơgơ̆r pơlei thoi âu: Bu ăn kơ iĕm pơm hnam akŭm âu păng man dur pơlei âu?

Esơra 6:13

Tatênai, 'bok kuan tih pơgơ̆r dêh gah to đak krong, Sêthar Bôsênai păng lu bơngai bơ̆jang hơdai lu sư, lu sư pơm kiơ̆ 'blep trŏ thoi nơ̆r pơtao Đarius đei tơtă.

Esơra 6:6

Thoi noh dang ei, ơ Tatênai pơm 'bok pơgơ̆r gah bơmơ̆t đak krong, Sêthar Bôsênai păng đĭ-đăng lu bơngai bơ̆jang tơ Aphatsak gah to đak krong, athei weh bĕ đơ̆ng noh;

Esơra 7:21

Thoi noh, inh boih pơtao Artaserses đei chih roi ăn kơ lu 'bok kuan wei hnam mong tơmam gah bơmơ̆t kơ đak krong khan mă tơmam kiơ Esơra, 'bok soi bơngai bơtho hơgei kơ hla bơar, hlôh băt dôm khôi juăt Kră Yang 'Bok Kei-Dei tơ kơpal plĕnh, gô apinh đơ̆ng lu iĕm, lu iĕm athei ăn hloi.

Hagai 1:1

Sơnăm mă 'bar chăl pơtao Đarius, năr mônh khei tơdrâu, đei nơ̆r Kră Yang yua Hagai 'bok khan lê̆ adrol roi tơbăt ăn kơ Sôrôbabel, kon drŏ-nglo Salathiel kră wei-lăng char Juđa păng ăn Jêhôsua, kon drŏ-nglo Jêhôsađak, 'bok soi tơm thoi âu:

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Jang 4:7

Lu kră sek tơlang anhăk ba bre Pêtrôs păng Yôhan wă sek tơlang. Lu sư jet bre Pêtrôs: “Đơ̆ng bu ăn kơ biĕm gơh pơklaih bơngai hơwen hơwo âu?”